|
للاسف جمهور الهلال جمهور مقارنات وعادل هرماش احد ضحايا هالجمهور ، دعوة للنقاش بما يحدث للزعيم VIP السلام عليكم جمهورنا العزيز لكم الحق على الزعل على كل من يمثل الهلال من إدارة ومدرب ولاعبين وبأذن الله بعد العيد سوف يتعدل الحال دعواتكم ولكن عتبي عليكم اصبح جام غضبكم على الجميع وحتى اللاعب الجيد اصبح سيء في نظركم جمهورنا يبكي على الأطلال كثيراً ويحب المقارنات وخاصتن بموسم قريتس اقسم بالله وأقولها ونا صائم لو جميع اللعيبة اتو الذين مثلو الهلال في عصر قريتس وبقيادة قريتس نفسه لن يتعدل الحال كثيراً والدليل على كلامي في الموسم الثاني لقريتس والأجانب جميع الجماهير صبت جام غضبها على قريتس نفسه والكوري ورادوي ونيفيز وليهمسون بقول نقطة وحدة بس وهو اللاعب المظلوم عادل هرماش وربي ذبحتو هاللاعب مدري ليش بس تقارنونه مع رادوي جلست مع اهلاوية واتحادية كلهم يتكلمون عن هرماش ويقلون نتمنى فريقنا يملك زي هاللاعب لكن للاسف جمهورنا يعشق المقارنات رغم ان هرماش في مباراة الفتح سددد ومرر وكاد ان يحرز هدفا ولكن الجميع لم ينصفه أخيراً ياجمهورنا العزيز اطلب منكم الدعاء للزعيم لأجل ان تعود المتعة الهلالية اتشرف بتواصلكم معي على التويتر https://twitter.com/#!/hossam_AY [/COLOR] لكم ودي .. حسام :rose::smilie47: |
هرماش لاعب مبدع ويملك قدم قويه وهومكسب للهلال وان شاء الله الفريق بعد التوقف يتحسن وترجع له الروح يعطيك العافيه:rose::rose: |
اوووووافقك هرماش من افضل الاجانب بالدوري |
هرماش لاعب ممتاز لكن مهب مثل رادوي سالم الدوسري مستواه فاشل الاعب وقع العقد و نام على المخده الهلال يحتاج الاعب الجماعي مثل مباراة السيتي القرني لازم محور دفاعي ثابت علشان هرماش يتقدم نبي عودة رادوي الاعب القتالي :smilie47: العتيبي مستواه فاشل جدا فيه السديري و شرحيلي مانجان لاعب دولي فاشل تورطنا فيه اتمنى استمرار الشهراني بدال الزوري |
هرماش احس انه يبدع في منطقه الوسط اكثر من المحور اتمنى اشراك الغنام اساسي مع هرماش لعل وعسى يمكن اصلاح الخلل الحاصل بالفريق |
أستغرب من اللي يمدح هرماش ياخي عطني حسنه وحده من حسنات الشيخ هرماش !! أنا ما اقارن هرماش برادوي لأن الشمس مايغطيها غربال وفيه فرق بين الثرى والثريا ياعزيزي بس نبي محور دقاعي مانبي واحد يترك مكانه وتشوفه يطامر على قوس منطقة الجزاء للخصم !!! الهلال يلعب باربع لاعبين وسط ومهاجم او مهاجمين يعني موب ناقص والله عشان يتقدم هرماش ويكشف العمق للخصم لاعب لايجيد تغطية المحور ولا يجيد التسديد ولا شفنا له الا هدف على الاتحاد لمست الكوره بالمنتشري وجت هدف لاعب لايجيد استخلاص الكوره الا بفاول لاتجي تقول لي تسليم واستلام ترى الرجال توصله تمريره من قلب الدفاع ويمررها للظهير اللي جنبه وبينه وبين الظهير 5 امتار صدقني لو ما كان عادل هرماش مسلم كان دعيت عليه برباط صليبي يجلسه 6 شهور بالعياده بس لحسن حظه انه مسلم لأنه بجد سبب خسارة الهلال هو وحسن العتيبي وأتمنى رحيلهم او عمل مخالصه معاهم من الآن |
