|
الخسارة يتحملها " الجميع " وليس المدرب واللاعبين فقط ... s13s أخواني واخواتي الزعماء .. نقول هاردلك خسارة الثلاث نقاط .. ويمكن هالشيء خير لنا .. :yes: وما ندري وش الخيرة .. المهم الآن لازم نتناقش بشكل صريح وبدون لف ودوران .. سبب الخسارة في إعتقادي (( الجمهور )) .. أدخل المنتدى قبل المباراة وللأسف لا اجد اي حماس من قبل الجمهور .. الجميع يتحدث عن الباص والتصميم والعبارة المكتوبة .. وكأن المباراة القادمة غير مهمة .. ولا تشكل هم بالنسبة لمسيرة الأزرق .. وزاد الطين بله الحضور الجماهيري المخيب للآمال من قبل جماهير الهلال العريضة في العاصمة الرياض .. بعض الإخوان يقول اللاعبين مافيهم روح .. فعلاً كلام سليم .. أين يجد الحافز ؟؟؟ المنتدى يتحدث عن " باص " ؟!! والجمهور لا يساند ؟!! تخيل حضور جماهيري كثيف في الملعب والجمهور يشجع بصوت واحد .. كيف تكون الروح ؟!! كيف تتوقعون الحماس ؟! وللأسف الجمهور سلبي حتى الحضور .. يصفق للخصم .. وآآآآآآآآآآآآآآآآآآوووووووووه وصافرات الإستهجان ضد لاعبي الهلال .. انا معكم بعض اللاعبين مستواهم نازل .. لكن هل صافرات الإستهجان ؟! تعدل مستواه ؟! لا نادينا محتاج جمهور على الحلوة والمرة ويحضر ويساند بروح .. هذا الشيء الوحيد اللي يفقتده زعيمنا .. أعطيكم مثال ؟! على سوء الأوضاع في نادي الإتحاد وبالرغم من التعادل المخيب للآمال في المباراة الأولى .. حضر جمهور غفير في ملعب جدة .. وصار الملعب كله أصفر .. وبصوت واحد يشجعون رغم ان المستوى في بداية المبااراة لم يكن جيد .. إلا أن روح الفريق ظهرت وبانت على اللاعبين .. واستطاعوا الفوز على فريق مثل الإتفاق .. هذا بس إثبات انه الجمهور وحظوره مؤثر بشكل كبير وهو الداعم الأول للاعبين وهو اللي يزرع الروح والحماس داخل صدور اللاعبين .. وهو اللي يشعل الملعب ويرهب الخصم .. الجمهور في ملاعبنا السعودية هو اللاعب رقم ( 1 ) .. المهم الآن :yes: عدم تحميل اللاعبين الخسارة وحدهم .. دعم الفريق معنوياً في الأيام القادمة .. الحضور الجماهيري الكثيف في المبارايات القادمة .. عدم السماح للإعلام الأصفر في تشتيت الجمهور .. والضغط على الإدارة .. وتحطيم اللاعبين .. أمامنا مشاور طويل .. وخسارة 3 نقاط لن تشكل عائق أمام الزعيم متى ما وجد منا التشجيع والمساندة .. آسف على الإطالة .. وآسف لو كان كلامي ملخبط .. بس أتمنى الرسالة تكون وصلت لكم يا زعماء .. الروح لن تأتي إلا بالمساندة .. المساندة .. المساندة .. المساندة .. تحياتي لكم |
اتفق معك ولكن الاخطا مطلوب ايضاحها الفريق يحتاج محور وصانع العاب مميزين ووضع هرماش ومانقان بالاحتياط عمرك شفت لاعب محترف اقل مستوى من المحليين ؟. يجب منح الغنام وبندر اليشي والقرني وحسام فرصة اللعب في المحور وخيرات او المسلم بدل مانقان وشراحيلي بدل حسن هل يعقل ان يكون مصاب من العام واساسي ان صدق فهذه كارثه. اتمنى ان يكون هناك مباريات وديه كثيره في فترة اللتوقف لمحاولة خلق الانسجام وشكرا |
هذا الكلام الصح الجمهور سبب الخسارة |
فعلا يجب علينا كجماهير الدعم والمسانده .. وننتظر تصحيح الاخطاء بابعاد من يستحق الابعاد .. و عسى هذه الخساره تكون خيره للفريق والقادم افضل باذن الله .. |
