|
اسباب الهزيمه .. نقاش بالمنطق عن لاعبين الهلال ,, شاركونا وافيدونا بدون مقدمات .. :ranting::ranting: حسن العتيبي .. يتحمل الهدف الاول 100% ,, حارسنا حسن الله يطول بعمره مثل مؤشر الاسهم متردد بمستوياته وانا اتمنا اني اقابله واطرح عليه هالسؤال ,, وش تحس فيه وقت خروجك من المرمى ؟ :mad: الوقت اللي اتمنى فيه انك تخرح احصلك مسنتر عند العارضه ,, والوقت اللي المرمى فيه يحتاجك ,, احصلك ماسك خط شاطح عنه .. انتبه للنقطه هذي ياحسن وادرسها :cry: ...... ماجد المرشدي .. ( ياكثر ماقلت ابسوي واسوي ,, ولاشي من اللي قلت سويته ) :s5s::s5s: ما عاد للزود العتب وياك داعي ,, ااااخ لو تدري وش يصير بعروق قلبي لاجت الهجمه من صوبك :s5s::s5s: ..... ياسر الشهراني .. ممتاز وتنقصه الخبره .. وقت خروجه عن خانته تسب فجوه في الدفاع .. ( وشوية انانيه :yes: ) ,, لاكن في السنوات الجايه ان شا الله يستفيد منك الهلال بالتوفيق :smilie47: ..... مدافعنا الجديد عبدالقادر ماراح احكم عليه لسه بدري هرماش بعيد عن مستواه اليوم .. بس التسديده تسديت بطل .. لو هي في القول كان هدف سينمائي :ba::ba: ... سالم الدوسري .. 90% تمريرات خاطئه .. وتشطح من موقعك :ranting: ماهو مستواك لاكن اتوقع الاعلام رفع بك واجد وخربت .. اتمنى ماتنضر للهالامور :yes: .. العابد تتحمل الهدف الثاني 30% مع حسن العتيبي 30% حماس كالعاده .. والوك شنب والزلف خطير:naughty::naughty: بس مو للهدالرجه ,, لاكن امور شخصيه مانتدخل فيها :yes: .. عزوز الدوسري دون المستوى ,, اغليك واحترمك كللاعب لاكن اليوم ماتوقعتها منك :cry: .. وسلي ثقيل جدا ,, لاكن لمسات وقتال ع الكره جيده اتوقع بالجولات الجايه بيبدع المدرب الى الان ماله اي ذنب لافي هذي المبارة ولا اللي قبله .. لان بسراحه الروح الهلاليه عند الاعبين ميته :mad: كمشع هلالي ماذكرتهم هم اللي احس اليوم ماهو يومهم .. وفي الاخير اعذروي ع الاطاله والحمد لله انها اخر جوله للهلال لانجيب العيد قبل وقته :s2::s2: واذا هذا مستوانا سلم ع اسيا هالسنه في كوريا وفي ارضنا :cry::cry: ملاحضه // للحد يدقق ع الاملاء ::s5s: |
غرور بعض الاعبين امثال سالم الدوسري والعابد هم من قاد الهلال للخساره يرحم والديكم يكفي مدح |
اللاعبين مالهم ذنب بالتخبط اللي صاير في بداية الموسم الفريق بدون تكتيك وغير منسجم وإعداده كان سيء |
نلتمس العذر للمدرب وللاعبين لا التشكيل من بدايه المباراة كان سيى من ناحيه صناعة اللعب اللعب على الاطراف ودائراة المنتصف كانت خاليه لابد من اشراك اللاعب عبداللطيف الغنام كساتر دفاعي ومع الوقت سيتحسن الفريق الشكلة تكمل في اللاعب ماجد المرشدي مازال على وضعه يقدم الهديا للفريق الخصم من خلال الهدف الاول ولا تستعجلو على الفريق والقادم احسن |
صحيح معاك ان المدرب ماله دخل بالهزيمه بس يتحمل الاخطاء....والتغيرات لها دور؟؟ اولا الحارس/مع احترامي للعتيبي(مستواه اليوم مقبول) في افضل منه شراحيلي وش مقتنع المدرب بالعتيبي***شراحيلي ممتاز ثانيا ياسر الشهراني (جيد جدا) المرشدي (هو افضل الموجودين الان وماجد حماسي كثيرا) مانجان (ياليت يمسكه الباب ويلعب المسلم احسن) البيشي(ممتاز) هرماش (ممتاز) **** الفرج(جيد بس لو يلعب القرني والا عزوز العازمي افضل تحتاج ارتكاز قوي مثل العازمي مقارب لهرماش بالجسم والحركه وقدمه قويه) عبدالعزيز الدوسري (مستوه ممتاز بس لو لعبه المدرب حر مالعب على الاطراف او خلف المهاجمين يعني بالوسط) *** سالم الدوسري(ماسوى شيء اليوم لو لعب شلهوب مكانه احسن بكثير) ياسر القحطاني + لوبيز مهاجمين ناريين ونجوم بس ينقصهم صانع العاب ذكي مثل الشلهوووب بالاختصار لو لعب الهلال بالحراسه (شراحيلي) الدفاع ياسر الشهرني * ماجد المرشدي * المسلم * سلطان البيشي هرماش * عبدالعزيز العازمي شلهوب * عبدالعزيز الدوسري ياسر * لوووبيز مجرد رائي تقبل رائيي وشكرا |
صراحه صدقت حتى انا لمن تجي هجمه صوب ماجد المرشدي قلبي يروح في خرايطها |
اوووووووووووهـ اسف في الارتكاز يلعب الغنام مع هرماش افضل من سلمان الفرج |
لو كان يوجد لاعب ارتكاز جيد وكان هرماش لاعب ارتكاز ثاني يكون شكل الفريق افضل لان يجيد اللعب في دائرة المنتصف وتوزيع اللعب وفتح اللعب على الاطرف اللي حصل اليوم الاطراف موجودين وغير مفعلين |
اليوم افضل من في الفريق القحطاني والشهراني وويسلي الحراسسسه صفر ع الشمال يعطيك العافيه |
انا أعيد واكرر يوجد خلل واضح في منطقة المحور ياجماعه شوفوا كيف محورنا قبل منطقة المحور عندنا كان يضرب بها المثل لكن الان للاسف هي المنطقه الاضعف |
المدرب يتحمل جزء من الخساره بسبب تغيراته لانه كان المفروض ينزل محمد الشلهوب مكان سالم الدوسري لان لعبه بصراحه لعب حوراي لاعب كبر راسه الاعلام وشاف نفسه على الهلال وماضيع الهلال غير هالشكال لكن اتمنى من المدرب يستغل فترة التوقف ويحسن من وضع الفريق ويختار التشكيل المناسب |
ياشباب والله المرشدي من بعد كأس الخليج اللي اخذ فيها احسن لاعب وهو من جرف الى دحديره الاعب بس يجيد تخليص الكرات العرضية ماهو كلها لاعب مستواه اقل من عادي .المسلم راح يسد هذي الثغره .العتيبي انتهت صلاحيته يعتزل ويروح عند ابله احسن له ويعطون شراحيلي او السديري فرصه. ياسر الشهراني كابتن والله كابتن روح وقتال كانه يلعب من زمان في الهلال الاعب اثبت وجوده اليوم. ويسلي نجم ولكن اول مباراه ماانسجم ومع ذلك صنع الهدف بطريقه برازيليه +اللياقه مااسعفته اليوم |
بالحراسه (شراحيلي) الدفاع ياسر الشهرني * ماجد المرشدي * المسلم * سلطان البيشي هرماش عزوز الدوسري شلهوب * الفريدي*العابد لوووبيز |
اعتقد الحل الوحيد مع لاعب مثل سالم تخليه في الدكه لين يصير يقدر الشعار اللي هو لابسه |
بصراحه كل الفريق كان سبب الهزيمه ولا واحد منهم قدم مستوا صح الا ياسر الشهراني وبعض من الاعبين وليس ادئهم كان مقنع واتمنا من الايداره الحبيبه التحدث مع الاعبين بحزم وصرامه |
| الوقت المعتمد في المنتدى بتوقيت جرينتش +3.
الوقت الان » 10:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd