10/08/2012, 02:31 PM
|
 | موقوف | | تاريخ التسجيل: 01/12/2007 المكان: جده
مشاركات: 469
| |
فرحوا بسقوطك يا زعيم فهل نكمل فرحهم بالهجوم عليك!!؟؟
لاول مره في تاريخ الهلال الحديث نصاب كهلاليين بخيبة امل واحباط من بداية الدوري وفي نفس الوقت خصومنا يكونون في مركز افضل منا وبدت من الآن الترشيحات لبطل الدوري وكأن الدوري قرب ينتهي صحيح ان الفريق سيء جدا ولكن بعد ماهدئت النفوس ياليت نفكر بمنطق ونبتعد عن الهجوم القاسي على الفريق لان مهاجمة الاداره والمدرب والاعبين في هذا الوقت تحديدا رح يزيد الطين بله ورح يجيب نتائج عكسيه يكفي هجوم الحاقدين على فريقنا وهم بالملايين .هذي الايام اسعد ايامهم بيتشققون من الفرح لان جلادهم ومعذبهم سقط على الارض يعتقدون ان الازرق انهار وماراح يقوم مره ثانيه !!صحيح ((اللي مايعرف الصقر يشويه ))الى درجة انهم بداوء يقارنون بين سنين النصر العجاف وبين مؤشرات يتوقعونها لسنين هلاليه عجاف !!مانقول الا الله لا يحقق مرادهم ..المضحك ان بعضهم يتباكى على الهلال وهو من اشد الكارهين وهدفه معروف وهو تأليب الجماهير ضد الفريق ككل حتى يزداد الفريق سواء . ياجمهور الهلال لاتتعاونو معهم على عشقكم الملكي صحيح الوضع ماهو مقنع ابدا لكن تأكدوا ان الاداره وان كثرت اخطائها الغير مقصوده الا انها بأذن الله ستستغل فترة التوقف لتعديل الوضع واكيد المدرب الجديد فهم طبيعة المنافسه والاجانب تعودوا على الجو العام وبقية اللعيبه فهموا طريقة المدرب اللي استغرب ممن يستهزء به فلو كان كومباريه مايفهم مستحيل يكون في يوم من الايام مدرب باريس سان جيرمان لكن طبيعي ان المدرب يحتاج وقت ليظهر اسلوبه على الفريق ...شخصيا متفائل بأذن الله ان الهلال رح يبداء بعد رمضان بروح ومستوى وعطاء جديد ورح يرجع لمكانه الطبيعي في المقدمه وكل من فرح بسقوط الهلال لن يستمر فرحه لان الزعيم مايرضى الا بالمركز الاول طوال تاريخه . همسه في اذان كل هلالي :وضع الهلال الحالي يكشف لك شخصيتك هل انت هلالي عاشق للفريق في كل احواله ام انت مشجع مناسبات ووقت افراح..قيم نفسك دون ان يقيمك احد. احساسي نفس احساس الامبراطور صالح النعيمه ان الهلال سيصل الى المباراه النهائيه في بطولة آسيا وياليت يابو فهد يكملها الهلال بالكاس . |
الوضع الشجري
