|
أقسم بالله بعد أي خساره للهلال تدمع عيني ... وش الحل يابشر !!!!!! بسم الله الرحمن الرحيم بخش بالموضوع على طول .. عندي بعض النقاط الى تخص هلالنا .. قبل كل شي يجب على أداره الهلال أن تعرف أن جمهور الهلال يعرف كل شي من أمور فنيه ومن أمور أستثماريه نعم من أمور أستثماريه أصبح كل شي واضح لنا كجمهور هلالي وعشان كذا بقول الي في بالي ..!! .. من البدايه ياعبدالرحمن بن مساعد تعرف أن الكوري ماهو ضاله الهلال ومع هذا أبقيت عليه والحين ثاني مباره في الدوري وهو مصاب ومتي يرجع للممارسه الكوره والكل يعرف أن أخر عشر أيام في رمضان مافيه دوري ولا أي مباره وبعدها بشهر كأس أسيا أذن من الغلط أبقاء الكوري كان المفترض جلب صانع للعب . .. هرماش وش يفرق عن القرني ؟! الفرج بالمحور أفضل من هرماش أذا المحترف مايفرق عن المحلي مابيه وهذا الشي ينطبق على هرماش ومع هذا أبقاء عليه !! لاحد يقول المدرب يبي هرماش المدرب في البدايه مايبي هرماش وفجئه تحول أنه لاعب ممتاز والامور واضحه للاداره مثال .. هوساوي الاداراه عارفه انه ماشي وبكذا جهزت ثلاث مدافعين بس المدرب يختار واحد فيهم وتوقع الاداره معه . طيب الاداره عارفه أن هرماش ماهو في مستوي الهلال ليش ماجهزت كم لاعب والمدرب يختار واحد فيهم ؟!! الامور كلها ربح وخساره وهرماش عقده ملك للهلال وبكذا بتكون خساره على الاداره صارت اداراه شريطيه مثل شريطيه السيارات للأسف !!!! .. المرشدي نحبه ونعزه بس لاعب كوره قدم نكبه حاليا على دفاع الهلال ومع كل هذا الهلال يزيد الطين بله في مدافع أقل منه مستوي !!!! .. اعتقد أكثر نسبه من جمهور الهلال مقتنع في الحارس شراحيلي مع احترامي للعتيبي وش المشكله ان مايكون أساسي ؟؟ .. مافيه فريق بالعالم مايكون عنده محترف وسط والهلال عكس مادري ثقه على الموجودين ؟ أن أنتظر يكون سالم الدوسري في يومه عشان يبدع الوسط ؟ نبي للاعبين مثل كماتشو ونيفيز يحرثون الوسط . .. كل تصريح للاداره راح نطور البنيه للنادي ونطور المعسكر في النادي الجمهور يبي للاعبين يحرثون الملعب وش لنا في بنيه النادي نبي شغل على اللاعبين وبعدين فكر بالبنيه . .. ياداره الهلال يجب أن تحترمون جمهور الهلال وتقدرون حضورهم للملعب من نهايه الموسم الي فات والجمهور يطالب في صانع لاعب بدال الكوري والاداره تبالغ في قراراتها وتستشير ناس معينه وناسين أن جمهور الهلال فاهم وهو الداعم الحقيقي .................................................................................................... .. أقدر عمل عبدالرحمن بن مساعد بس زمن محمد بن فيصل مانعرف تطوير بنيه تحتيه ومانعرف اشتري الاعب في مبلغ وابيعه في مبلغ اكبر نعرف للاعبين يحرثون الملعب مثل التايب واعرف رئيس يقدر جمهوره ياناس أنا هلالي وأحترق والوضع مايطمن ويجب أن تعرفون شي أن المباريات للهلال مافيه الا مع نجران بعد العيد وبعدها في كم يوم يتوجه الفريق لكوري والفريق الكوري في قمه استعداده يعني مانجامل ولا شي الوضوع يخوف يخوف يخوف واحنى نحب والله العظيم نبكي بعد اي تعادل ولا اي خساره أرجووووكم نبي حل للفريق الي مايطمن معكم وقت طويل للتجهيز للاسيويه واخرتها يبدع الكوري في مباره ونبقي عليه ونبقي على هرماش الي مايصلح للفريق ومع هذا راح يستدعيه مدرب المغرب حسبي الله ونعم الوكيل .. |
صدقني أخوي الكل يتألم .. ولكن بصمت والهلال يمرض ولا يموت .. تفاءل أخوي .. وتراها بالأول والأخير .. جلد منفوخ ! .. الحمد لله على كل حآل .. .. لآ آله إلا الله . طآبع أزرق |
لا تدمع عينك على ناس ماتستاهل انا اول مثلك يحترق قلبي مع اي هدف ضد الهلال لكن لما شفت اكثر الاعبين بعد اي خساره سواليف وضحك قلت حرام احرقي اعصاب على ناس بارده روق وريح عمرك هلالنا الحالي للاسف لايهتم الا بالمــــــال راح زمن الابطال الاوفيا سامي ويوسف والنعيمه وابوثنين والتمياط والدعيع يحترقون على الشعار يبكون على الاهداف اهــ يالقهر بس |
أي مباراة قادمة من تشوف التشكيلة بها المرشدي لا تتابعها ولاهم يحزنون الله لايوريك مكروه |
و الله ياخوي الادارة اهي السبب في كل مايحصل مانجان لاعب توة جاي من اصابة وزنة زايد وثقيل والمرشدي نكبة ثم نكبة ثم نكبة يحي المسلم وربي لاعب ثقة وهادي مش متسرع يبي يتخلص من الكورة الله يرحم ايام هوساوي |
والله اني زيك وازود كمان انا يجيني اكتئاب واتهاوش مع العيله كلها بس ويش نسوي خلها على ربك |
يا جماعة لا تحطون العيب كله على اللاعبين والجهاز الإدارة , كمان الهلال في المبارتين جالس يلعب مع برنامج الحصن اللي كان ينقل على القناة الاولى زمان , وبهالطريقة الدوري كله بيصير بايخ , نادي يلعب على الدفاع طول المبارة .. http://www.shababhail.com/storeimg/i...299034_926.jpg |
اذا جت مباراة الهلال مره ثانية اطلع من البيت رح تمش ازينلك يا حيي وان تسانك بحايل رح لشبي |
ياخوي اذا كان بعد كل مباراة للهلال ينهزم تذرف دموعك تتعب الموسم هذا من كثر الدموع لانه الصراحه الوضع مش ولا بد . اخوي مع عبدالقادر مانجان ماراح تنشف دموعك . الله يغير الحال ان شاء الله للافضل. |
وفر دمووعك للعشر الأواخر . . هذول ما يستاهلووون دمووع وأنا أخوووكـ إذا لعبووا بوفاااء وأقنعووونا داخل المستطيل بأنهم لاعبين حقيقين وإنهزموا ذلك الوقت نتحسر على الخسارة ويمكن تنزل دموعنا . . ولكن على مستوى باهت يوحي لك إنك مهزووم لاتدمع فديت عينك فدمعتك أغلى منهم لأنك تحب الكيان أكثر منهم |
يالبى قلبك اقسم بالله انك جبتهااا بالصميم كلام مرتب انيق واقع نعيشه الله يذكر محمد بن فيصل بالخير مو مثل ادارة الاستثمار :wub: |
هههههههههههههههههههههههههههههه |
إقتباس:
|
الحل الصبر .. الوضع الحالي للهلال ليس بغريب سناريو متكرر للموسم الماضي تعاقدات متاخره ورحيل عناصر مهمه . متفائل خيراً بلخبطة اوراق الفريق خلال فترة التوقف ومعالجة المشكله جذرياً . الزعيم كيان ولا احد يرضى ماقدمه وسيتم احتواء المشكله داخلياً بكل يسر بإذن الله نادي الفتح وهجر وضعا الكوره داخل ملعب نادي الهلال وتم توجيه النادي بإنذار مبكر فسنتظر ماذا سيتم من امور ايجابيه لصالح الزعيم فقط يتبقى منا ان نقف معهم ونشجعهم ولا نتشائم فهم يحتاجوننا . والله الموفق |
الهـلال لم يمت حتى تبكي نعم هناك خلل وتراجـــع في مستوى بعض اللاعبين .. لكن بإذن الله تعود الأمور إلى نصابها بعد العيــد . |
| الوقت المعتمد في المنتدى بتوقيت جرينتش +3.
الوقت الان » 12:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd