السلام عليكم ورحمة الله وبركاته

تقبل الله منا ومنكم صالح الاعمال وغفر لنا ولكم

اخواني موضوعي جاء بعد ما طفح الكيل والله

نعم قناة رياضية سعودية على راسنا نعزها ندعمها

BUT لكن مو على حساب المتعة والهواء الي كل السعوديين يتنفسونه

كرة القدم اهم ماعندنا نحن كالشباب وبالاخير اخراج اقل جدآ من المطلوب

لن اقول من المتوقع لم اكن اتوقع من هذه القناة ابداعآ بتاتآ البتة

رداء في الصوة والصورة والاخراج والمحليين والمعلقين

هذه اركان نجاح اي قناة في العالم
خلونا من الهياط جبنا مخرج وعربات

هذا كلام تنظير لم نرى غير سقوط في اول جولة , اي بداية هذه .

دعونا من انها اول مباراة واتركونا نعطيها فرصة ولا نتصيد الاخطاء ومن هذا الكلام , لا فالاخفاق دومآ حليفهم وهم اهل له .

منحتوا البث حصري مكرمة من ملكنا الله يحفظه ويخليه , طيب ليش ماتدفعون صح

وتجيبون معلقين على قدر كبير امثال فهد العتيبي وفارس عوض والشوالي

وكذا محليين جيدين ليسة المسألة بس تعال, حلل وعلق واخرج , احترموا من هم خلف الشاشة.

والله مهزلت متواصلة من العام الماضي وكل مرة نعتذر واخر مرة , تقول كلام بزورة والله

اشركوا في النقل معكم قناة لاين سبورة او الجزيرة او ابو ظبي او دبي سبورة

اقسم انها ستكون اجمل منكم واكثر جذب للجماهير .

بالاخير معلق يعلق للاهلي ويصفة بالملكي , طيب انا والله مايهمني من هو الملكي صراحة

لكن كلامي عن انه فيه نزاع وكذا كيف تشرك نفسك وانت معلق قناة محايدة ياولد (سبحان الله)

أكرر انا والله ماهمتني هذه الالقاب , كلآ يعرف قدره ولقبه , همني نبي شيء واااااااحد

نقل يفتح النفس بس , هل هذا شيء صعب؟!

الله يعين على هالقناة ومسخرتها ومهزلتها ومعلقيها صدق الله يعين .

يااخي انت وش عليك منهم خلهم على رااحتهم ذولي قنااه همها الاكبر اسقااط الهلال..
خلهم لهم الملكية ولهم العالمية ..
تباا لهم ولحياديتهم اللتي يدعونها..

خشب خشب الله هم اني صايم بس ياخي ليه ميخذين البث وهم مو قادرين يصلحون اخطاهم

صدقني معجبهم . مايحدث فينا .
بلعكس يستمتعون . بتطفشينا ..
.

حسبي الله على كل خائن لهذا البلد... حراميه.. سرقو فرحتنا .. طفشونا بكل شي

.

هذولي يصورون المباريات بالجوال ههههههههههههههه

قسم بالله فاشلين جداً .. و نهب فلوس الدوري لوزير المحطه

كامره زي الناس أو مخرج زي الناس ما عندنا .. و ش هالمحطه ؟!!!

الله وكبر موضوع عريض وطويل كنه خطبية جمعه عشان تقول بلخير المعلق قال الملكي الاهلي سبحان الله هذا شانه

بخصوص القناه الرياضيه هم قالوا جايبين مخرجين افلام هنود عالميين ومالهم دخل لو مايعرفون يخرجون مباريات المهم عالمي ماشافو قنوات العالم كلها والمشكله هالسكراب غانم كل شوي نعتذر والعربات تنقل الاولمبياد بس والله يعجبك رجا الله قال ليتنا نجيب ميداليه كان تهون (مافي هالبلد الا هالولد) بصراحه ينطبق على غانم
اما القناه الثالثه لديها قوميه عربيه تكتب الوقت والاهداف بالارقام العربيه والتشويش عادي كانت عربة النقل تتحرك
الرابعه او الخامسه الي نقلت مباراة الاتفاق والوحده كاميرا المباراه والاستديو التحليلي تقول تصك في جبهة المحللين والمكان في الاستديو صندقة دجاج والمحللين والضيوف مستحيل يتغيرون كرهناهم من كثر مايطلعون في البرامج كلها فاشله لو يحطون عليهم مدير اجنبي يمشيهم زي الالف
اما معلق مباراة الاهلي مدري وش اسمه شفت لقطه كانت شوته من الظهير الايسر منصور الحربي وسمعت المعلق يقول ياه (فديتك) يامنصور ولا شفت غيرها سد نفسي وغيرت القناه اما ملكي ووطني فاتمنى تكون للاهلي والاتحاد فالهلال زعيم قول وفعل شكرا لك

عاد المعلق هذا ولد صدقه حارس الاهلي والمعلق السابق
والقهر أنه أول كان يعلق في قناة الزعيم ومعطينه وجه
اما الخشبيه دام غانم القحطاني هالفقراوي المتعصب يديره
ومعه شله معششييين منذ مبطي لاترجوووون خير توقعوا كل شيء بيصير لكم

إعرف اسم مديرها! واغسل يدك اليوم بالشوربة !

أنا أصلن من يوم شفت عادل عصام الدين صار مقدم وأنا اغسل يدي منها
وثاني شيء العام يقولون هذي أول سنة لنا حصري الدوري عشان كذا تشوفون تخبطات في النقل لكن نوعدكم السنة الجايه نطورها ونصلح كل الأخطاء
< مممدري بس كنها تشبه وعود رئيس النصر لجماهيره ..!!؟؟

ثالث شيء المباريات امس نتائجها نصها اكلتها الشاشة حتى مربع النتيجة والوقت مو عارفيه يضبطونه
اااه بس الله يرحم أيام أي ار تي
صحيح انها غالية في الأشتراك لكن كانت على شيء يستحق ونقل ممتاز ومحللين وبرامج وكواليس ممتعه جدا

الله يعين
وخشبيه ما راااح تتطور ..


تشكككر .//

إقتباس الرسالة الأصلية كتبت بواسطة روح الشلهوب الله وكبر موضوع عريض وطويل كنه خطبية جمعه عشان تقول بلخير المعلق قال الملكي الاهلي سبحان الله هذا شانه

ترى قال في الموضوع ماهمني الألقاب يقصد المعلقين اللي يتفلسفون وإخراج المباريات

الخشب يبقى خشب

و الكتاب باين من عنوانه

ما دام أن الأستديوهات يستخدمون فيها كراسي قصور الافراح فلا ترجي شيئ من النقل

من جد شكلهم يصورون من جوال الاباتشي يلفون كاميرا ويصورون والله وانت تتابع المباراة ماكأنه مرة هذة السنه كأنه مباراة قبل 15 سنة بالله هذا تصوير ابو كلب مع احترامي