السلام عليكم ورحمة الله وبركاته

بالبداية :
نحن كجمهور هلالي غيور على فريقة ودائما وابداً يتمنون لفريقهم العلا
ونحن تواجدنا هنا من اجل اخذ الاخبار الصحيحه والرسمية عن نادينا
والمحاوله بقدر الامكان لطرح وجهات نظرنا للاستفاده منها وهذا غرضي من كتابة هذا الموضوع
لم اكتبة من اجل انتقاد شخص معين او التشكيك في موهبته او اخلاصه او اجتهاده
كل ما في الامر اني عاشق لفريقي واتمنى له التوفيق الدائم والمراكز الاولى دائما

ندخل في صلب الموضوع ...

في مباراتنا الاولى .. وصراحةً منذ معرفتي بالتشكيله وانا كنت غير مطمئن
والسبب انا يوجد لاعبين وضعو فالتشكيلة الاساسيه وللاسف يوجد من هم افضل منهم متواجدين ع كراسي الاحتياط
واقصد بكلامي خانتي الظهير الايمن والظهير الايسر ..
سلطان البيشي وعبدالله الزوري )
معليش راح اتكلم باللهجه العاميه شوي >>
والله هاللاعبين احبهم واحب لعبهم لكني احب الهلال اكثر منهم ولاني احب الهلال اكثر منهم ابغى يكون يلعب اللي هو افضل منهم مستوى واللي يحتاجه الفريق
كل الجمهور الهلالي والاداره الهلاليه تعرف ان مشكلة الهلال منذ مدة هي الظهير الايمن صحيح تواجد لي بيونغ وكان مبدع بس بعد رحيله رجعنا نعاني لان الكرة السعوديه بشكل عام لديها ضعف بـ هذي الخانه لايوجد الا لاعبين معدودين ع اصابع اليد الواحده ويمكن اقل بعد ..!
وكانت الادارة الهلاليه تحاول بشتى الطرق انها تجلب لاعب مبدع فهذه الخانه ومافي احد مننا يجهل محاولات الادارة الهلاليه فـ نادي الشباب لجلب شهيل او حسن معاذ .. وهذه المحاولات ذهبت دون نتيجه
ولما بزغت نجومية اللاعب الشاب الموهوب اللذي يلعب بكلتا قدمية ياسر الشهراني ونجوميته مع المنتخب ومع فريقه حاول الهلال جلبه وبعد معانات ولله الحمد والفضل يرجع لله ثم للادراة الهلاليه فـ تعبها ومحاولاتها على الحصول ع اللاعب .. وانا اكثر شخص فرح بهذا الخبر بالذات لانه لاعب شاب ويعطي ويخدمك فخانات كثيره وسريع ويمتلك مهارة ونزعة هجوميه ودفاعيه ماشاء الله عليه .. وحمدت ربي اننا انتهينا من هذه المشكله اللي اقلتنا سنين ..

وللأســـــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــف
مع اول مباراة للزعيم نحصل ياسر الشهراني بالاحتياط ويلعب سلطان البيشي اساسي والله مو قصور بـ سلطان ..!
سلطان موهبه وصغير بالعمر وينتضره مستقبل مشرق بأذن الله ..
لكن بكل صراحه اذا بنجي من ناحية العطاء فـ ياسر افضل وهذا شيء م ينزعل منه ولكل مجتهد نصيب
ولان ياسر افضل مستوى حاليا فأنه يستحق يلعب اساسي ..
والمصيبه الكبرى ان اهداف الهلال اللي دخلت عليه للاسف كلها من جهة سلطان البيشي ويمكن من اخطائه
م الومه هو هو شاب ولازال تنقصه الخبره ويمكن مو فـ كامل مستواه لكن العتب ع اللي لعبه مع ان فيه من هو افضل منه ع الدكه ..
والكل لاحظ بعد دخول ياسر الشهراني حرك اللعب ولما اخر المباراة رجع لخانته اللي هي الظهير ابدع من الناحية الدفاعيه واستخلاص بعض الكور
ومن الناحية الهجوميه كان اثره واضح ايضا ..
كلامي لايعني الاستنقاص من النجم سلطان ولكن بنفس الوقت ( نلعب اللي مستواه افضل .. ويخدمن اكثر ))

وكل كلامي اللي قلته عن ان ياسر الشهراني المفروض يكون يلعب اساسي بدلا عن سلطان البيشي ..
نفس الشي المفروض ينطبق ويحصل مع الزوري .. الزوري صراحه فيه من هو افضل منه حاليا فيه من هو يصنع ويسجل ويوزع توزيعات جباره اللي هو سلمان الفرج اللي الموسم اللي فات ابدع فـ خانت الظهير اليسار ويدافع ويعرف يهاجم ويعرف يلعب اوفر .. مو يلعب اوفر ويشوتها ف رجلين لاعبين الخصم
مثل الزوري الله يهديه .. الزوري نجم ولا احد يجحد مجهوداته للفريق وللمنتخب ولكن حاليا م صار يعطي مثل اول قل عطائه ..
مو معنات كلامي نقلب عليه او ننتفه او م نوقف معاه لا والله لكن كلامي والله (( عتب محب ))
اتمنى يرجع لمستواه
واتمنى نلعب من هو افضل بغض النظر عن اسم اللاعب

ادري فيه فئه من الجمهور عاطفيين وراح يقولون انت جحدت مجهودهم وهم كويسين وتونى ببداية الدوري ومدري ايش والفريق ما تأقلم لسى ومن ذا الكلام ..
لكن انا احب الهلال اكثر من اي لاعب .. احب لاعبينا لكن ما احبهم اكثر من الهلال ..
اتمنى كلامي يوصل للعقول مو للقلوب

واسف ع الاطاله لكن لقلة كتابتي حبيت اكتب مره وحده ..

وشكراً