ياخوووي اسمح لي كل ما انهزم الزعيم قلتوا الجمهور السبب .. السبب واضح هو المدرب ما نزل الشلهوب من بدري ومانغان ما منه فايده والمرشدي اخطاءه كثيرة هو و العتيبي .. والباقي تمام .. السبب كومبواريه والعتيبي والمرشدي :) |
اسفين وحقك علينـا ونوعدك مانعيدها ياخي بالله عليـك من جدك تتكلم الفتــح نهزمه في اسؤا مستوياتنا وتقول حماس ورفع معنويات اللعيبـه الا استهتار اللعيبـــــه والدلال اللي يحصـــلونه من قبل الاداره وهذي النتيجـــــــه فريق يسود الوجه لو فيـــه مبداْ للثواب والعقاب ما كان هذا حال الفريق وليالي العيـــــــد تبان من عصاريها |
لا تحمل الجمهور فشل الأدارة فالجمهور طلب تصحيح الوضع و اقترح الحلول من أخطاء الموسم الماضي لكن للأسف الادارة لم تلقي لها بال وهي التعاقد المبكر مع مدرب و جلب صانع لعب متميز و تنسيق العتيبي |
نقول القادم افضل بـ.اذن الله (: |
ايش دخل الجمهور في هزيمة الهلال انا كنت من ضمن الحاضرين واللي الاداره ازعجتنا وطالبتنا بالحضور والحمد لله حضور مميز .. سؤالي : بعد الحضور هذا كيف كان مستوى بعض اللاعبين ؟؟؟ او ممكن اقولك اكثرهم !!! وانا اشوفهم احس انهم تايهين للاسف انه بعض اللاعبين ما كان مهتهم بالمباراة او انه ضامن النتيجه واكبر عيب في الفريق والى الان ما تخخلص منه هو التمريرات اللي تعرف الضغط يعني اذا ابي اوصل للمرمى 20 تمريره مثلا او اكثر علشان اوصل لمرمى الخصم واكثرها في وسط الملعب فيه اختراع قديم بس انه مفيد يقولون في عالم كرة القدم " افضل وسيله للدفاع الهجوم " يعني هاجم بس بطريقه مركزه وفيه مليون طريقه توصل فيها لمرمى الخصم بأقل تمرير ومن الجوانب اما انك تبي تهاجم الفريق من العمق وهو مقفل باكثر من 8 لاعبين مستحيل للاسف هلال الموسم الماضي يكرر اخطاءه الموسم هذا وصوره طبق الاصل اتمنى ان الفريق يتعدل مستواه في الفتره هذي ويتغير للاحسن تحيتي لك |
جت على الجمهور!!!! الاداره ثم الاداره ثم الاداره |
يا أخي الجماهير عامل محفز فقط لكن العمل الحقيقي بالادارة و اللاعبين و للأسف يوجد أكثر من 7 لاعبين معطوبين بالتشكيل الاساسي و أدارة سيئة وش تبي يكون مستواهم |
اهااا الجمهور كيف الحال بس .... مسوي يعني انك جايب السبب |
مسئولية الجمهور تكمن في الجانب المعنوي فقط .. لكن العمل الحقيقي والنتائج تكون على أرض الميدان .. واللاعب في الميدان لابدَ أن يحترق لأجل الشعـار الذي يرتديـه .. وهذا ما لم نشاهده في مباراة البارحة . لكن الواجب على الإدارة في الفترة المقبلة التعامل بـ سياسة الشدَة مع معظم اللاعبين .. فـ البقــاء دائماً لـ الكيــان وليس لـ اللاعب . |
أختلاف الرأي .. لا يفسد للود قضية .. طيب ليه ما نجرب ندعم الفريق بشكل أكبر الفترة الجاية .. الأجانب ما تقدر تجيب غيرهم .. والمدرب وراح يستمر .. يعني الإنتقاد لمجرد الإنتقاد ما يفيد .. الفريق محتاج ( دعم ) + تصحيح بعض الأخطاء .. |
المدرب + المدافع الشاحنة الي اسمه مانقان الي لوو لف رقبته طاح من ثقله مالت عليه جد كرهته |
| الوقت المعتمد في المنتدى بتوقيت جرينتش +3.
الوقت الان » 11:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd