الفريدي وجمهورالهلال
 

اتمنى الفريدي يذهب لاحد الانديه المنافسه للهلال لكي يعرف الجمهور الذي حارب الفريدي قيمته
الفريدي ياما افرحكم .... ًً

جمهور الهلال غريب وناكر للجميل فعلو بالفريدي كما فعلو بياسر

رسمياً.. الجابر يعلن اعتزال الكرة بعد مشوار حافل بالإنجازات
الثنيان عابر (منصات الذهب) يعلن اعتزاله الكرة نهائياً
انتقال الدوخي ليس مشروطاً بموافقة الاتحاد
نواف التمياط يعتزل اللعب ( نهائيا )
التيماوي.. والقرار الصعب
كل هذي اخبار صحفيه طبعاص جمعتها على عجاله
يا بعد حيي الهلال ما ياقف على لاعب والاعب لا راح فمان الله يجي غيره ان شاء الله

عيب عليك مثل هالكلام !!
 

والله ياخوي مدري وش تسولف فيه انت بصراحه

اجل جماهير الهلال ناكره للجميل مع الفريدي

وكل هالمماطله منه وتقول ناكره للجميل

ترى ما فيه لاعب صبرت عليه الجماهير الهلاليه مثل الفريدي

والهلال مهوب واقف على الفريدي وغيره راحو الي اطيب منه بمراحل ولم ولن يتاثر الهلال

وانا من وجهة نظري وسط الهلال في السليم بوجود الشلهوب والعابد وعزو وسالم الدوسري

كصناع لعب ومنا بحاجه لبرود الفريدي ومزاجيته ..

ما اقول إلا بالتوفيق للفريدي اينما راحل ..

أولاً : الفريدي للحين لاعب من لاعبين الهلال ومافيه أي شيء رسمي بخصوص توقيعه لأي نادي أو تفاوض مع أي نادي :d

ثانياً : سلطان البلوي يقول مافيه أي عرض للاعب إلا من الهلال :ba: واللاعب إن شاء الله بيجدد وبيجلس مع الزعيم موسمين وأكثر إن شاء الله :naughty:

ثالثاً : ماودكم تفكونا من المواضيع اللي مالها داعي وتخلونا نوقف مع الفريق اللي بعد يومين إن شاء الله بيلعب أول مباراة بالدوري :alzaeem:

أتمنى من الكل إنه يوقف أي إنتقادات وتجريح بأي لاعب ونوقف كلنا مع الكيان :ranting::ranting:

بالتوفيق للزعيم في كل وقت ومكان :alzaeem::smilie47:

أنا من الناس الي دافعو عن الفريدي ..

لكن وشلون تصف جمهور الهلال ..

ناكر جميل ...

يعني انت ناكر جميل ...

عجيب امركم ياناس يعني اذا كان الاعب مايمشي على مزاجنا نكرها ونذم فيه ياخواني هذا زمن احتارف يعني نفسي نفسي الواحد يبي يبني مستقبل له و للعائله

يعني يوم فكر انه يبحث عن العرض الاكثر شبينا فيه وكان اول الفريدي و الفريدي برودك اعجبني وهدفك ارعبني
نفس الحكايه مع الحارثي يوم كان نصراوي شابين في شب والحين هلالي تغير كل شي

ياجماعة الخير حنى جمهور نبحث عن مصلحة الفريق وهذا امر طبيعي والاعب يبحث عن مصلحته وهذا طبيعي

كذا يكون الطرافين متساوين والي يكتبه رب السموات والارض هو الي بصير

( انت توريد وانا اوريد و يفعل الله مايوريد )

هذا الي يهمني بس :alzaeem:

الفريدي باق في الهلال بإذن الله وريح بالك .

قبل عده سنوات في أواخر شهر رمضان كانت الجرايد تكتب خالد عزيز وقع مع الاتحاد .. وحصل إني قابلت خالد عزيز بالصدفه في المستشفي وكان ينتظر ولادة إبنته البكر .. وسألته عن الموضوع وقال أنا جددت العقد وإستلمت المطلوب ولا تهمك الجرايد

المهم (بعد العيد) بأسبوعين كتبت الجرايد إن خالد عزيز وقع للإتحاد بتسعة ملايين .. واتصلت فيه أسأله وقال أنا علمتك من أول إني جددت مع الهلال واستلمت المقسوم ..؟؟

أخوي لا يهمك كلام الجرايد ..؟؟

أما بالنسبه لبعض الاخوان اللي يهاجمون الفريدي .. فكثير منهم لهم معرفات في منتدى النصر .. وأنت تعرف إن منتدى النصر مقفل من مدينه الملك عبدالعزيز من حوالي أربعة شهور (فتحول الفاضين للشوشرة في منتدياتنا) ..؟؟

وفيه بعض الإخوان الهلاليين الله يهديهم يتأثرون بالكلام المكتوب بالمنتديات .. ولكن أهل العلم يعرفون البير وغطاه .. وأقولك ريح بالك .. ما فيه ولا نادي يقدر يتطاول على الهلال .. وكلام الجرايد يبلونه ويشربون مويته .. والهلال والفريدي حبايب