|
الف سلامات للكابتن خليل جلال اكيد امس شايفين مباراة النصر والرائد وكيف احتتسب الحكم خليل جلال ضربة جزاء للنصر والله لو في الدوري السريلنكي مايحسبوها !!! مانقول الا الف سلامات للكابتن خليل لاني شخصيا بديت اشك ان الرجال اصيب بالعمى وماعاد يشوف!!!صراحه انا استغرب من التطبيل والنفخ في هذا الحكم واخطائه بدائيه ومايقع فيها حكم درجه ثالثه وكلنا نتذكر حادثة طرد عبدالعزيز الدوسري بالتعاون مع حسين عبدالغني !!!مهما حاولنا نرقع لخليل جلال فلا يمكن ننسى فشله واستبعاده من كاس العالم بعد ماحاس مباراة سويسرا واخرجهم من البطوله بأخطائه المهم ماعلينا منه لكن سبحان الله دايم مايستفيد من اخطائه الا النصر والشواهد كثيره ...والله الواحد في شهر مبارك وما وده يتكلم في احد ولكن الشيء اللي قاعدين نشوف من خليل واخوياه فضيحه ويفشل ويرفع الضغط اللي خلاني اكتب في هذا الموضوع هو حرمان الهلال في مباراة هجر من ضربتين جزاء واضحه حرمتنا من الثلاث نقاط وفي نفس الوقت يتم احتساب ضربات جزاء للفرق الثانيه من خيال الحكام ومع كذا الموضوع يمر مرور الكرام من مسئولي الهلال !!مانقول نروح نضارب الحكام ولكن على الاقل يخاطب رئيس لجنة الحكام لو في وسائل الاعلام لان التجارب اثبتت ان اللي يكون مثالي في دورينا يدوسون عليه . ماهو معقول السنه الماضيه طيب الذكر مطرف القحطاني ينزلنا المركز الثالث ويحرمنا المنافسه والسنه هذي نبداء بنفس الموال من اول مباراه وياليت الظلم في الاخطاء على الكل لكن المصيبه اصحاب الحقوق ينحرموا منها واللي مالهم حق ياخذون شيء مايستاهلوه . اعتقد والله اعلم ان سياسة النصر المتبعه في مهاجمة الحكام بداءت تجيب نتائج طيبه. اتمنى من الصوت الهلال الرسمي يترك المجامله اللي ماراح تنفع الفريق ويطالبون بالأنصاف يعني مانبي اكثر من حكم شجاع يعطي الهلال حقه ولا يتأثر من اعلام وجمهور حاقد رسخ في مخيلة بعض الحكام الجبناء ان الهلال مدعوم من اللجان ومن التحكيم والواقع يؤكد ان الملكي اكثر من تظرر من التحكيم . |
يا رجال جت على خليل جلال تونا في بداية الدوري شوي شوي تطلع فضائح الحكم زي كل سنة مؤ شي جديد |
مع احترامي لك احتساب ركلة الجزاء وجهة نظر خاصة بالحكم ورأيه الشخصي والنتيجة لم يكن الفريق الجار محتاج اي مساعدة ولكن الحكم اتخذ القرار الذي يراه مناسباً وحتى لوكانت غير صحيحة فالاخطاء واردة كما حدث في مباراة الهلال والفتح صفوا النية ,, وتذكروا انا على باب العشر الاواخر من الشهر الكريم |
ياحبيبى ترا ناديك المدلل اسمه الزعيم اما النصر والاتهاد ترا مظلومين اقول خليل جلال مااخليه يحكم مباره ي الحاره قال ايش المونديالى الله عندنا هنا نفخ غير طبيعى \ يعطيك العافيه |
إقتباس:
مع احترامي لرأيك لكن فيه شي يرقع وفيه شي مايرقع اتمنى تشوف ضربة الجزاء الخياليه الآن على اليوتب واحكم بنفسك ..مع احترامي للحكم خليل جلال شخصيا الله يوفقه ولكن الغلط اللي واضح يستفز المشاهد حتى ولو كان في موضوع كوره..تقبل تحياتي. |
من أفضل الحكااااااااااااااااااااااااااااااااام .. بالنسبه لي .. |
اكيد حسين عبدالغني احتسبها يمون عليه والله لايوفق خليل بكل شيء تعمد فيه ظلم الهلال ومثل ماقال عنه سامي يتصرف بخبث ويطرد اللاعب بطريقته الخاصة لكن الله لايوفق كل من اتهم الهلال بالباطل بأنه فريق الحكام بالشهر الفضيل يارب وأولهم احمد الشمراني ونجسنية والمكيري وووووو وأقسم بالله لو كان العدل واقصد الحكام الاجانب من زمان والنقل التلفزيوني والمحللين موجودين وكل شيء للمشاهد واضح لرأيت بطولات الهلال تجاوزت الستين بطولة رسمية لأن ماسلبه ابراهيم العمر ويوسف العقيلي والمهنا وعبدالله الناصر ووووو لايعد ولا يحصى بالتوفيق للملكي يعطيك العافية |
للاسف الشديد مهما نتكلم ونعيد ونزيد في الكلام عن الحكام للاسف الشديد ما فيه اي تطور او تحسن في قدرات الحكم السعودي وهذا اللي حاصل للاسف الشديد خلال الجولتين الله يستر الجولات القادمه بعد العيد ايش راح يصير لا حياة لمن تنادي يعطيك العافيه تحيتي لك |
ياخي لا توجع راسك وعقلك خليك في فريقك ومالك خص ببقية الأندية (( من راقب الناس مات هما )) |
قدر الله وماشاء فعل الله يعين عليهم وبالتوووفيق للزعيم الليله ويعطيك العافيه على مووضوعك |
إقتباس:
ما اقول الا اللهم اني صائم مابي اظلمك بس ردك يجيب الشك |
خليل جلال ياناس انا من زمان ماني معترف فيه انه حكم \ اخطائه كوارث اتمنى انه مايحكم لاهو ولا عواجي ولا اي حكم سعودي لانهم نكبات |
وش رايك نحطك بدال محمد فوده |
أكيد الدجاجه حسين أعطاه الأوامر |
خذ مني العلم الاكيد الرئاسه العامه تحاول بشتى الطرق توفير سبل الراحه والدعم للنصر قريبا سوف ترون طاقم نصراوي متعصب يدير القناة الرياضيه السعوديه وقريبا سوف ترون هدايا تحكيميه للنصر واشياء قد تنهي سمعة الكرة السعوديه |
| الوقت المعتمد في المنتدى بتوقيت جرينتش +3.
الوقت الان » 04:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd