الفريدي لاعبنا وسيبقى معنا فلا تفرحوا الخصوم بكثرة الهجوم عليه - نادي الهلال السعودي - شبكة الزعيم

king.yasser · #1 01/08/2012, 12:36 AM

المؤشرات تقول ان الفرق السعوديه طفرانين عالحديده يعني الملكي مازال اغنى فريق سعودي والمؤشرات ايضا تقول ان اعلى عقد قدم للفريدي هو عرضنا الازرق يعني ابو حميد جالس معنا وماهو ناوي يغادر معقل كبير القوم وزعيمهم اللي ابغى اوصل له من كلامي هذا ياليت نوقف الهجوم على احمد سواء الآن قبل التجديد او في المستقبل اثناء المباريات

..ياناس اللعيبه نفسياتهم تختلف واحمد انسان هاديء جدا وحساس فلما تلاقي المدرج يستهجن أي كوره يخطيء فيها اكيد ان الشيء هذا يأثر على نفسيته اثناء المباراه وبطبيعة الحال مستوى الاعب ينحدر طوال وقت اللعب والكلام هذا المفروض يكون مع كل الفريق يعني نوقف و نشجع اللعيبه حتى لو حصل خطاء غير مقصود وخصوصا الفريدي لان الشخص الهاديء الطباع يكون حساس من الانتقاد الحاد .
ايضا ماننسى ان الكلام اللي تعرض له الفريدي في الايام الماضيه من صحافة وجمهور وحتى من لاعبي الهلال القدامى ضد الفريدي رح يكون تأثيره سيء على الفريدي اذا جدد للهلالان شاء الله.
انا متأكد ان الوضع الاعلامي والجماهيري رح يتغير 180درجه اذا جدد الفريدي للهلال يعني ربعنا اللي كانوا ومازالوا الى الآن ينتقدوه رح يجلسو يمدحوه في حال التجديد والعكس خصومنا اللي مخططين الآن للتوقيع معه في حال تجديده للملكي بيجلسوا يقللوا من مستواه وقيمته الفنيه .
الفريدي ابن الزعيم وتأسس كرويا في الزعيم وما اعتقد انه رح يغادر ومن حقه يأمن مستقبله بأقوى عقد مالي ولو انا مكانه كان طلبت مئة مليون لان وظيفته كلاعب ماتتعدى خمسه وثلاثين سنه فمن يحقه يأمن لعائلته مستوى معيشه طيب لان الاعب بعد الاعتزال ماراح يصير وكيل وزاره .
الى الآن هو لاعب هلالي ياليت نوقف الهجوم على هذا الاعب ولو رحل وهذا احتمال ضعيف مانقول الا الله يسهل امره على الأقل احتراما لما قدمه للفريق ولكن انا شخصيا متفاءل ببقاء الاعب المهاري رقم واحد في السعوديه.