|
كنا متفائلين بهلال جديد يثير الرعب في قلوب الخصوم فأرعب جماهيره بمستواه الهزيل أثار المستوى الهزيل الذي ظهر به الفريق الهلالي أمام فريق هجر الرعب في قلوب الجماهير الهلالية التي كانت تتابع الفريق داخل الملعب والقنوات الفضائية والاذاعية طيلة 87دقيقة حيث تقدم الفريق الهجراوي في الوقت بدل الضائع من الشوط الاول بهدفين مقابل لاشئ رغم أن الهلال كان يحاول باستحياء تسجيل هدف لعله يشفع له في ظل المستوى المتواضع الذي ظهر عليه اللاعبون ؟ وكان الهلال قد دخل بتشكيلة مثالية لكن لم تكن لدى اللاعبون الجدية في ضرب فريق هجر بقوة فاستمروا على نفس الرتم إن لم يكن أقل حتى حانت الدقيقة87عندما راوغ الكابتن/ عبدالعزيز الدوسري دفاع هجر داخل المنطقة وسدد بقوة داخل المرمى حيث ظن الهجراويون أن المباراة انتهت لصالحهم حتى حانت الدقيقة 91عندما صوب الكابتن/ ياسر القحطاني كرة ثابتة قوية إستقرت داخل مرمى هجر2/2 وانتهت المباراة بهذه النتيجة المخيفة والمستوى المتواضع رغم تفاؤلنا الكبير بأن ينطلق الزعيم من بوابة هجر لكن الله يستر في قادم المباريات وهذا جرس إنذار للفريق لعلى وعسى أن يفوق اللاعبون من غفوتهم وعلى المدرب أن يلعب لوبيز ويسلي من بداية المباراة القادمة حتى لو كان برجل واحدة فهو مطلب اساسي أن يزج به من الشوط الاول مع ياسر وبلاش أعذار - ونتمنى أن يصحصح المدرب واللاعبون من جديد من أجل تحقيق الفوز في المباراة القادمة وأن يشترك الفريق في دورة ودية اسوة بالفرق الأخرى التي ستشارك خلال توقف الدوري في بعض الدورات الودية مع بعض الفرق الاماراتية حتى تساعد المدرب أكثر للوقوف على مستوى بعض اللاعبون -- والله من وراء القصد -------------------------------------------- |
يا عيال المباراه انتهت 2-2 تصدق ما شفناها بالله احذف موضوعك وربي موضوع مدري وش يبي |
موضوع ماله داعي للاسف طيب لو خسرنا وش بكتب تعادل احسن من خساره تعثر البدايه احسن من تعثر النهايه الموضوع يقفل يكون احسن ! |
يحيا مسلم بدال المرشدي ,, الفرج(الشهراني) بدال مضيع الفرص الزوري .. والبيشي باليمين لكن الظاهر واسطة المرشدي قوية ! |
تفائل ( اسبانيا تعادلة مع اطاليا في اول مباره وجابت الكاااس من اطااليا ) |
ارجو من المشرفين يقفلون الموضوع |
إقتباس:
وش واسطه ما واسطه الله يصلحك انت بعد ، وش قصه هالموضوع اللي ما منه اي فايده : ) !! مواضيع لا تقدم ولا تآخر وش له متعب نفسك ومنزلها ، لو يقفلونه المشرفين احسن |
حبيبي موضوعكك مآله دآعي بكل صرآآحة .. صح ان فيه اخطآء مآننكر وهذا لآيعني ان فريقنآ سيء .. لآكن برضو لآتنسى ان هجر مقفل تمآمآ .. وكلنآ شآهدنآ نقل الكرآت والاستحوآذ على الكرة و صحة التمريرات كآنت جيد جدآ والحمد لله .. أقول نتفآئل باللي جآي وندععم فريقنآ يكون أحسسن من الكلآم اللي قآعد تكتبة . |
لاحول ولاقوة الا بالله ياناس بدينا خفووووووووووووو عالمدرب والاعبين |
الهلال راح يبدع اذا افتك من المطفق يااااخي الله يهديك هذي أول مباراة اصبر على الفريق شوي وراح تشوف الفرق بإذن الله ولااا تنسى إن هذي اول مباراة للمدرب في دوري زين و انا بصراحة أتوقع له نجاح باااهر بإذن الله |
لو الله يفكنا من عقليات (جمهور العجه) احنا بخير والفريق بخير تونا أول مباراة والمدرب جديد و ظروف الجو (حرارة وغبار ) بالاضافة ان الحكم لم يحتسب ركلتين جزاء كان شفنا كلام غير اللي قلته ويمكن بهالعقلية لو فايز الهلال اتوقع انك بتكتب موضوع ان الهلال خلاص حقق الدوري |
الرياح خدمت هجر في الشوط الاول وتهاون الهلال في اخر الدقايق اثر علينا وحسن العتيبي كالعادة مايرد شي ابد اما في الشوط الثاني انواع الهجمات ضاعت + ركلتي جزاء صحيحتين لو احتسب وحدة منها خاصة الاولى كان يمكن تكون كارثية على هجر لانها في وقت مبكر |
إقتباس:
|
سبحان الله جماهير غريبه يحسسوني انهم مايعرفون وش تعني الكوره او انهم يعرفونهم ويحسبون انه لايوجد نتيجه الا الفوز الكوره كذا تعادل او فوز او هزيمه وكل فرق العالم تمر بهذه النتايج فرجاء لاتنهون فريقنا بيديكم وتهزون هيبه وثقة الاعبين بالمطالبات المبالغ فيها الحمدلله ع التعادل رغم انه مش طموحنا لكن حصل علينا ااننا نرضى به ثم ننساه ونفكر في القادم |
| الوقت المعتمد في المنتدى بتوقيت جرينتش +3.
الوقت الان » 11:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd