|
3 ميزات لاحظتها في مباراة هجر ..تنسينا النقطتين بإذن الله :) السلام عليكم في البداية عندي حاجة دائما أسويها وأبي أقولها لكم ..:yes: اللي هي .. أنا دائماً أي مباراة للهلال أتابعها بالقليل مرتين ..:yes: <=== ؟؟ دائماً إذا تابعت المباراة مباشر .. يكون شغلي الشاغل الهلال متى يجيب هدف بغض النظر عن المستووى.. لكن يوم اتابعها إعادة أشووف الهلال وش سووى وأحاول أفهم تكتيك المدرب ... وسويت اللي دايم أسويه في مباراة هجر .. ولاحظت 1-إيجادة المدرب لقراءة المباريات <~~ وكما هو معروف .. المدرب راح يروح لكوريا لمراقبة الفريق الكوري. 2-بداية التنافس بين لاعبي الهلال.. وشفنا التبديلات كلها نااجحه والكل يبي يثبت نفسه ومن ظمنهم الزوري.:yes: 3-روووح الاعبين في نهااية المباراة <~~ لك أن تتخيل الدقيقة 87. 2-0 لهجر والنهاية 2-2 <~~ تذكرنا بالزمن الجميل *نهائي اسيا وهدف سيرجيو *ونهائي الدوري ضد الشباب وهدف الأسطورة ساامي:ga:. خطة المدرب من خلال أكثر من مباراة.. مدرب الهلال يعتمد في خطته على سرعة المناولات والأهم منها أنه .. الاعب يستطيع تمرير الكورة بشكل صحيح وهو محاصر بين 3 لاعبين...وعشاان كذا المدرب يعتمد على الوسط في كل شي. هذا التكتيك راح يوصلنا بعيد بإذن الله ..;لكن الاعبين لم يتقنوا هذي الخطه بشكل جيد.. يبي لها أكثر من مباراة وإن شاء الله تكون الأمور تمام التمام. رغم أني مدريدي:naughty:.. لكن أقولها هذا التكتيك زي تكتيك برشلونه..ورغم ذلك لم يستطيع أي فرق أن يستحوذ أكثر من برشلونه.:d <<الخلاصة>> حنا نظرنا للسلبيات أكثر من الإيجابيات...!! كل اللي أطلبه أرجع للمباراة وتابعها من 00:00 إلى 90:00 والسلام عليكم ورحمة الله وبركااته محبكم أبوحلا العنزي المدينة المنورة :ga: :rose: |
يعطيك ألف عآفيةة وبآلفعل آلمدرب نجح في قرآءةة آلمبآرآةة وروح آللآعبين وحمآسهم شيء جيد وإن شاء الله بـ لقآء الفتح بنشوف هلآلنآ في قمةة عطآئةة "$...............! |
المدرب يجيد قراءة اللعب وهاذا الهلال مايحتاجه حتى في زمن جرتس كان الهلال اذا تاخر مايعرف يرجع بالنتيجه,,, وشكرا لتحليلك الراىع |
يعطيك العافيه اخوي بس المشكله ضاعت علينا نقطتين مو من فريق قوي مع احترامي لفريق هجر و اخاف اننا نندم على هذي النقطتين والله يوفق الزعيم |
امممما اتابعها 3 مرات !! لا وقدام هجر !! معليش انت تحب الهلال وتعشق الهلال بس ما توصل انك التابع كل مباراه 3 مرات !! خــل عنك الهلال بس وشوف مستقبلك انا اتابع 90 دقيقه للهلال وببسس واقدر اقيم كامل المستوى |
كلام سليم و صحيح مئه بالمئه |
والله صدقت اخوي كان الهلال مره منظم بس هي هفوة دفاع الاهداف وهذي الكورة لابد منها كذا يعني مومعقولة مايدخل على الهلال هدف بس الدفاع يبغاله شغل وقلوب يكونون متفاهمين والهجوم يبغاله تعزيز يعني المفروض اول مباراة ومع هجر انزل بمهاجمين من البداية ولا ننسى لما دخل سعد حرك المنطقة الهجومية شوي بس نتمنى ان شاء الله بقادم الايام نتلافى الاخطاء الي وقعنا فيها مع فريق هجر وفالنا الدوري ان شاء الله... |
كلامك سليم الله يعطيك العافيه انا اتمنى من الجماهير انها توقف مع الفريق حتى لو كانت النتيجه غير مرضية صدقوني مستحيل الهلال يقعد كل السنوات الجايه بدون ما ينخفض مستواه او يتعادل او ينهزم عادي يعني خلونا متفائلين وان شاء الله هذي بداية الدوري حلو اننا نعرف اخطائنا من بدري ونصححها مشكور |
قرآئتك جييدهه وبأذن الله يوم الثلآثآء هلآلنآ يجيب الـ 3 نقآطط ونتطمن ..! |
يعطيك العافيه مجهود طيب قراءه فنيه مميزه . ماشدني كثيرا في المباره عندما وضع المدرب ياسر الشهراني في وسط الملعب ومن ثم اعاده في الظهير في مركزه الصحيح يدل انه يمهد لنفسه لتكتيك معين سعياً الى ارهاق الخصم بأكثر من تكتيك في المباره لتفكيك دفاعات الخصم وبالفعل استطاع ان ينجح فيه . |
الموسم الماضي البطولة هلالية ....... لكن التحكيم اضاع الفريق بتعادل + التحكيم اضاع الفريق بخسارة = ضياع خمس نقاط اضاعت علينا الدوري !!! الموسم هذا التحكيم اضاع علينا نقطتين بتعادل + المباراة القادمة قد يضيع 3 نقاط = هل راح يفعلها الحكم السعودي ويتجرأ على الهلال مرة أخرى تحية لمرعي وقبلة مطرف وركلات الجزاء الغير محتسبة !!!! |
شكرا لكم على المرور والإطراءت الحلوووووه :) وبالتوفيق للهلال :) |
كلامك صحيح الهلال يحتاج فترررره حتي يستطيع ان يرجع له رتم المباريات والمدرب اعتقد انه بدايه موفقه |
نقاط 3 لاحظتها بشكل مميز والهلال لعب على ارهاق الدفاع الصلب .. ولله الحمد خطة المدرب نجحت فـ دفاع هجر كان صلب جدا واععتقد راح يعاني منه الانديه الاخرى .. بالتوفيق للهلال ولـ هجر في هالموسم صراحه اعجبني تفاؤل مدرب هجر وعزيمته واصراره على ايجابية النتيجه وهذا سبب رئيسي في بث الروح والثقه بالنفس في اللاعبين |
مع احترامي لرايك بس من مرة وحدة اقول الهلال يعاني بشكل كبير من حراسة المرمى والمنظومة الدفاعية نفس مشاكل الموسم الماضي امتلاك للكرة بشكل سلبي اتنمى يكون في جراة ونجاعة في خلق فرص اكثر وبالتالي اهداف لو لاحظنا عك كروي كرات مقطوعة كثيرة بل بالعكس لاحظت ان هجر بيلعب كرة حديثة افضل من الهلال اللي بيعتمد على التحضير البطيء واحيانا بطيء جدا لازم تتفعل الاطراف مو نستمر على العمق اللي فشلنا فيه كثير امام الفرق الكبيرة واخيرا يجب الاستفادة من الركنيات ضروري جدا شوف كم حصلنا كورنر في مباراة هجر!! |
| الوقت المعتمد في المنتدى بتوقيت جرينتش +3.
الوقت الان » 05:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd