|
احباط ولا شيء غير الاحباط ! بداية سيئة واكثر من سيئة سواء من المدرب أو من اللاعبين ! وهذا نتاج طبيعي لسلبيات الادارة الموسم الماضي وبداية هذا الموسم تعدد المدربي والطريقة العقيمة 451 لم ويبدو أنها لن تتغير ! خطة محبطة خطة الجبناء خطة المدرب الغير واثق من نفسه هجر والذي بقى بشق الانفس الموسم الماضي وبالجولة الاخير يلعب بمهاجمين ! والهلال زعيم اسيا المتوج يلعب بمهاجم واحد فقط !!!! وحتى والهلال خسران 2 المدرب لا يشرك المهاجم الثاني الا في اخر عشر دقائق !!!!! سؤال محيرني الى متى والهلال يلعب بهذه الطريقة ؟! جريتس من عشاق 442 ومع الهلال رجع لهذه الخطة العقيمة والتي وان حققت الدوري الا انها لا تزال عاجزة عن تحقيق الحلم حتى الخليجية خسرناها بسبب اللعب بمهاجم واحد ايام باكيتا كالديرون ايضا مع المنتخب ومع الاتحاد يلعب 442 وفجأة وفي الهلال يلعب 451 ! دول رغم انه لا يملك اي سجل ومدرب فاشل الا انه لم يلعب في تاريخه بهذه الخطة الا مرة وحدى فقط خلال سبع سنوات ومع الهلال وبقدرة قادر صارت خطته وطريقته المفضلة 451 ! طريقة والله لا تناسب الهلال على الاطلاق في ضل تواضع مستوى بعض اللاعبين الشلهوب وسالم وبرودة الفريدي البطولات المحلية اقولها بكل تجرد وصراحة ليست مقياس فعلى سوء مستوى الهلال الموسم الماضي ولاعبين اجانب اي كلام كان الهلال قريب من الدوري لولا المرداسي في مباراة التعاون والاجنبي في مباراة الاهلي في جدة لكن في البطولات الخارجية يختلف الوضع مع كامل الاحترام مهاجم وحيد يكون اسير لكماشة الدفاع مهما كان المهاجم بارز وبارع لن يستطيع مجابهة الدفاع والمحاور سؤال بريئ متى سجل الهلال امس ؟؟ بعد مشاركة الحارثي المهاجم الثاني الذي صنع الهدف الاول وتسبب بالهدف الثاني الموسم الماضي افضل المباريات التي لعب فيها الهلال بمهاجمين اثنين رباعية الاهلي ورباعية وثلاثية النصر وثنائية الاتحاد ! اتمنى من كل قلبي الا اشاهد ويسلي في مباراة الفتح وحيدا !!!! |
أخوي اتفق مع معظم ماكتبت في مباراة امس...لكن السبب اللي اشوفه مهم ومااشتغلوا عليم من اربع سنوات: ضياع الفرص وسوء التصرف باللمسة الاخيرة. حتى نواف العابد امس ضيع ثلاث اهداف تحتاج تركيز في الكرة الاخيرة. عندنا مشكلة برضوه قديمة ومااحد اشتغل عليها: عدم الاستفادة من الفاولات الجانبية والركنيات. هذولي المشكلتين تثبت لي ان مافيه عمل وان التصاريح عن العمل خذ وخل وانهم يبون الحل يجي براحته ومع الوقت بدون شغل. اتمنى التوفيق للجميع وشكرا لوقتكم... |
والله ياخوي انا اعتقد ان الحكم مبكر على كل شيء في الهلال ! لايمكن ان تحكم على المدرب ولاعبين بهالسرعة ومن مجرد مبارة واحدة في الدوري تستلم قلمك وتطيح في الكل نقد !! اقول اذكر الله وروق والقادم احلا إن شاء الله |
اعتقد في هالموسم راح يكون اللعب 4-4-2 لكن مباراه امس ما قدر يلعبها لإصابه الكوري وعدم وصول بطاقه ويسلي فـ كآنت افضل طريقه 4-5-1 |
ياخوي خل النااس تشتغل توو بدا الدوري مانقدر نحكمم من البداية والجايات افضل بإذن الله |
الله يوفق الهلال كل الشكر لك |
ان شاء الله بداية التصحيح تبدأ من مباراة الفتح بالتوفيق للزعيم |
لا حول ولا قوة الا بالله \\ ترى يا اخووي اول مباراه هاااذي ...يعني حكمك جدا مستعجل ...وغير الجو الي لعبنا فيه ..بالعقل ترى وفرص ضاائعه وامتلاك للكوره ونقص لاعبين وقدمنا المستوى هاذا ومع اضرار الجو وان شااء الله المباراه الجاايه راح تشووف شي يسعدك ويسعدنا ان شااء الله بالتووفيق للزعيم الملكي |
اظن المدرب كان مجبور يلعب بالتشكيله هذه ؟ لان بالوديات القويه ضد مانشستر سيتي مثلا كان يلعب بـ 4-4-2 اصابة الكوري + تأخر وصول بطاقة ويسلي لوبيز + الحارثي راجع من اصابه !! المهم رب ضارة نافعة .. هي اول مباراه حتى تعرف نقاط الضعف بالفريق وتعالجها !! مثلا الزوري + البيشي .. اتمنى استبدالهم بالفرج و الشهراني مانجان يكون محور دفاعي بجانب هرماش ... وعودة يحيى المسلم لقلب الدفاع بجانب المرشدي ( عبدالعزيز الدوسري ونواف العابد ) في صناعة اللعب وامامهم لوبيز + مهاجم محلي ( ياسر او سعد او الجهني مثلا ) |
| الوقت المعتمد في المنتدى بتوقيت جرينتش +3.
الوقت الان » 12:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd