السلام عليكم ورحمة الله وبركاته
حياكم الله اخواني واخواتي رواد منتدى الجمهور الهلالي
اتوقع الكثير مثلي يسأل نفسه لماذا رقم 8 يعطى للاعب مدافع
بصراحه انا مادري وش المغزى من الادراة
المفروض يعطى رقم 3 هذا لاعب محترف بطلوا شغل (( لا اذا اعطيناه رقم 3 نحط على اللاعب حمل كبير وانه لازم يقوم بدور اسامه ومن هالخرابيط))
نحن الان في عصر الاحتراف المفروض اشياء زي كذا ما تأثر على اللاعبين
بتقول لي مثلا يمكن اعطوا الرقم 3 لاحد المدافعين الاخرين يعني على سبيل المثال يحيى المسلم مو مشكلة لكن اعطيه رقم غير رقم 8
من عرفنا الكورة والمتعارف عليه ان رقم 8 لاعب وسط يعني ليش ماتعطي الرقم 8 لهرماش ,
بعد ما جاء هرماش لتعويض رادوي لم يعطوه الرقم عشان نفس السبب
اذا احد عنده سبب اخر ممكن يشاركنا فيه
الغرض من موضوعي ان الادارة لازم هي تفهم وايضا تقوم بتفهيم اللاعبين انهم محترفين امور مثل هذي المفروض ما تأثر على اللاعبين
شطحات خارج الموضوع <<<< ليست الشطحة اللي بمفهوم خالد قاضي
* متفائل كثير بالفريق هالسنة يارب مايخيب ظني فيه
* الزوري والمرشدي,, تعاقبوا المدربين واللاعبين على هالفريق ولا زالا يلعبان هل العيب فينا حنا الجمهور ,
لأن وحدنا من يطالب بعدم الاعتماد عليهم اساسيين
* ياسر الشهراني اتمنى ان لاتقتل دكة الاحتياط موهبته
* اتمنى اعطاء الفرصه للفرج والقرني في مركز المحور
ختاما
اللهم وفق الهلال يارب فوق كل ارض وتحت كل سماء
وبإذن الله مواضعينا القادمة تهاني وتبريكات بعد تحقيق الهلال للاسيويه
23Likes
الوضع الشجري