والله حتى اخوي نصراوي ويقول ياليت إدارة النصر تجلب لاعب زي هرماش قدم قوية ويلعب بروح قتالية وكأنه ابن النادي ’’ ومشكلة جمهور الهلالي مو قادر ينسى رادوي والضحية عادل هرماش |
اققول عطونآ عثمان العساس حق الغرافةة اجل الفرج يمسكك وسط الهلال خخخ هرماش اول موسم وقلنا انه م تأقلم وجاء الثاني وهو ماش م يتقارن بابداع غيرهه من الي مسكو محلةة سابقا |
هرمآآش مكسب للزعيم وآللي يقول غير كيذآ مآ يفهم كورهـ هرمآش نآقصه بس وآحد يلعب معآهـ محور دفآعي و آتركو آلبآقي له |
هرمآش متى يكون ممتآز ؟ .. اذا لعب جنبه الغنآم .. او محور دفآعي ثآبت ! هرمآش من المحآور المتحركه .. مثل تشآفي .. خضيره ...آلخ :D مبدع بتوزيع الكور .. ومبدع بالتسديد .. ثقه كبيره .. روح عآليه نآقصه مسآند فقط :) ! |
موضوع جيد وسب هرماش نوع من انواع التغطية على لاعبيهم المفضلين لا اقل ولا اكثر نقول لهم نحن نعرف الكرة فلا تستغفلوننا |
هرماش لاعب كبير ويملك امكانيات رائعة بدنية وتسديد ودقة باص ويحضن صح عليه بعض المآخذ والعيوب بطيء في الجري , ضربات الرأس, افتكاكه ضعيف للكورة يطلع على الاطراف كثير !؟ لا يلتزم بخانته أرى عادل هرماش يكون اساسي ولكن بشروط أن لا يكون محور صريح بل بجانب لاعب آخر مثل الغنام أو سلمان الفرج دفاعي وهرماش على الدائرة عادل هرماش صحيح أنه أفضل الموجود حاليا ولكن اتمنى ان يأخذ فرصة الى نهاية الدور الأول في الدوري إن لم يقدم شيء أتمنى ان تعطى الفرصة لسلمان الفرج بجانب الغنام فهما متفامين ويستحقون الفرصة |
صحيــح هرماش يملك امكانيات رائعة ولاعب مميز .. لـــكــنها امكانيات للاعب في مركز المحور الهجوومي و الهلال ينقصه لاعب محور دفااعي .. الهلال يملك القرني و الفرج و الفريدي و حتى الشلهوب يمكنهم يلعبون محور هجومي لكن في المحور الدفاعي لا يوجد سوا غنام كثير الاصابات !! تواجد هرماش منع الهلال من الاستفادة بتغطية المركز الذي يحتاجه (محور دفاعي) و منع هرماش من تقديم ما لديه في مركزه (محور هجومي)!! تواجد هرماش و الهلال يحتاج محور دفاعي زي اللي يحتاج ظهير ايمن و جاب بدال الظهير جناح و حمله مسؤولية الظهير!! لا النادي استفاد من امكانيات اللاعب ولا (الجناح) استفاد و قدر يقدم اللي عنده! |
هرماش من اللاعبين اصحاب المستوى الثابت في الهلال وتمريراته تمريرات صانع لعب ويكفي ان الهلال يعتمد عليه في صنع الهجمات |
يغالي من مميزات المحور الدفاع والهلال يحتاج محور دفاعي وعادل هرماش سيى سيى لابعد درجة فاشل دفاعيا ماعتقد فية احد بيقول انة جيد دفاعيا الاواحد مايفهم كورة قلت لك يمكن يكون مميز بس ظلمة حاجة الهلال للمحور الدفاعي وهو بلاصل محور هجومي ولايجيد الدور الدفاعي فمن الافضل تغييرة ولانحاول نبرر انة مبدع ومميز وهو سيى دفاعي في مكان نحتاج من يفتك الكورة وهو لايقوم بهذا الدور ابد |
| الوقت المعتمد في المنتدى بتوقيت جرينتش +3.
الوقت الان » 10:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd