|
جماهير الهلال بعقول صفراء بسم الله الرحمن الرحيم السلام عليكم ورحمة الله وبركاته اخواني واخواتي جماهير الزعيم الملكي جميعنا غضب من التعادل في مباراة هجر والخساره من الفتح . ولكن العقليات التي تكتب المواضيع بالسب والشتم للاعبين والمدرب والاداره هذه عقليات صفراء وليست عقليات هلاليه زرقاء . الأجانب يحتاجون الوقت للأنسجام والتناغم في بينهم وهذه الاخطاء التي حدثت لا يتحملها لاعب بعينه بل الجميع . نحن دورنا كجمهور هو الصبر فقط والمؤازره والتشجيع أي فريق في بداية الدوري لا تستطيع الحكم عليه في اولى الجولات وكل مباراه لها ضروفها ولها معطياتها نحن الان في البدايه وهناك وقت جيد يستطيع المدرب من حلاله الوصول للتشكيله المناسبه صحيح ان ذهاب الاسطوره سامي الجابر كان له اثر كبير ولكن الان لا يفيدنا الا الصبر فقط فلا سامي يستطيع العوده الان ولا عمل شيء وانا متاكد ان الاعبين والمدرب ندمو كثيرا على الخساره وسيعيدون التفكير من جديد وسيحاولون تقديم الأفضل اما اسلوب الشتم والسب وهذا الاعب هو السبب او ذاك فهذا اسلوب تتبعه الجماهير الصفراء التي لا تفقه شيء والتي دمرت لا عبيها بانفسها نحن في انتظار الجولات القادمه وبانتظار التغيير وان غدا لناظره لقريب الاداره لم تقصر في حق النادي صحيح ان هناك مأخذ عليها ولكن هذا ليس وقت النقد اتمنى ان تتركو المدرب يعمل وان تؤازرو فريقكم وتنتظرو النتائج البارحه كنت اتابع المباراه في الاستراحه وانا لم اتابع مبارايات الهلال بالاستراحه منذ فتره طويله لان عندي في الاستراحه ثلاث اشخاص من جماهير الجار وسبق ان حدثت مشادات قويه بيني وبينهم بعد مباريات سابقه للزعيم ولكن البارحه اثناء دخول الهدف الثاني للفتح قفز احد النصراويون من الفرحه فنظرة له وقلت له بالعاميه لا يطق فيك عرق كل هذي فرحه بعدها انتبه لنفسه وسكت وبعد انتهاء المباراه قال لي متى يبداء دوري ابطال اسياء قلت بعد اربعين يوم تقريبا قال ومن سيقابل الهلال قلت له اولسان الكوري قال وهل تطمحون للفوز بهذا الفريق قلت له اصبر وبعدها سترى الفريق الذي يبكيك دما وليس دموعا فسكت تخيلو نصف الشعب السعودي ينتظر سقوط زعيمكم وانتم الان تشتمون الا عبين والمدرب ادعو الله ان يوفق زعيمنا في جميع مبارياته القادمه انه على ذلك لقدير |
يعطيك العافيه اخوي على كلامك الي كله عسل هذا العاشق للكيان مو عاشق لاعب معين وأزيدك بعد ان فيه فرق خسرت بالدوري مايقارب 10 مباريات وجمهوره الي رجعه الى المنافسه والكل يعرف من هالفريق المشكله اخوي هنا في بعض العقليات ينجرفون وراء المواضيع الي ماورها هدف كتبت موضوع فيه سب وشتم وش بحصل بصراحه هل برجع الفريق هل نقيل الفريق اليوم ونجيب لاعبين جدد غداً ..........؟؟؟ يعني والله يوم اشوف المواضيع الي فيها سب وشتم اني اضحك عليهم عرف يسحب عشرين واحد وراه ويوقفون معه طبعاً هالمندس له زملائه معه بالمنتدي يرفعون الموضوع فووق علشان تكثر الردود عليه يجيك الحين واحد شاطح يقول مطبل حبيبي اذا ماوقفت مع فريقي في هذه الظروف متى اوقف معه ..؟؟ وقت الانتصار فقط الزعيم فرحني كثير انسى جميع الي قدمه اوكيه فيه تهاون من اللاعبين فيه خلل في الفريق بس اني ما أشتم وأسب واقول هذا سبب الخساره وهذا سبب الفوز الخساره تنسب لجميع اللفريق والفوز بعد ينسب لجميع اللاعبين يجب علينا ان نتقبل الخساره مثل مانتقبل الفوز لابد دعم الزعيم لابد الوقفه الصادقه ولو مثل ماقلت يحضرون الجماهير ويشجعون الفريق والله انهم يحسون انهم مقصرين ويأدون في الملعب بس مشكلت يحضرون ولا فيه تشجيع ولا شي جب هدف نصيح شوي ونسكت بس ههههههه ماتجيب هدف نسكت هههههه مانبي مقول جماهير الزعيم جماهير فوز فقط مثل مايقلون العقول الصفراء بس الله يزين الحال ويوفق الزعيم |
مايضحكني الا حينما يقال الفريق بحاجة لتجانس مثل موضوعك وتصريح المضحك لحسن العتيبي حينما ارى تلك التصريحات وكان الهلال الوحيد الذي غير لاعبين كل الفرق السعوديه بستثناء الفتح سوت تغيرات وبعضها وصل التغير الا شبة جذري ولم نرى تلك الانتكاسه الغريبه واذا تحدثنا عن عدم الانسجام فهذا يأكد وجهة النظر ان الاداره تتحمل الكثير الهلال لا يطمن ابدــا |
حرام عليك لا تخدر الجهور وما في داعي نضحك على بعض اكثر من كذا الجمهور الهلالي كثر وعي وادراك |
يعطيكـ العاافيه اخووي طرح جدا رائع يجب علينا احنا ي جمهوور الملكي الصبر و مسااااااانده الفريق % |
زعيم اسيا مشكور يالغلا على المدح ولا تزال الردود بعنجهيه مستمره |
هيمو 2007 حبيبي الأجانب وصلو متأخرين ولسا ما تجانسو مع الفريق واذا تبي تضحك اضحك لحالك الين تشبع نحن لا نزال خلف زعيمنا |
ksa.abdullah اخوي انا ما أخدر كلامي واضح وصريح |
اخوي عيووووووني يا هلال هذا الكلام الصح وقوفنا خلف زعيمنا رايح يرجعه للمنافسه والا عبين اكيد حسو بخطأهم |
والله لو تقف من هنا الى رمضان القادم مع هذا المدرب المفلس ومحترفين كل شي بريالين ماتحقق بطوله 0 الفرق الاخرى اكثر عده وعتاد من فريقنا وجماهيرهم سوف تقف معهم مثلنا يعني مافيه شي يميزنا عنهم0 |
الانفجار اللي صاير من الجماهير هو نتيجة تراكمات من الموسم الماضي ولم تكن وليدة هالجولتين الاخطاء تتكرر الهلال يحضر مدرب بوقت متاخر واجانب يأتون بعد المعسكر ويبقون هرماش والكوري السيئين في الموسم الماضي !! هذا كله راح يتسبب بمشاكل لنا في اول جولات الدوري وقد نلعب الى الجوله 5 او 6 بهذا المستوى المتواضع المدرب لم يتعرف على اللعيبه والاجانب مانقان و ويسلي ماعسكروا مع الفريق لذلك لم ينسجموا مع الفريق اسيا مهرها غالي هالاستعدادات لا تعطي اي تفائل اننا راح نكون منافسين ولكن قد يحدث كل شي في كرة القدم |
طيب اذا للحين ماتجانسووا الغلط من الاداره اللي ماخلصت التعاقدات من بدري ورتبت امورها دليل على التخبط وعدم الترتيب شوف كيف الاندية الاخرى بدت الدوري! ؟ الاداإره تدمر الهلال والمواإضيع الي تشوفها الانتقادية من القهر اللي في قلووب الجماإهير على حال زعيمنا وسالفة الصبر صبرنا الموسم الي فات وقبله ولا تغير شي صبرنا مع كالدي وصبرنا مع دول وصبرنا مع هاإسيك والكلام يتكرر كل سنه ونفس السيناريو من الاداره افضل موسم للإداإره موسم قيريتس من بعدها وهي في انحدار بشكل تدريجي لين الموسم هذا اللي ممكن تصير فيه مفاإجإت غير متوقعه نهاإئيا الاداره ماقصرت لكن الان ماتوقع إنها قادره تستمر اتمنى انه اخر موسم لها احنا مو راإضين على اللي قاعد يصير في الفريق··~ وجهة نظري وارجو تقبلها··`~ ودي··· © |
الله يستر بداية الموسم هذا يخوووووف الهلال في اسوأ مستوياته لم يكن يخسر في بداية الدوري ومن فرق متوسط الدوري و متذيلي الدوري سؤال مهم هل تعلمون ما هو مركز الهلال بعد الجولة الثانية ؟؟؟؟؟!!!!! راح تجدون الاجابة مخيييفة |
| الوقت المعتمد في المنتدى بتوقيت جرينتش +3.
الوقت الان » 12:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd