الوقت المناسب الان يا سمو الامير يجب اقالة كمبواريه وتعيين زلاتكو وتصريح ياسر القحطاني
 

بسم الله الرحمن الرحيم

السلام عليكم ورحمه الله وبركاته

هاردلك لكم على مباراة اليوم والله يستر من الجاي اليوم تابعت المباراه ومباراة هجر والكتاب واضح من عنوانه مدرب ما يعرف يوضف اللاعبين ولا تكتيك مناسب فيه نقاط ضعف تحسب على المدرب وهي كالاتي:

1- ضعيف الشخصيه
2-ما فيه تكتيك واضح في اللعب لا تمريرات ون تو بين اللاعبين ولا صناعه لعب ولا تنظيم بالدفاع
3- عدم وجود ضغط على حامل الكوره للفريق الخصم
4- عدم تبديل اللاعبين الذين يوجد عليهم اخطاء فنيه مثل سالم الدوسري وحسن العتيبي --- سالم من مباراه هجر ومستواه سيء ولعب اساسي اليوم ومستواه اسو من المباراه اللي قبلها وضامن اساسي والعتيبي تسجل فيه اهداف ما تسجل في حارس مبتدىء وضامن اساسي اقولكم مدرب سباك
5-عدم الثبات على محور دفاعي ثابت مثل عبدالطيف الغنام او محمد القرني ولاعب بهرماش لوحده في مباراه هجر ولعب معه اليوم سلمان الفرج وكلهم محاور ذو نزعه هجوميه واي مدرب في العالم لازم يكون عنده محور ثابت في الدفاع خصوصا اذا راح تقابل فرق تلعب على المرتدات
6- خلال المبارتين مافيه خطط هجوميه ولا دفاعيه ولا صناعه لعب ولعب بالبركه وعشوائي


صراحه اتمنى كمحب للزعيم وعاشق له ان يتم اقالة المدرب الان وقبل فوات الاوان وتعين مدرب الاولمبي اللي يعرف الكره السعوديه وصدقوني راح يكون افضل من هالمدرب لان عندنا وقت اسبوعيين قبل بدايه الجوله المقبله وقبل اربعين يوم على دور الثمانيه الاسيوي ونصلح الاخطاء .


ياسر القحطاني في المؤتمر الصحفي مع مدرب الهلال ذكر نقطه اتوقع محد ركز فيها عندما سئل عن مستواهم امام هجر ليش سيء قال فيه ظروف حدثت سواء من اخطاء او نسق تكتيكي معين ترا هذا كلام ياسر مو كلامي وارجعوا للمؤتمر وشوفو وش قال .

اذا استمرت الاداره بعنادها وصرحت بانه فيه وقت للتصحيح وبدايه موسم من هالاعذار اللي كل سنه نسمعها فاقولكم من الان لا دوري ولا اسيا بناخذها وصدقوني راح اراهن على المدرب هالسنه واذا ما اقالوه الحين راح يقيلونه مع اول خساره او تلقي هزيمه ثقيله بالاسيويه وبعدها بتصرح الاداره وتقول الان انا فهمتكم وسلامتكم

الذنب ذنب الاداره .. مهو ذنب المدرب !!! الاداره هي اللي تعاقدت معه بعد طلوع الروح ومتأخر جدا

ما يحدث طبيعي لتخبطات اداريه واضحه للعيان ولا ينكرها إلا مجامل

كلامك سليم والله اني اتمنى زلاتكو بدال السباك يا رب الحين ابدز لابو فيصل في تويتر واقله تكفى اقشع اسباك وحط زلاتكو
تحياتي..........

تغيير مدرب بعد جولتين ما أوافقك فيه .. لكن التشكيلة اللي يلعب فيها بصراحة ماعندهـ سالفة
العتيبي برااا المرشدي برااا سالم الدوسري براااااا ياسر بديل ويلعب بشراحيلي أو السديري كلهم أفضل من العتيبي والمسلم والقرني أو الغنام والكوري إذا اكان جاهز أو الحارثي

اتفق معاك اخوي
لكن مع هذا لازم ننتقد ولكن بهدوء وعقلانيه وبدون سب او شتم اللاعبين
الفريق الهلالي بشكل عام امره منتهي الا ان كان للاداره الهلايه دور في الفتره القادمه
انها تغير الفريق للاحسن ان شاء الله

وشي غريب اللاعبين ما ودهم يلعبون ابدا وحركتهم ثقيله في الملعب
الله يستر اذا ما تعدل وضع الهلال في الفتره هذي
انسوا انه فيه بطوله للفريق الموسم هذا الا اذا تغير الحال

فيه لاعبين انتهت صلاحيتهم خلاص
بس للاسف الواسطه لها دور

الادارة متخبطة منذ موسمين لكن اذا اقالت المدرب فهي تواصل مسلسل التخبطات الادارية
المدرب ليس مسئول عن التعاقدات اللي ماتمت الابعد المعسكر حتى هو ماتعاقدوا معه الا قبل نهاية المعسكر بعشرة ايام
فرص العلاج لازالت ممكنة وعلى الادارة الوقوف مع الفريق ومحاسبة المقصرين

بدري ع المدرب والله يعين ع الناقه الي في الدفاع مانقان

اكبر غلطة ترتكبها الاداراة اقالة المدرب !!

اقلنا دول الموسم الماضي ماذا حصل ؟

ماله ذنب المدرب دااام سالم الدوسري (فقاعة الصابون ) يلعب كانه في حاره ولا العابد وللاسف المدافع مقلب وشربنااااه والله يستر من القااادم

صدقني بيصير طموحنا بطولات النفس القصير مدام بن مساعد وياسر والمرشدي وهالشاكله موجوده
ااااااااه يا محمد بن فيصل اااااااااااااااااااااااااااااااااه

اللي حصل قدمنا افضل مستوا للهلال من سنوات لان اللي دربوا الفريق بونان وسامي مو غريبين وعارفين عله الفريق

عسى ما شر

تكتيك المدرب زين لكن البلا في اخطاء اللاعبين

تتذكرون بدايات كوزمين وباكيتا كانت بدايتهم متعثره

طلبك بسلة المهملات يابعدي :)

احترم غيرتك على الزعيم وأشكرك :)