السلام عليكم ورحمة الله وبركاته....


بعد الاكتفاء بالمشاهده كزائر لهذا الصرح الهلالي لسنوات دون المشاركه في المواضيع .

قررت التسجيل بالمنتدى لطرح بعض الأراء المتواضعه وتقييمهاا ،، والنقاش حولها ..

مقدمه بسيط :

بداية اعترف انني لا املك المهاره بالكتابه والزج ببعض المعاني بين السطور ..

ولا املك تحليل الشنيف ووبران ، ولا حنكة قيريتس , ولا انامل الروقي ، ولا شهرة التويجري

ولكنني كأي هلالي غيور ومحب لناديه احاول كتابه ما يدور بعقلي من نقاط ...

اوضاع الهلال :

لا يختلف اثنان عقلاء ان هلال اليوم ليس بهلال الامس ..

ما يشهده فريق الهلال من بعض التخبطات -ان كانت اداريه او فنيه - سوف تقلل من هيبته

امام الفرق الاخرى وجماهيرها من جهة ،، وتقلل من ثقته مع جمهوره ومحبينه من جههـ اخرى .


التعادل مع هجر والخساره من الفتح انها لبدايه لموسم حافل بهدر النقاط والسقوط بشعار

الزعيم الى الهاويه ( يا الله سترك ) ...


كومبواري :

مدرب مجتهد حماسي طموح مغمور .. ولكن .. لا يصلح للهلال ..

1- تكتيك المدرب هجومي .. 2- تركيزه على اللعب السريع .. 3- اللعب من العمق .. 4- الاعتماد
على الوسط طول المباراة ..



1-تكتيك المدرب هجومي :

وهنا تقع الكارثه .. المدرب يعشق العب الطريقه الهجوميه والمبادره بالهجوم وازعاج الخصم وقصفه بالهجمات السريعه والاخذ بزمام الامور ... ولكن اسيا لا ينفع معها هكذا طريقه ..
بطولة اسيا تريد سياسه وحنكه وقراءة الخصم واحترامه حتى لو كان صغير ..



2 - التركيز على اللعب السريع :

وهنا التناقض .. اللعب السريع يحتاج الى موسيقار ارتكاز لياقته مرتفعه ويقرأ الملعب ..وصانع لعب يجيد التمرير والمراوغه وايجاد الحلول باقل من ثانيه .. هل الفريدي ! وهرماش ! يمتلكون هذه المواصفات .. اترك لكم التعليق

( مدام يا مدرب يا كبير هذا تفكيرك كان جبتلنا لاعب وسط متقدم يمتلك هالمواصفات .. يا كثرهم بامريكا الجنوبيه )


3- اللعب من العمق :

تناسب خطة الهلال نوعا ما ولكن يجيب التخلي عن برود الفريدي وانانية بعض اللاعبين

وتحرك المهاجمين وتبادل مراكزهم طوال الهجمه ..


4 - الاعتماد على الوسط :

وهنا المضحك المبكي .. لاعبين الوسط كل ادوارهم هجوميه !! وفاجأأأأأه تصبح ادوارهم دفاعيه

ليش يا مدرب يا كبير .. الم تتعلم في الدورات التدريبيه وخلال مشاهدتك للمباريات ان هناك

لاعب يسمى لاعب ارتكاز دفاعي ولاعب اخر يسمى لاعب ارتكاز هجومي ..

هرماش هجومي.. ياخي لعب القرني او الغنام جمبه راح يفيدك والله ..

ولا يجدر بك عدم تثبيت ارتكاز دفاعي وانت تملك الدفاع المتهالك ..



عبدالرحمن بن مساعد :

شبيه الريح اعرف واحس بما يعنيه لك نادي الهلال وما تكمنه بين ضلوعك

ولكن .. من خلال قربك للفريق والعمل سنوات عديده كرئيس .. هل انت راضي عن الصفقات؟

هل من الصواب انت تسلم الاموره الفنيه لمدرب مغمور لا يمتلك السي في الكافي

ولا يمتلك الخلفيه الكافيه ليتحكم بالتعاقدات دون الاستشاره ببعض الشخصيات الهلاليه

مثل سامي وابو اثنين والاحمد !!!!

يا شبيه الريح ترا اذا خسر فريقك المدرب راح يشيل اغراضه ويمشي ..

وجماهير الهلال راح تعاتبك انت .. ولن يقنعهم جوابك المتوقع ( هذا طلب المدرب )..

ادارة الهلال لما تفاوض 20 مدرب ويرفضون ويتأخر المدرب ويكون مو صاحب سي في ..

هذي اسميها هفواااا ..

الكل يعلم ان هاسيك الموسم اللي فات في اخر المباريات كان راحل لا محاله .. لماذا لم تتم بداية المفاوضات في هذا الوقت ؟؟ ( اترك لكم الاجابه)




لاعبين الهلال :

العتيبي .. شكراا لك ولكن العمر له حق

الزوري .. ادوارك الهجوميه ممتازه ولكن ولا اوووفر صح وانت فوق 3 سنين اساسي مع الهلال !!!

المرشدي .. تحتاج الى الثقه وهوساوي... ولن انسا مباراتك امام الاتحاد في جده بغياب
هوساوي كنت الملك واحرجت هجوم الاتحاد ..


مانقان .. من الظلم الحكم عليك ..

البيشي .. سرعه مهاره مستقبل من ذهب ..

هرماش .. ذو نزعه هجوميه ولا يمتلك المقومات الدفاعيه .. ضروري وجود محور بجانبه ..

سالم الدوسري .. خل عنك الانانيه والدكه علاجك

الفريدي ؟؟؟؟؟

نواف العابد .. نجم الهلال الاول بلا منازع

الدوسري .. احررجت سالم والفريدي بتألقك ولو كنت مدرب لاعطيتك شارة الكبتن ..

الشلهوب .. تتميز بالباصات الدقيقه ويعيب عليك المراوغه بالمساحات القصيره ..

ياسر .. نبي ياسر العين

لوبيزز .. ثالث هدافين الدوري هذا الموسم







كلمة حق :


-بما ان لاعبين الوسط الهلال متقاربين المستوى وصعب الحكم على من يلعب اساسي

ارجو تطبيق خطة قيريتس وهي ( الافضل بالتمرين يلعب اساسي )


-مدربنا الكبير .. خطتك احرجتك امام الفرق الصغيره .. ارجو تبديلها واللعب بمحورين..

- جمهور الهلال ارجو الوقوف مع اللاعبين والاداره باي الاحوال وعدم الضغط عليهم لان مافي فايده .. انتهى سوق الانتقالات وبن مساعد جدد وصعب يستقيل ..

- على مدربنا بعد الرجوع من كوريا الاتجاه الى المغرب وتدوين الملاحظات من جريتس ..



امور لا اتمناها واتوقعها :

1 - الاهلي او الاتحاد يحرز كاس ابطال اسيا

2 - اقالة كومبواري وتعيين زاتكو مكانه ( الخطه واضحه )






لو كنت مدرب الهلال :

التخلي عن الكوري واجيب صانع العاب اسيوي يجيد التسديد من خارج المنطقه

اعارة الحارثي او التخلي عنه

التخلي عن هرماش واجيب محور اكثر نشاط وخبره ويجيد الكرات الثابته والتوجيه

اعطي المسلم فرصته لان اشوف فيه مستقبل الدفاع السعودي وليس الهلالي






وفي الخاتم :


ان اصبت فمن الله ،،، وان اخطأت فمن الشيطان




كما بديت كلامي انهي كلامي بالسلام عليكم ورحمة الله وبركاته


-----------------------------