خسارة في البداية.. ولاخسارة في النهاية.. - نادي الهلال السعودي - شبكة الزعيم

هدف ملعوب · #1 08/08/2012, 01:49 AM

بداية هاردلكم أيها الزعماااء أعرف إن النتيجة قاسية، وكل الفرق تفوز وتخسر، حتى أكبر أندية العالم، من يخدم الكوره تخدمه، أما الذي يلعب على اسم الفريق وأسماء اللاعبين لاشك أنه سيخسر كل شئ، النقاط التي سأطرحها هي تخص المباراتين ، وليس هو من باب الاستعجال، أعرف فيه ناس يسهلون الأمر ويقولون تونا في بداية المشوار، وشفيكم كذا هجوم ... الخ وهذا الكلام صحيح لكن لابد من المصارحة وفتح باب الحوار الهادف فنحن كلنا نحب الزعيم، ومالنا إلا الصبر والنقاش الجاد، وكل واحد يطرح رأيه بهدوء وتوازن خالف ولكن باحترام وتقدير لاخوانك،لا بد من هذا حتى نعرف الخلل اللي صاير في الفريق الهلالي :

1ـ واضح الفريق يعيش حالة من عدم الاستقرار الفني والإداري....والنتيجة طبعا ما نراه اليوم. من مستوى.

2ـ اللي قاعد يصير لازم نعترف به هو من أخطاء الإدارة ولا يزعلون.... تأخرات في التعاقد مع أجهزة تدريب.. ومع لاعبين أجانب...؟ كل الفرق تستقدم مدربين ولاعبين قبل شهور واحنا قبل 10 وعشرين يوم !!شينة في حق فريق بحجم الزعيم.... ولهذا التجانس حتى المباراتين غير موجود في الفريق خصوصا الدفاع.

3ـ عبدالقادر مانجان ... أقل من عادي مستواه لا يوحي بأنه ضالة الفريق ومن سيكون سدا قويا...؟ حركته بطيئة، التحامه مع اللاعبين أضعف، حتى ماعنده حماس، مع طوله الفارع إلا إنه ولاشئ في قطع الكرات العالية، اللي يلعب في قلب الدفاع فقط المرشدي. فلازم تتاح الفرصة للزوري قلب دفاع أو عبدالله الدوسري. حتى يتأقلم مانجان، ولازم يحاسب على مستواه اللي يحط أكثر من علامة استفهام، وهو من كلف خزينة الفريق الأموال الكبيرة.

4ـ التشكيلة اللي دخل بها المدرب في بداية المباراة هي من أضعف أداء الفريق، عبدالعزيز الدوسري عائد من إصابة، سالم الدوسري لاعب متعالي على الكرة، وماشارك مع المعسكر، على أي أساس يلعب بهم المدرب؟ وش هالتخبط بالله عليكم، الشلهوب الجاهز احتياط...؟ المفروص بدأ بالشلهوب والعابد... الجاهزين لياقيا وتكتيكا..؟ أشوف ضياع النتيجة اليوم من أسبابها ضياع الوسط المفكك دفاع وهجوما.

5ـ الفريق في خانة المحور ضاايع ، وين القرني ، هرماش ما يصلح محور دفاعي حاطه المدرب في غير خانته، هو محور نزعته هجومية، وسلمان الفرج تايه، وهو يلعب في وسط أيسر ونزعت الاثنين هجومية ، وحاطهم للجهة الخلفية، المدرب ضيع قدرات اللاعبين جالس يتخبط في توظيف اللاعبين.... يعني يبيله سنة على كذا عشان يعرفهم، طيب كيف عرف اللاعبين المنسقين وكيف وكيف..؟

6ـ روح الفريق غااايبة وهي سبب خسارة الفريق، فريق تايه مشتت..؟ بصراحة الوضع يخوف، مع إن المشوار مازال في بدايته. غاب سامي الجابر فبان الخلل، المفروض يستعان بفيصل أبوثنين أو منصور الأحمد الفريق يحتاج لمدير كرة، مو يضيع الفريق كذا، مدير الكرة والمشرف هو من يبث الحماس في الفريق، هو من يكون حلقة الربط بين اللاعبين والمدرب والادارة، يقولون تم إلغاءه غريبة جدااااااا؟
ما يصير يا إدارة لازم تدارك الوضع بمدير كرة منااسب والا اكتب على الفريق السلام.

7ـ لاحظت الأنانية في أكثر اللاعبين والبطء في التمرير وكأنهم في تمرين....؟ أكثر الكرات مقطوعة، مافيه تكتيك لاختراق دفاعات الفتح، فيه ارفع الكورة وبس والنهاية مقطوعة، اللعب على الأطراف ضايع وبقوة، وحسينا من خلال المباريتين تأثير غياب ولي ولهامسون.....؟

8ـ يحتاج بعض اللاعبين لحزم مافيه يمه ارحميني، يا تلعب صح وتحترم جميع الفرق وتحترم الشعار اللي أنت لابسه، يا دكة الاحتياط، وبعضهم يحتاج لقرارات إدارية بنزع الاساور والقصات، وهالحركات.

9ـ الحراسة نحترم حسن العتيبي وبقوة لتاريخه وأخلاقه ونتمنى استمراره ، لكن مستواه غير جيد، وكان مفروض يسوي شئ في الهدفين، على الأقل يلمس الكرة بيده مو يتفرج عليها أو ينبطح على الأرض بعد ما عانقت الكره الشباك، عندنا شراحيلي والسديري والمظلوم الشمري أفضل حراس ومبعدين، لازم تغيير الوضع في الحراسة، حسن العتيبي يقول اليوم إنه كان يعاني من إصابة من مدة وهو متحسن، طيب ليش الإصرار عليه. خلوه حتى يستعيد عافيته ومستواه. والبقاء للأفضل. والا تبون آخر شئ ينسقون..؟

10ـ مابي أتكلم ثاني مرة عن المدرب، ومانبي نستعجل عليه ، لكن تغييراته ليست موفقه أبدااااابالله عليكم قبل تنتهي المبارة ينزل نجم بحجم سعد الحارثي ليصنع المستحيل؟ هذا يذكرني بعيسى المحياني اللي كان نفس وضعه في الفريق مع دول وهاسيك، وأخيرا ضيعناه، والحال اليوم مع الحارثي، فيه سر هناا ....وهذا يخليني أقول إن فيه من يفرض لاعبين في الإدارة على المدرب ، لا تقولون لا....؟ ياليتني أكون مخطئ..

11ـ أخيرا : أنا مع اللي يقولون لا تستعجلون، وتونا في البداية، لكن لابد من الصراحة لتدارك الأخطاء، وتصحيح الوضع بشكل سريع، يجب أن تضرب الإدارة وبقوة على كل من يسبب زعزعة الفريق، إما بمماطلة، أو بشللية وسفرات ودجة هنا وهناك، والاهتمام بالمظاهر ؟ ما أشوف إن الإدارة قاعدة تسوي شئ إلا الوعود البطيئة. لازم تعين مدير كرة له شخصية جيدة محبوبة وحازمة وعادلة، لازم لازم لازم فيه فراااغ واااااضح.
ولابد من التعامل باحترافية في النظر لمستويات وأخطاء المحترفين ومثل ما ياخذون لا زم يحاسبون، بالذات اللاعبين الأجانب.... وأقول في الختام خسارة في البداية ولا خسارة في النهاية.. ورب ضارة نافعه.
أتمنى للفريق أن تكون هذه عثرة جواد... ويارب نشوف الزعيم من أفضل إلى أفضل
ونفرح بالمستويات والنتائج.