سؤال وابغى جوابه من الجميع
 

هرماش ممتاز نسبيآ


لكن الزوري و العتيبي ... لآ تعليق

طول عمري أقول لو الزوري ما يجرب ولا عرضية في التدريبات كان استوى احسن من بيكهام من كثر اللي خطرهم للجمهور
قسم بالله لعبنا كورة ورفعنا كور واحنا مضغوطين من مدافعين ماهي صعبه الشغله ++{انا عارف الفريق بين المدافعين اللي لعبت ضدهم والمحترفين اللي ضد الزوري لاكن صدقوني الكورة هي نفسها}++

-



هرماش حرام ياخذ خانة اجنبي القرني والغنام افضل مستوى منه
الزوري والله يعدي ويمشي ويوصل لمرمى الخصم لكن ما يسدد
الزوري جيد نوعاُ ما

العتيبي نكبة بكل ما تعني الكلمة من معنا

الله يسستر من هالموسم

بدايه ماتبشر صراحه

وكأني ارى موسم دول اخرر !!!!!

الحكم في هذا التوقيت ( لا فائدة منه ) ,,, نعلم بأن العتيبي مستواه في انخفاض من العام الماضي / والزوري يحتاج إلى جرعات من التركيز / أما هرماش ( مبدع ) لكن الهلال يحتاج إلى محور دفاعي أكثر , لا يلغي ذلك تميز هرماش فنياً.

لا يوجد متابع للهلال تخفى عليه هذه المعلومات ... لكن الأمل بالله ثم في قدرات المدرب الفنية على تجاوز هذه الإشكاليات الطبيعية ( حتى الآن ).

لا نزال في البداية / تصاعد المستوى مطلب منتظر / والثبات على توليفة متجانسة أمل الجمهور الهلالي.

أنا مو قاهرني انه كل واحد في هذا المنتدى مختار موضوع لأي لاعب هلالي وطايحين فيه سب وين كلامهم قبل يومين يدا بيد لأجل الزعيم واذا خسر مو نهاية المطاف تونا في بدايته الدوري ولا بس كلام الليل يمحيه النهار ولا لاعبوا فيهم المندسين يعطونهم اول سبه للاعب ويطلع من المنتدى يرجع بعد نص ساعة للمنتدى يلقى ١٠٠ صفحة للسب معه يعنى لا يلعبون عليكم المندسين لا ينزلون نادي الهلال للقاع في اول مباراة له ادعمهم وآزرهم حتى بالخسارة انت ما تلعب بس على دوري جاك اسيا وكأس الملك وولي العهد بجد لازم نكون يد بيدا لأجل الزعيم لأجل الكيان

العتيبي وهرماش هم اساس اي مشكله تصير بالمنتدى

ياناس أبي اعرف هرماش ليش تقولون عنه ممتاز ؟؟؟
والله لا التحام ولا تركيز وتغمض عينك وتفتحها وتلاقي هرماش واقف على قوس منطقة الجزاء للخصم !! ليش طيب ؟؟
الزوري كان جيد بالأمس وقدر يوصل منطقة الـ 6 يارده للخصم وهذا شي يحسب له ، والمرشدي كان بطل وقدر يغطي مكان مانجان الفاهي
البيشي مادري وش يبي قسم بالله نامي اصرف منه بكثير

ياناس لو يتم ابعاد هرماش من التشكيله ويكون مكانه بالمحور قادر مانجان لأنه طويل وجسمه قوي ويكون قلب الدفاع المرشدي والمسلم والأظهرة الشهراني والفرج وصدقوني وقتها راح يكون دفاع الهلال بأمان

ويرتاح سالم بالدكه ويكون بالوسط عزوز والفريدي والعابد وأمامهم ويسلي لوبيز والكوري ويدخل الشلهوب ورقة رابحة بدال الفريدي وصدقوني راح تشوفون كم كبير من الأهداف لأن ويسلي من واقع ماشفناه بالفيديو مايرحم وكذلك الكوري لو توفرت له كور رأسية أو عرضيه ارضيه راح ينافس على هدافين الدوري ولا يهون لوبيز

انا اشوف الناس كلها على هرماش هرماش لاعب مميز لاكن يلعب محور هجومي مو ذنبه هذي مواصفاته انا عارف انه الهلال مايحتاجه كمحور هجومي (لاكن الغلط على من جابه)

هرماش صراحة مو بمستوى طموح الهلال فرق كبير عن رادوي فقط يلف حول نفسه ويدعس على الورة وتنقطع منه

المدافع الجديد محد يقدر يحكم عليه من الابداية لكن اشوف فيه بطء يمكن لياقيا مفروض المسلم يكون موجود
بالمختصرر اجانب الهلال لا يشكلون اي اضافة للاسف

والله ان نصكم مايفهم كوره مع الاحترام
الزوري فاشل هجوميا وماهو راعي عرضيات .. لكن لو تعرفون قوه تغطيته الدفاعيه تسكتون
لاعب يقوم بمهام كظهير وقلب دفاع في أن واحد
وبالنسبه لحسن .. لاعب خبره وصدقوتي هو عربون اسيا
اسيا تحتاج لاعب خبره يقف للفرق مثل وقفاته امام الغرافه. والانديه الايرانيه .. كان حسن يباربهم لحاله ولا كنا ناخذ نتائج قويه
ومشكله حسن اذا جته اصابه تتغير مرونته وياخذ وقت ليما يرجع لابداعه .. بس متفائل به في اسيا كثير كثير

اما هرماش فهو لاعب متوسط المستوى .. يعني الغنام يكفي ونقدر نجيب اجنبي بداله

بالنسبه للعتيبي مشكلته الخروج من مرماه وذي محد ذاتها مشكله كبيييره اذا ما طلع من مرماه يكون افضل حارس لان عليه ردت فعل سريعه الله يرحم ايام الدعيع كنا ناسين موضوع الحراسه
بالنسبه للزوري امكانياته حلوه وعليه اختراقات وبنيته حلوه لكن ما عنده ثقه بنفسه لانه منتقد من الجماهير بشكل مستمر احسه يلعب وهو خايف وانا برايي انا ما نقسى عليه ونعطيه ثقه بنفسه
اما هرماش انا اشوفه افضل محترف وبعدين عليه توزيع لعب حلو واللي يقارنه برادوي انا اقول لكم كل لاعب له سلبيات وايجابيات ويوم كان رادوي لعب كان مستوى الهلال ممتاز مع كوزمين وجيرتس الكل يبدع وبعدين لا تنسو رادوي ياما احرجنا في مباريات بالطرد لان لعبه خشن انا من وجهة نضري ( ان هرماش افضل من رادوي )

هرماش فنان لا تقولي ولا اقولك
معاك رباعي الغفله اتمنى ما اشوفهم اساسي
العتيبي والشلهوب والزوري والمرشدي