|
الحلول المؤقته , لعودة الزعيم المؤكده ...! السلام عليكم , , , صباحكم وفاء وزعامه جميعاً * الكل يعلم أن باب الانتقالات اغلق في الفتره الحاليه , فأستغرب من بعض الاعضاء ممن يطالب بإقالة المدرب أو بجلب أو نقل أو أعارة لاعب . * والكل يعلم أن أبو فيصل لم يجدد للرئاسه من فراغ , بل من حماسه وحبه لهذا الكيان الشامخ , فالواجب علينا جيمعاً أن نجدد الثقه بهذا الرجل وندعمه ونشجعه فكل رجل في هذه الحياه معرض لان ينجح ويسقط ونحن في البداية ولم ننتهي بعد كل مايحتاجه أبو فيصل بعد توفيق الله وقفتكم , وقليلاً من (( الصرامه )) مع الاعبين . أذا الحلول المؤقته من وجهة نظري كالتالي : 1/ اعطاء الثقه للمدرب وأن لانستعجل الحكم على عمله , فأي مدرب في العالم يحتاج لاكثر من 6 إلى عشر مبارايات حتى يتضح عمله وتكتيكه .. ومن ثم الحكم عليه . 2/ ركن كل من انخفض مستواه أو تهاون بالشعار بدون مبرر بدايةً من ( حسن , والمرشدي , والزوري , وسالم ) ونهايةً ( بياسر ) واعطاء الفرصه للبدلاء ( شراحيلي ,والمسلم , والغنام , والشهراني ) . 3/ عدم الحكم السريع على الاعب ( مانغان ) , صحيح بدايته سيئه ولكن مع الوقت والانسجام باذن الله سيكون افضل . 4/ حالياً نعاني من ضعف واضح في الدفاع لذا اتمنى في المبارايات المقبله أن تتم الاستعانه بالغنام كمحور دفاعي بجانب هرماش لسد الثغره الواضحه في العمق الدفاعي . 5/ تكثيف الحصص التدريبيه والتمارين ولعب المباريات الوديه خاصةً في فتره التوقف الحاليه . 6/ أتمنى تفعيل مبدأ الثواب والعقاب , بعيداً عن الاسماء والاعمار, من يجتهد ويحترق في الملعب هو من يلعب ويكافئ , وإلا الدكه بانتظاره . 7/ دعم محترفينا الاجانب في المدرج وخارجه بترديد اسماءهم ( مانغان , هرماش , ويسلي , والكوري ) لاعطاءهم الثقه والحماس وكسر حاجز الخوف والغربه . 8/ وقفة الجمهور والتفافهم حول ناديهم بالحضور والمسانده والدعم , في الخساره قبل الفوز . آسف ع الاطاله , وشكراً مقدماً لكل من مر من هنا , , , :rose: |
وعليكم السلام كلام سليم ميه على مية المشكله عندنا الدفاع فقط وان نشاء الله تنحل في اسرع وقت لابد من دعم بالحضور والمساندة اللاعبيين والوقوف معاهم في كل مباراه بالتوفيق للزعيم |
مشكلة الدفاع بتنحل قريباً مع كثرة المباريات وتعديل الاخطاء والزج بالغنام بجوار هرماش أما بالنسبه للحضور فالجمهور الهلالي عاشق وسيقف بجانب الكيان في الفوز والخساره وهذا ماأعتقده وأتمناه شكراً لك / عبدالله |
اخوي كيف تجدد الثقه في الدرب وهو جايب العيد مع هجر و الفتح كيف بكره مع الشباب والا الاهلي لازم اقاله عاجله ويحطون مدرب الاولمبي والا راح نكون مصخره ع مل لسان مشجع سعودي |
كلامك معقول بس لكن ياسر يبي فرصه بعد لانه ماجته صنعات صح من لاعبين الوسط وشلون تبونه يبدع |
كلام سليم وهذا ان دل ع عقلانيتكك وعشقكك للكيان اقرب حل الزج بالغنام كمحور دفاع لتصحيح اخطاء المدافعين ! |
الي يطالب باقالة المدرب من باب اولى يطالب بطرد العتيبي العتيبي هو سبب ضياع المباراتين الماضية لابد من اعادة شراحيلي للتشكيل الاساسي |
وين العقلية بالكلام يوم تقول ياسر وتقول نهتف بأسماء الاجانب ليه ماتهتف بأسماء جميع اللاعبين هذا الكلام الصح ليه مانوقف معهم جميعا عجبا تهتف لناس وناس لا يعني الاجانب هم اللي يلعبون هم اللي يجيبون البطولات لنقف مع الفريق كافة ولا لاتتكلمون تفرجوا احسن |
حلول جيدة وخاصة في الوقت الراهن ، وسنقف يد بيد مع زعيمنا قاااادمووووون يااسياااااااا |
لنا موسمين و نحن نعيش على المسكنات ما ادري متى راح نستأصل المرض |
وعليكم السلام لا وانت الصادق المشكله محااااااور زي الناس |
يا عزيزي ابعلق على نقطة مانقان هذا اللاعب سيء جدا لاعب لا يجيد التغطيه بشكل صحيح في مركز الدفاع بالاظافه انه ثقيل ولاحظناه مع قصار القامه واصحاب السرعه امثال اترام والتون مانقان ارى المكان المناسب له محور مع هرماش تحياتي |
مدري وشفينا على الاعب السعودي اتفق معك فيما طرحت عدا الرقم2ليش نهتف باسم الاجنبي ونصفر على السعودي المعروف ان اي محترف اجنبي يشيل الفريق لكن مع احترامي هرماش ومانقان يبون من يشيلهم اما المستوى السيء كل الفريق سيء صحيح حسن فاجانا بتصريح انه يلعب وهو مصاب من العام لكن ان شاء الله نعلم طويل العمر لاجاء ونشوف يجب ان يكلف الحبشي بالعمل كمساعد للمدرب وابوثنين او الدعيع او التمياط مدير للفريق وركن هرماش ومانقان لين فترة التسجيل القادمه بعدها الفريق راح يعود باذن الله شكرالك |
والله صدقت ناضر جماهير النصر كل يوم يخسرون والملعب يملونه وناضر الاهلي يملون الملعب لابد نوقف معهم على الحلوه والمره لابد واتمنى تصحيح الاخطاء من المدافعين والحارس وياسر مالقى صانع لعب يصنع له كور لو بتلاحض تشوفه بالمبارات الي فاتت والاولى يرجع للخلف >يحاول يصنع لنفسه بس ماقدر من تكتل الدفآع بالتوفيق للهلال في مشواره الطويل وخاص بالاسيويه |
إقتباس:
اذا كل مدرب تبيه ينجح من اول مباراه فهذه صعبه , واذا بتقيل كل مدرب عشان خساره مارح تحصل مدرب في النادي اتمنى ندعمه في الفتره هذي ونحكم عليه وعلى عمله بعد 6 مبارايات وشكراً لك |
| الوقت المعتمد في المنتدى بتوقيت جرينتش +3.
الوقت الان » 11:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd