والله كلامك سليم خصوصاً هالبطاقه اللي مدري وش تبي تاريخ تأسيس الهلال و عدد بطولاته و مؤسسه الكل يعرف هالمعلومات حتى اللي مو مشجع للزعيم يعرف هالمعلومات اتمنى يضعوا شعار الزعيم فقط بدون اي اضافات ماله داعي هالصور و العباره اللي في آخر الحافله مالها داعي بالمره ياليت يغيروووون هالتصميم

صدقت يا اخوي اتمنى تغيير التصاميم
والاكتفاء بشعار النادي فقط

الأكتفاء بشعار النادي راح يكون افضل
كثرة الشخابيط مالها داعي تخرب المنظر
لازم يكون شئ كلاسيكي ورسمي
يحسسك ان النادي له شخصية وهيبه
مو كله شخابيط !!!

طيب يا الاخو عطنا تصميم من عندك نشوف ذوقك

إقتباس الرسالة الأصلية كتبت بواسطة HUGO LLOЯIS طيب يا الاخو عطنا تصميم من عندك نشوف ذوقك

+++++++++++++++++++++++++++++++++++++++++++ 1

والله اتفق معك تماما واعجبني حافلة اليوفي والارسنال

تصاميم بسيطة مايحتاج نكثر الاشياء والعبارات على الباص

كثرتها شوهت شكل الباص


اما صور الاساطير يوسف وسامي والدعيع والنعيمة التمياط حلوه اعجبتني ممكن تبقى او تلغى

اهم شي العبارات الكثيره مالها داعي

بعدين لون الكحلي بالليل ماراح يكون له وضوح

كثرة الخرابيش تبهت المنظر
ياليت يبتعدون عن حاجتين
الاولى البطاقه الي فيها التواريخ ومؤسس النادي لانها اشياء معروفه
الثانيه جملة الحقونا على الملعب
حسيت ان الباص مخصص لمباراه وحده نهائي والا شي
ارسم شعار الهلال وبس

قسما بالله انك صادق احس الموضوع هياط من شفت صور اللاعبين والمساومين للنادي ولكن لازم نوصل المسؤول عن هذا الموضوع اننا نشجع الزعيم مو اللاعبين واللي منهم من هو متهالك ومنهم من هو معتزل ,, حسيت ان الباص صبوره من الشخاميط ولكن اشكرك عالطرح يا بطل

اتفق معاك صراحة مالها سنع الصور والبطاقة والشخابيط كلها ياعالم نبي مثل باصات الاوربيون حرام الباص متعوب عليه نقوم نخربه بالشخابيط ليه لابد من ارسال رسالة على تويتر الناقور

فعلآ التصماميم بدائية


المفروض شخص محترف يسوي التصميم

بس أخالفك في سالفة صور اللاعبين القدامى على الباص
هذي فكرة ممتازة انك تحط صور اساطير النادي ونجومه

اللاعبين القدامي ماهم عاجبينك طال عمرك , هذولاء هم اللي جابولك الزعامة اللي لاعبينك الحاليين يفحطون يبون

الأسيوية ولاهم لمها , لاعبين الماضي الجميل وجيل الزعامة اللي خلوك أنت وألاف غيرك تشجعون الهلال

هذولي أساطير الهلال ماهم كديش اليوم اللي مفشليننا

إقتباس الرسالة الأصلية كتبت بواسطة مخلص للهلال اللاعبين القدامي ماهم عاجبينك طال عمرك , هذولاء هم اللي جابولك الزعامة اللي لاعبينك الحاليين يفحطون يبون الأسيوية ولاهم لمها , لاعبين الماضي الجميل وجيل الزعامة اللي خلوك أنت وألاف غيرك تشجعون الهلال هذولي أساطير الهلال ماهم كديش اليوم اللي مفشليننا

يا اخوي على العين والراس اللاعبين القداما لكن مو مكانهم على باص

احنا نحط صورهم بالمتحف وبكل زوايا النادي بس مو على الباص

الباص الانسب له يكون تصميم عادي وكلاسيكي مثل تصميم ارسنال

يا حبيلك افهمني صح ... انا قلت اللاعبين القدامى ما يعرفون يلعبون ؟؟؟ انا قلت صورتهم مالها داعي ، هم ما يلعبون الحين ، فليه احط صورتهم ؟؟؟ الثنيان و سامي و التمياط و النعيمة و الدعيع ما يحتاجون اننا نحط صورتهم في باص حتى يعرفون مقدارهم عندنا

إقتباس الرسالة الأصلية كتبت بواسطة مخلص للهلال اللاعبين القدامي ماهم عاجبينك طال عمرك , هذولاء هم اللي جابولك الزعامة اللي لاعبينك الحاليين يفحطون يبون الأسيوية ولاهم لمها , لاعبين الماضي الجميل وجيل الزعامة اللي خلوك أنت وألاف غيرك تشجعون الهلال هذولي أساطير الهلال ماهم كديش اليوم اللي مفشليننا

اتفق معاك وبقوه

التصميم غلللط .. حسيت انه اعلان مو باص

احسن شيء يكون تصميم عادي ومرتب وبدون صور لاعبين

امما الواجهه جميله جدا واتمنى الإبقاء عليها

وباقي الباص يكون ازرق وبالنص شعار الهلال كبير .. وايضا بالخلف

وبطاقة التعريف مالها اي داعي

وموضوعك يستحق التثبيت