|
حملة يداً بيد لنصبح عامل دعم بدلاً عامل هدم بسم الله الرحمن الرحيم السلام عليكم ورحمة الله وبركاتة تقبل الله منا ومنكم صالح الأعمال وجعلنا من العتقاء من النار اللهم آمين دعونا نتحدث عن دور المشجع الحقيقي ألا وهو الدعم الفعال للفريق من حضور وتشجيع ورفع للمعنويات لكي ينعكس ذلك على الفريق بأكمله ويتحقق المطلوب أما مايحدث الآن من بعض الجماهير هداهم الله والذين إنطلت عليهم الحملات الخارجيه المغرضة والتي هدفها الأول إسقاط الزعيم ورمية في القاع والنيل من مكتسابتة فأصبحت هذه الجماهير عامل هدم لدعم الحرب التي شنت من زمن على الزعيم نقد جارح ،سب علني ،ألفاظ خارجة عن الروح الرياضية ، أصبحت للأسف تريد هذا وترفض ذاك وتتدخل في التشكيل وفي العقوبات الفريق يوجد به رئيس وكذلك إداريين وجهاز فني هل نلغي دورهم ونتولى نحن هذا الدور فمن هنا دعونا نتقيد بدورنا الحقيقي الدعم ، الحضور ،التشجيع وندع لكلأ دوره المناط به ونسد الباب على تلك الحملات الدنيئة المعروف أهدافها لا أريد الإطالة فاللبيب بالإشارة يفهم تمنياتي للجميع بالتوفيق |
يعطيك العافيةةةةةة وانا يعجبني التفاؤل ونكون يدا بيد مع الكيان وسوف يعود بإذن الله |
ربي يسعدك ويعافيك اخي بالفعل الفريق بحاجه الى الدعم والمسانده خاصه في هالوقت الصعب واتمنى ان نقف مع بعض ونكون سدا منيعا وعلى قلب رجل واحد من اجل الفريق ولمواجهة اي من يريد ان يهدد استقرار الفريق بالمرصاد وليكن شعارنا : :ba:"يدا بيد من اجل الزعيم:ba1: |
كلامك على متمة يا غالي ما قصرت بس حبيت اضيف حاجة بسيطة واذكر الجماهير بها نسيتوا السنة الماضية ثاني مبارة للهلال مع الشباب وانهزمنا 2_0 وكان مستوى الهلال اسوا من السيء لكن الحمد لله ثاني مبارة مع الاهلي تغير الحال 180 درجة ورجيناهم باربعه وحتى مع غيرتس ( طيب الذكر ) وكوزمين البدايات كانت مهزوزة صدقوني الامور بتطيب وبتزين لكن الله يكفينا شر الحساد والمخربين اللي همهم الاول والاخير هدم الكيان الازرق |
إقتباس:
|
شكرآ من الاعماق لك على الموضوع الجميل كجمال الزعيم ويدآ بيد من اجل الزعيم الملكي |
موضووووع جميل..... يدآآآآ بيد مع الكياااااااااااان....... |
هذا الكلام الصح والذى يجب على كل زعيم ان يعمله ولا ننساق وراء المندسين الصفر كتبة موضوع قبل يومين وتدخلو بعض المندسين وقالو انت تطبل للاداره نصبر على الزعيم اربع جولات ثم نحكم على المدرب واللاعبين تحياتى للزعماء والزعيمات جميعا ومبروك عيد الفطر مقدما وجعلكم من عتقائه من النار يارب اللهم ارحم والدى ووالديكم اجمعين الاحياء منهم والاموات واحفظ بلادنا من كل سوء يارب العالمين |
لن ينجح اي مخخط طالما شعار الهلاليين يدآ بيد مع الزعيم في الحلوه والمره لابد من الوقوف مع جميع اللاعبين طالما يمثلون الزعيم |
إقتباس:
|
إقتباس:
|
يسلم بؤك يا بيه ما نبغى من الجمهور الا انهم يتركون كل شي ويتفضون للمسانده وبس |
