تذكرون سالفة 300/300 وهذي نصيحتي .
 

سلام عليكم يازعماء ويازعيمات
في البداية الله الله بالطاعة والاجتهاد الليلة دخول العشر .

هاردلك ع الخسارة المرررررة لكن قدر الله وماشاء فعل .

اليوم أبا أتكلم بالعامي يعني بالبلدي وبدون مقدمات وأتمنى ينزل موضوعي مو زي المرة اللي فاتت يحذف (الصراحة مُرّة) .

مشكلة فريقنا بصناعة اللعب والدفاع ولاتهون الحراسة أما الهجوم فماجربناه وإلا يمكن بعد إنه مضروب مثل البقية .
معقولة بمباراتين ماشفنا صناعة لعب زي الناس ونلوم المهاجمين نقول مايسجلون وأثر البلاء بصناع اللعب خصوصاً سالم الدوسري الله يعطيه العافية مسوي أقوى واحد ومايناول خوياه .

ماجد المرشدي صراحة طلع نجم لايشق له غبار بعد ماشفنا مانقان والله أتكلم جد لكن مانلومك يامانقان هم اللي جوك ماجيتهم .

كومبواريه...مساك الله بالخير
ماسمعت بشي يسمونه تكتيك..خطة..تنويع لعب..دفاع منظم.
تصدق إن فيه واحد علمنا بسالفة عنك اسمها 300/300 وهي باختصار 300هدف لك و 300 هدف عليك عساك تذكرها .

نصيحة :
اللي يبي يودي كومباوريه لكوريا يتابع الفريق الكوري أنصحه يخليه بالمطار وإلا بمحطة وينحاش عنه .

تكفون يامشرفين نزلوا الموضوع نبي نستانس ونفضفض .
ولكم تحياتي

ش السالفة يازقرت
وين الردود

من اكبر مشجع الى اصغر مشجع هلالي يعرف مشكلة الهلال في صناعه اللعب والدفاع والحراسة

المشكله ليس في الصناعه

المشكله انه لعب بمهاجمين وبالاسماء اللي اختارها

امس المفروض ياسر احتياط والشلهوب والعابد وعزوز خلف ويسلي

امما سالم لاعب ما عنده اي خبره وما حتاج وقت ولسى بدري يلعب اساسي

ومع عودة الفريدي والكوري بإذن الله راح يظبط الفريق

وبوجهة نظري احسن تشكيله بعد التوقف

شـرآحيلي
الفرج .. المسلم .. مانجان .. الشهراني
الغنـام .. هرماش
عزوز .. العابد .. الفريدي
ويسلي

الشوط الثاني يدخل الكوري أو الشلهوب

صدقوني بالتشكيله هذي راح تجدون هلال قوي ..

يا هو انت وياه ما شفت لعب ذا المنحرف الجنبي مانجان قسم القسمات انه مايديرها ابد وهو نبكة الهلال الله يستر لعبو على عبد الرحمن بن مساعد ذا الفرنسيين الله يخلف عليك الفلوس الي دفعتها ويخلف علينا قلوبنا انحرقت مع الهلال واشوف اشباه بزارين يلعبون امس قدام الفتح الي كنا نلقمه بالخمسة صفر
يارب اني صايم ودي احش وافضفض ودي من القهر امسك الناقه مانجان وارجفه لين يوصل بيتهم ودي ادرب الهلال بدال الزلابه كمبواريه اجل بالله هذا تفكير تحط مانجان آخر الدقايق قدام عشان يقالك اي عرضيه هذف وش المهزله والسفاله والحميره ولعب الحواري هذا بغى الفتح يكملها بالثالث ولا اصلاً ما نجان غلطة في الدفاع وش بيزين يعني في الهجوم ما هو واقفففففففففففف الله يرحم يا هوساوي آآآآآآآآآآآآآآآآآآآآآه ه ه ه ه ه يالقهر فقعة قلب وربي حس فينا يابن مساعد ولا اقضب الباب الله يرحم والديك ما نبيك تتبرع مسوي فاعل مركز الهلال مركز تبرع مضيع الاخ الهلال نادي وليس مركز تبرع خل تركيزك في النواحي الفنية والادارية الله يغفرلك مو رزرزة مكرفونات قدام التلفزيون على تبرعات قلت حيا
واعذروني

عساك سالم بس

الاخطاء دامها جت بالبدايه احسن من انها تجي بالنهايه

نصبر وامرنا لله

الهلال يبغاله محور دفاعي
متى ماتصلح المحور الدفاعي راح تشوف فريق بشكل ثااني

اي واللللله انك صادق


لاهنت راعي الموضوع

ياحبيبي المشكلة في صناعة اللللعب. واااااضحة مافيه واحد يخليك تواجه المرمى. ،،،،،،،،،،،، أنا انقهر زووووود اذا تذكرت ان المدرب حاضر مباراة الفتح والنصر وفي الاخير مااااستفاد شي. الله المستعااااان

الهلال يحتاج الى اجانب يصنعون الفارق مثل (ويلي وتياقو ورادوي وفيكتور وكاماتشو)وليس اجانب يكملون الفريق

المشكله في المحور المفروض الغنام بدال هرماش مع سلمان الفرج

ياسر احتياط ويسلي مهاجم صريح

النكبه ماجد المرشدي خلوه في غرفة الملابس مو الاحتياط الحارس خالد شراحيلي

أشكر الجميع ع مرورهم وآرائهم ومشكلتنا وبلانا واضحة ماتبي لها نشدة مطوع
الشي الثاني أعوذ بالله مافيه أحد يطلع من النادي ويجي واحد مثله وإلا أحسن منه
كل من راح من عندنا قمنا نبكيه وتحسفنا عليه سواءًا مدرب وإلا لاعب محلي وإلا أجنبيوحتى إداري ورئيس النادي.
يالله دخيلك.