الجمهور+الكابتن=فوز -فيديو اهداف مباراة الاتحاد+اهداف الاهلي
 

السلام عليكم ورحمة الله وبركاته
صباح الخير للجميع
تقبل الله صيامكم وقيامكم وصالح الاعمال واعاننا الله على ذكره وشكره وحسن عبادته
اليوم موضوعي عن تأثير الجمهور على نتيجة المباراه+تأثير الكابتن وقائد الفريق على نفسية الاعبين+الحماس الي تجده من اللاعبين نفسهم لانهم يحسون بالجمهور يحترق لاجلهم بالمدرجات
امس تابعت مباراة الاتحاد كامله بحكم ان اختي اتحاديه وحبيت اتفرج على المباراه مع اني ما احب اتابع الفرق الاخرى
وشفت شي لفت انتباهي
اولا اضع لكم فيديو الاهداف لفريق الاتحاد حتى الي ماشاف يشوف كيف حكمت
‫أهداف مباراة الإتحاد و الإتفاق 3-0 | دوري زين HQ‬‎ - YouTube

اولا الجمهور حماااااس مو طبيعي يعني شغل الجمهور متعوب عليه ادو جهد كبير جدا وهذا ماخلى اللاعبين يحترقون لاجل الفوز
لو وضعت لكم فيديو مبارة الهلال وهجر اتحداكم تجيبون لي جمهور يصفق للاعبين الاجانب من اول اللمسات للكوره امس شفت الاتحاديين من اول مايلمس الاجنبي الجديد الكوره يصرخون ويشجعونه وهذا يساعد كثير على كسر الحواجز بين الجمهور والاعب وتأقلم الاعب بأسرع وقت على الاجواء وعلى الفريقا
لكاميروني حقهم اظنه مابه فايده لكن شفنا كيف رفعو به ويشجعونه لاجل يشد حيله
يعني محترفهم من اول يوم لعب جالس يتراقص لهم بعد اللقطات الجميله والاهداف
سوزا له تقريبا نفس مدة لوبيز في السعوديه
يعني بنفس التوقيت جو وكلهم اول مره يجون للمملكه
سوزا امس بعد كل لمسه يصفقون له الجمهور ويهتفون باسمه ولما سجل هدف مع انه بالغلط من المدافع كل الجمهور تفاعل والاعبين شالو سوزا فوق وجلسو يرقصون به
اليوم مباراتنا مع الفتح لو لوبيز جاب هدف هل نرى الاعبين يشيلون لوبيز ويرقصون معه ويقوون العلاقه معه اكثر واكثر؟؟
صراحه الكل راح يقول لا
امس
شفت القائد نور يرقص مع انو ماعمري شفته يرقص
شفتو كيف جمع الاعبين ورقصهم كلهم وبث الحماس والروح واعطاهم شحنه قويه ليعطو المزيد والمزيد
ياترى بكره لو ياسر سجل قول في اوقات حرجه مثل نور هل يستطيع ان يجمع الاعبين ويرقصهم ويرقص معهم لبث الروح والحماس فيهم
اعتقد اننا جمهور نستحي ولاعبين يستحون
انت جاي لملعب يابو الشباب ارقص وتمايل وغن واطرب الاعبين واجعل الجميع يتحدث عنك

‫اهداف الاهلي والشعلة 5-0 - دوري زين HD‬‎ - YouTube
شوفو جمهور الاهلي صراحه على قلتهم الا انهم مأثرين بقووووه في نتيجة المباراه
شوفو كيف احرقو عيسى المحياني وهم يهتفون باسمه
شوفو كيف الحماااااااس من الجمهور+تفاعل الاعبين مع الجمهور والرقص امامهم والذهاب للجمهور للحاجز الفاصل بينهم وتحيتهم


1.رساله للاعبين الهلال- تكفون يالاعبين الهلال ترى مابها عيب لو رقصت بعد الاهداف\ترى مابها عيب لو جمعت اللعبيه ورقصتو رقصه جماعيه احتفاليه بالهدف
يالاعبين الهلال لو سجلتو هدف ورحتو للجمهور لتحيتهم للمجهود الي قامو به تراهي ماهي عيب ولا تنقص من رجولتكم
2,رساله الى جمهور الهلال العظيم
تروكم اكثر جماهير في المملكه والشرق الاوسط عامه ولو تحمستو ربع حماس الاتحاديين والاهلاويين صدقوني بتفجرون الملاعب
تراهو ماهو عيب لو تراقصتهم للاعبين وتغازلتم بهم وناديتموهم بافضل القابهم مثل الكاسر مثل صمام الامان مثل ابو عمر مثل العقرب
تكفون وربي اكتب وقلبي يتأكل حرقه
الحضور الجماهيري قل بشكل كبير+الي يحضرون وهم قليلين جالسن ساكتين بس يجون يتفرجون ويروحون
مايفعلون دور الجمهور الكبير الي ممكن يخلي الاعبين وحوش بالملعب
اول مباراه على ارضنا اثبتو اننا رقم صعب واثبتو اننا يد واحد مع لاعبينا ومحترفينا
ابي اسمع بالتلفزيون اصوات اهازيجكم
ابي اشوف رقصاتكم وتفاعلكم ابي اشوفكم واقفين مابي تجلسون ابد
والله وانا ابعد عن الرياض 1500 كيلو اني اخصص مباراتين او ثلاث كل موسم احضرها بالرياض على سيارتي الخاصه برفقة اصحابي لاجل مساندة الزعيم
واعذروني على الاطاله وعلى الشطحات

اخوي هلالي القريات
اعتقد اني اتفق معاك كثير في ان جمهور الزعيم قل بكثير في السنوات الاخيره
وللاسف انه ما يحضر الا المباريات الديربي او الكلاسيكو
ان شاء الله انا ناويها اليوم بالحضور لمساندة الزعيم
وان شاء الله الجمهور ما يكتفي بالحضور فقط لابد من الشتجيع في كل اوقات المباراة

يعطيك العافيه
تحيتي لك

وعليكم السلام

مو مهم يرقصون ولا يبكون فرحة الهدف اخر شي نفكر فيه

المهم الروح داخل الملعب وانا اخوك

وبالنسبة لنور وشلته متعودين يرقصون واكثر

لان كل شي عندهم عادي شف ابوسبعان وش سوى مع نور؟؟؟؟؟

وبالنسبة للجمهور فعلا اتمنى من الجمهور ان يساند ويبث الحماس باللاعبين

ويبقى جمهور الهلال هو اكثر جمهور يحضر بالارقام

ولكنه للأمانة فعاليته أقل من المطلوب

واتمنى مانضع جمهور الاهلي والاتحاد قدوة لنا بكل شيء

لان روابطهم وجماهيرهم والهتافات التي تصدر منهم سوقية وأكثر

جمهور سب وتشتم وقذف للاعبين والحكام وعبارات خادشة للحياء

وأولها الكـــــاف وهي ثقافة أهلاوية اتحادية

ودائما ماتجبر مخرج المباراة على خفض الصوت بسبب تردديها بشكل جماعي

يعطيك العافية

حياك الله منور يالغالي
اولا انا ما اقلدهم بكل شي ولا احطهم مقياس لي ابدا
الا بشي واحد اغبطهم عليه
الي هو التشجيع والحماس فقط
انا ما اتكلم عن كلامهم او شطحاتهم او اي شي سلبي بيهم انا جبت حاجه ايجابيه تخلي الاعبين يقلبون اسود داخل الميدان فقط
الااشياء الثانيه ماعلي منها

جماهير جدة تختلف عن جماهير الرياض للاسف
رغم انا اكثر منهم الا انهم يغطون علينا حتى في الرياض
ويحولونا لمتفرجين على ابداعاتهم ما غير شغالين
فصفص وعلوك

مع احترامي مايقارن جهور الاتحاد والأهلي مع الهلال جمهور الغربية أقوى جمهور واكثر تفاعل وحماس اجل جمهورناااا العزيز اللي يحضر الملعب وكأن الواحد مجبور انه يتابع المباراة بالملعب يعنى يجي هو والمدرج واحد وش أبغى في جمهور بالملايين من دون تفاعل وحماس أنا لو يجيني في الملعب 100شخص ومتفاعل وحماس وتشجيع لين نهاية المباراة ولا يجيني في الملاااايين على الصامت بعدين الاتحاد يحق لهم يحتفلون بطريقة اللي تعجبهم هذا هو الحماس وياليت جمهورنا الغالي يتعلم ولا بس جيدين كل يوم ناطين للمنتدى يعاتبووون اللعيبة هذا لاعب وهذا فاشل اتمنى مؤازرة الفريق من اول ثانية حتى اخر ثانية من المباراة وبالتوفيق للنادي الزعيم شعارنا يدا بيد لأجل الزعيم

جمهور الزعيم كان مميز خارج الرياض واحنا شفنا كيف الحضور فى المدينه والقصيم الموسم الي فات

عشان كذا لازم يكون الحضور فى الرياض استثنائي واتمنى يكون بين جماهير الزعيم

فى الرياض وخارجها تنافس على الحضور

لا تــــــــــــــــــــعلــــــــــــــــــــيـــــــق لاتقارن جماهير الملكي بي باقي جماهير الاندية

كلامك صحيح, لكن الكلام ماينطبق على لوبيز لحاله.. على جميع اللاعبين

مانبي الجمهور يوقف أبد, وانا أول واحد بإذن الله

لاهنت يابطل!

هذي المواضيع الى تفتح النفس
 

بصراحة كلامك عين العقل
واحب اضيف بأن لاعبي الأتحاد دب الحماس في نفوسهم بعد تشجيع الجمهور وتحديداَ قبل الهدف الأول .

جمهور الهلال هو اكثر جمهور يحضر بالارقام

لا حبيبي الموسم الي راح كنا الثاني او الثالث وبالحضور الاهلي كان الاول

والله ياليت جمهورنا يحضر , بالاخير لا يحضر ويجلس يتفلسف علينا بالمنتدى
يعطيك العافيه ع الموضوع

ماراح يجي الا لاقليل وتشوووف

اخخ لو ماعندي دوام