الخطاء ليس عيب ولكن العيب ان نستمر في أخطائنا
 

الإدارة أخطأت بالتعاقد مع هذا المدرب الفاشل ، بصراحه لايدري ماذا يفعل يقولهم اركضوا وخلاص معقوله هو طالب من مانقان انه يهاجم ويترك الدفاع وليش ما يرجعه موقعه ثاني شي ما احس ان فيه خطه مرسومه رغم اني ما افهم بالتدريب الفريق يمرر ويركض ولا يدرون وش يبون بالضبط . اتمنى من الامير الشاعر تدارك الوضع من الان والبحث عن مدرب يقود الفريق قبل ما يطيح الفاس بالرأس دام هذامستوانا مع الفرق الصغيره وش بنسوي مع الفرق الكبيرة ناكل خمسه وسته ، اتمنى التحرك بسرعه في فترة التوقف والبحث عن مدرب جيد يعرف الفرق السعوديه مثل مانويل جوزيه وديسلفا او باوزا النصر او الرجوع لجابر عثرات الهلال الوضع ما يستحمل تأخير لاتقولوا ننتضر ومانحكم من بدري ، المدرب اخذ مباراتين رسميه وثلاث وديه وما قدم شي وفوزنا على المان ستي كان مجرد حماس مع فريق يجرب لاعبين صغار ولا همته المباراه واحنا اخذنا مقلب والله .

الامير عبدالرحمن بن مساعد ... ما يعرف في الكوره كثير


رحيل سامي الجابر اللي كان المدبر هو من اثر بالفريق

الدوري بح

هذا اول شي


ثاني شي خلاص ياليت نركز ع الاسيويه دام الدوري بح


معقوله ضاع الدوري من ثاني مباراااااااة :(

انا اشوف المدرب له اخطاء لكن اخطاه ماتقارن باخطاء مانجان صراحه هالاعب غريب تحس انه اول مره يلعب كوره لا باص صح ولاكنترول صح ولا ارتقاء صح على اي اساس الهلال جابه مدري

الاتحاد بدون اداره جلب افضل اجنبي بالبرازيل وأراهن على انه راح يكون افضل اجنبي بالدوري وحنا الله يخلف مخلين هالدبشه الكوري عشان هالرئيس ماقدر يصرفه وجابين هالمدرب الخال الاداره قلت لكم وحذرت منها مليون مره إداره مفلسه اول سامي ممشي امورهم اما الحين خل ينفعكم شاعر الحرامي

ياعبدالرحمن بن مساعد دور الربح في غير الهلال الهلال ما هو من الاندية التي تبحث عن الرخيص، شوف الشباب والبلطان جايب مدرب صح وأي لاعب يعجبه في الدوري يجبه يعني يجيبه ، بعدين لا تنفر أعضاء الشرف فإني أرى ما مر بالجار قد يمر بنا لا سمح الله لملم البيت الهلالي وابحث عن مدرب صاحي ولعيبه فنانين وأي لاعب يشوف نفسه أكبر من الهلال الباب الباب، أو انت الباب الباب الله لا يهينك فالربح والزق من الله في أي مكان غير الهلال

بعض الاعضا يشطح في التفكير انا اتمنى ان المدرب يجرب بندرالبيشي او حسام او الغنام بالمحور بدل هرماش ويكون خيرات او المسلم بدل مانقان ماراح يخسر شي اي فريق اجانبه يشيلونه ولاعبي الهلال يشيلون هرماش ومانقان مع احترامي لهم
اتمنى ان يكون هناك مباريات كثيره في فترة التوقف لمحاولة الانسجام وشكرا

مثل م قلتي الخطا ليس عيب , العيب الاستمرار في الخطأ..

لازم نصحح الاخطاء.. وما نعطي بعض اللاعبين اكبر من حجمهم ونخسرهم ..

اقرب مثال ..سالم الدوسري اول ما ظهر مع الهلال جاه مديح ثم نزل مستواه ..
والان شوفوا ردود الفعل عليه ..

والمدرب لازم ينظر للمستويات لا للاسماء ..

تي شيرت الهلال ليس رخيص .. لا يرتديه الا من يستحقه ..

وللمعلوميه اذا كنا نبي الدوري لازم تكون هذي آخر هزيمه ..,

وبالتوفيق للهلال وين ما كان ..وان شاء الله انها كبوة جواد..