حسستني اننا جمهور النصر كلن له رأيه عن نفسي انا ضد ان الجمهور يحضر مبارايات الهلال الفتره الحاليه ولو بيدي وقفت على باب الاستاد اردهم اجل نتعادل مع هجر بآخ 8 دقائق وننهزم من الفتح .......!!! وتقولي نحضر وندعم غريب امرك يا صاحبيي احنا مو في اوروبا وحتى بأوروبا الجمهور يقاطععع اذا الفريق طلع بمحظ ارادته يعني لو الهلال قدم على الاقل مستوى كويس كان قلنا يله أدو اللي عليهم والله ما وفق لكن فريق مجبور يلعب واحس لو بين الشوطين خيروا اللاعبين من يبغى يروح البيت اتوقع نصهم يمشي ؟!، يعني معسكرات بأوروبا وعقود بالملايين ماشاء الله وبالأخر مستوى زي الزفت وتبغاني احظرلهم مصيبه ولولا الله ثم جمهور الهلال الاكثر لما جاء دعم موبايلي ودعم اعضاء الشرف وبالاخير فلوس الشراكه والنقل وغيره وغيره تروح عقود للمرشدي وخيرات ونامي اللي ناكبين الفريق وعدنا سمو الامير عبدالرحمن خير في فترة رئاسته الثانيه لكن البداية والله ماتبشر عاقل بالخير كمبواريه يلعبلي ياسر الشهراني صانع لعب وعنده هرماش ..! قلب الدفاع مانجان بمباراة هجر بآخر 10 دقائق صار راس حربه ثابت شكله راعي بتكس المدرب يلعبلي راسين حربه واثنين محاور ( ثابتين ) ،،،! خبل ذا مو صاحي والادارة دايخه اكثر منه ما ابغى اقول ان مانجان مبين عليه سيء نحكم عليه بقادم الايام ومعليش انا كنت اشوف ان الفريق بحاجة صانع لعب اكثر من حاجته لمحور عندنا بالمحاور محمد القرني وسلمان ينفع والغنام يمشي الحال بس ليتهم مافرطوا بالبرقان ليتهم استغنوا عن هرماش وجابوا صانع لعب يؤثر على المهاجمين لكن امرهم غريب وياليت الادارة تسمع من الجمهور لنا 1000 سنه نطالب بتنسيق المرشدي لكن اللي مو عاجبوا يضرب براسه اتوقع والعلم عند الله لو المرشدي وخيرات ونامي والبيشي بالنصر او الاهلي ولا الشباب كان من زمان تنسقوا ويمكن حولوهم حتى للأدعاء العام وبصراحه انا عندي اقتناع تام ان سمو الامير عبدالرحمن نهائيا ما يصلح للهلال ماشفت منه الى اول موسم فقط فقط فقط اللي جاب فيه جريتس ونيفيز وولهامسون غيرها مافيه شي بالعكس دلع اللاعبين وكبر روسهم عالنادي هوساوي اللي جابه الهلال الامير محمد بن فيصل وحتى روحة ياسر اسمحلي يا سمو الامير كان جدارك قصير المفروض لاعب بحجم ياسر مايطلع من النادي وعندك محمد نور كل موسم اقل شي ثلاثه تصاريح انه يبغى يترك النادي ويرتاح ولا قد خلوه يطلع واميرنا يوافق على طول لياسر انا قلت شكل الامير ما وافق الى ومالي يدة توقعت ابراهيموفيتش مخلص مع الريس بس للأسف طلع سعد الحارثي والله يصبرنا عموما اتمنى الامير عبدالرحمن يترك المجال لغيرة قدم اللي عندة جا وقت غيرة وياليت لو بندر بن محمد معليش طولت وشطحت بس تخبر صيام وهذرا واجد |
مشكلتنا في بعض الجماهير شايفه نفسها والبعض مراهق رياضياً ليسى لهم صله بالتشجيع هولاء مدمرون للاعبين فقط |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 02:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd