حسن العتيبي كيف الحال ../ يوجد فيديو - نادي الهلال السعودي - شبكة الزعيم

أحـبــك لـيــه مـدري · #1 09/08/2012, 05:17 AM

آولاً هاردلك يازعماء على خسارة ٥ نقاط من اصل ٦ ، الهلال كان يعاب عليه الحراسه وثقل مانقان وعدم تفاهمه مع المرشدي ايضاً الهلال يحتاج محور دفاعي ويحتاج صانع العاب اجنبي بدلاً عن الكوري ويحتاج ايضاً الى حارس مرمى بكل ماتحمله الكلمه من معنى الهلال منذ سنوات كان يعاني من اخطاء الدفاع لكن كان خلفهم الاخطبوط محمد الدعيع لكن الان لادفاع صح ولا حتى حراسه ..
امنيه اخيره اتمنى ان يشرك عبدالله السديري من الجوله القادمه لانه وبكل امانه العتيبي وشراحيلي يفتقدون لاهم مقومات الحارس اللي هو الطول ..
هذي مقاطع للاخطبوط محمد الدعيع على شان تعرفون انو ماعندكم حراسه ..
‫صدة الدعيع لصاروخ سعود كريري‬‎ - YouTube
‫المعلق رؤوف خليف وابداع الدعيع‬‎ - YouTube
‫بصوت فارس عوض الدعيع يمنع الهدف الاهلاوي‬‎ - YouTube
المقطع الاخير اتمنى اغلاق الصوت
‫الدعيع قهر 11 نادي بصوت نجوى كرم‬‎ - YouTube

كونتراتاك · #2 09/08/2012, 05:20 AM

اتق الله صايمين وعشر أواخر فضيلة وحاط مقطع أغاني !

أحمد"20" · #3 09/08/2012, 05:28 AM

يعطيك العافيه ...

وبصرآحه اتمنى من المدرب آشراك الحارس " شرآحيلي " بكل آمــآنــه حآرس مبدع ...

أحـبــك لـيــه مـدري · #4 09/08/2012, 05:34 AM

إقتباس

الرسالة الأصلية كتبت بواسطة كونتراتاك


	اتق الله صايمين وعشر أواخر فضيلة وحاط مقطع أغاني !

اللهم اني صايم اعتقد كاتب اغلقو الصوت في المقطع الاخير ، ولا انت جالس تتصفح المنتدى وانت نايم ..

بلا ملامح · #5 09/08/2012, 05:35 AM

الهلال مايطمن

مو هذا الهلال الي يشدك
مو هذا الهلال الي عشقته
الهلال مايطمنك .. تتابع وتتابع لكن تشعُر بالخطر
فيه حاجه مو صحيحه

هرماش مع احترامي الشديد لكن لم يقدم المأمول والمنتظر منه
مانجان ما احكم عليه لكن يحتاج شنب جواره
حراسة من جد : الله يذكرك بالخير يابو دعيع ويبارك بالموجودين
السديري يحتاج الى الثبات
نجوم الهلال دون الأجانب يشكلون خطوره كبيره بس يبيلهم كلن في مكانه
مع رمضان والدلع الزايد ولهط السمبوسه مالومهم
ربعنا وعارفينهم صعب الواحد يتدرب من نفسه او ينتظم بوجبات محدده
والجو عندنا مايساعد ان الواحد يطلع من بيته ويجري بالشارع
غبره وسيارات وحوسه.
طيب هذا جونـا يعني ننقل الهلال لأبهـا !
ماراح ننقل أحد بس الصوره الي اتخيلها كي تكتمل منظومة الهلال
بناء مدينة سكنية خاصه للاعبي الهلال
يراعى في تصميمها التشجير ومضامير الجري
يكون الهدف منها ايجاد البيئة الصحية
للاعبين وعائلاتهم.

موج الحوت الازرق · #6 09/08/2012, 05:37 AM

العتيبي مصاب ولاتلومه
هذا اول شيء

ثاني شيء العتيبي لاعب خبره وكبير اتحدى اي حارس حاليا بالدوري السعودي افظل منه

لكن لاتضعون اخطاء الهلال بحسن العتيبي

شف الغير وراح تعرف كلامي

شكرا لك

TANGO ALHILAL · #7 09/08/2012, 05:39 AM

شمرا اخوي ع الطرح

وانا اشوف العتيبي كبر على القفز للكوره

والتغير زين

سكرا لك مره اخري

زعيم القرن كله فن · #8 09/08/2012, 05:53 AM

إقتباس

الرسالة الأصلية كتبت بواسطة موج الحوت الازرق


	العتيبي مصاب ولاتلومه هذا اول شيء ثاني شيء العتيبي لاعب خبره وكبير اتحدى اي حارس حاليا بالدوري السعودي افظل منه لكن لاتضعون اخطاء الهلال بحسن العتيبي شف الغير وراح تعرف كلامي شكرا لك

كلامك صحيح لوتلاحظون هدفي الفتح صحيح انه يتحمل جزء لكن الجزء الاكبر من الهدف الاول
يتحمله المرشدي والثاني العابد................... بعدين لاتقارن الدعيع بحسن لانه اسطوره وافضل حارس عربي

.نايف العتيبي. · #9 09/08/2012, 05:54 AM

إقتباس

الرسالة الأصلية كتبت بواسطة موج الحوت الازرق


	العتيبي مصاب ولاتلومه هذا اول شيء ثاني شيء العتيبي لاعب خبره وكبير اتحدى اي حارس حاليا بالدوري السعودي افظل منه لكن لاتضعون اخطاء الهلال بحسن العتيبي شف الغير وراح تعرف كلامي شكرا لك

اذا كنت تقارنه بوليد عبدالله فانت لاتفقه شي بالكره !

واذا كانت وجهة نظرك احترمها

الطالبB · #10 09/08/2012, 06:13 AM

الله يعطيك العافية

بالتوفيق للهلال والله لا يوفق الفرق الثانية

الطالبB · #11 09/08/2012, 06:15 AM

حسن العتيبي يكفية انه قدااام الاهلي شااالك بالبلنتيااات وخلاك تقاببل الوحد وتعطية خمسه

والفضل لله ثم حسن العتيبي

العقد الهلالي · #12 09/08/2012, 06:40 AM

لو حطيت هدف بختاكور الثالث في الدعيع وهدف حسنى عبد ربه عندما كان في الجزيره الاماراتي

وهدف نور البلنتى الفضيحه وثلاث اهداف من مهدى فنوني الايراني في منتخبنا

يارجال اخر ايام حراسنا دائما يمحون كل ابداع لهم

وافـ الهلال ـي · #13 09/08/2012, 06:43 AM

الله الله

هل نبكي على الاطلال

لم نصل الى هذه المرحلة بعد

معشوق الهلال خالد · #14 09/08/2012, 06:44 AM

يحبذ أيضا تجيب مقاطع لسامي الجابر أو عبدالله الجمعان أو سيرجو أو صلاح الدين بصير أو جاسم الهويدي أو بشار عبدالله
وتقوووووول ياسر كيف الحال؟؟!
تشكيلة الفريق فيها عدة لاعيبه انتهو وماعندهم شي جديد
أولهم العتيبي والشلهوب والزوري والمرشدي والكباتينو اللي ماحد يستطيع ينتقده !!
بالاضافه الى الاجانب العاهات مانغان وهرماش!!

neo pavel · #15 09/08/2012, 06:52 AM

إقتباس

الرسالة الأصلية كتبت بواسطة العقد الهلالي


	لو حطيت هدف بختاكور الثالث في الدعيع وهدف حسنى عبد ربه عندما كان في الجزيره الاماراتي وهدف نور البلنتى الفضيحه وثلاث اهداف من مهدى فنوني الايراني في منتخبنا يارجال اخر ايام حراسنا دائما يمحون كل ابداع لهم

بختاكور يسجل في الهلال 3 ؟؟؟
حسني لعب مع الجزيره الاماراتي ؟؟؟

اما البلنتي وتسميه فضيحه مشكله صراحه

المهم محمد الدعيع اسطوره ماراح يتكرر

!!
اتمنى يعطون الفرصه للحراس الشباب ( السديري + شراحيلي )