السلام عليكم
راح ادخل الموضوع سريع سريع اول شي بعلق انا على موضوع الفريدي وبعدين بتكلم عن الهلال ووضعه بالدوري
احنا مانبي لعب حوراي اذا صار له مزاج ابدع واذا ما صار له مزاج يكون بارد .. الفريدي ما يحترم الهلال الفريدي ما احترم الفريق اللي صقل موهبته لكنه دمر نفسه بنفسه الفريدي محد بيدلعه غير الهلال والله ما بيدلعه غير الهلال حتى لما يمشي يشوف نفسه كريستيانو ولا تشافي يمشي بطيئ ياشيخ اطلع من مخي بس قال فريدينهو اجل الحين لو الفريدي ياخذ 5 مليون على بروده كم ياخذ الفرج والعابد وسالم وعزوز .. الخ ؟ الفريدي يحسب ان الدنيا بتمشي على كيفه صحيح من حقه يامن مستقبله لكن مو كذا يطلب 4 مليون بعدين قال لا ابي 5 مليون بعدين قال ابي 6 مليون بعدين قال ابي 7 مليون .. سلامات ؟ وش شايفنا عندك بنك الراجحي مثلا ؟ والله لو اني من اداره الهلال كان ما عطيت الفريدي اكثر من مليون نص يبغاها والا الباب يوسع جمل .. اتمنى من الاداراه ما تخلي الفريدي يلعب فيها كذا .. وللعلم ترا الفريدي ما يقدر يتعاقد مع اي نادي من رغم دخوله فتره الست شهور لكن فتره الانتقالات الصيفيه انتهت وما يقدر يتعاقد مع نادي ثاني الا في فتره الانتقالات الشتويه

اتمنى ادارتنا ما تعطي الفريدي اكبر من حجمه بالعقل لاعب يلعب مباراه وحده ويبدع بعدين يلعب 10 مباريات تسحيب رجول ! كل هلالي الان ضد الفريدي الا " الفقراويين المندسين " الحاقدين على الهلال اللي يبغون يقربون من الهلال باي طريقه ويبغون يشتهرون باي طريقه على سبيل المثال احد الاعلاميين ماهو مشهور مره وحتى نسيت اسمه كاتب في صفحته بتويتر الاهلي هو الملكي ويجيب ادله عشان يشتهر بس ! والمسكين محد عطاه وجه هههههه

ويسلي لوبيز ما اتوقع ينجح في اول مباراه ! لازم ينسجم شوي ويعرف طريقه لعب كومباري وبعد 5 او 6 جولات ان شاءالله نشوف مستواه الحقيقي على سبيل المثال نيفيز وويلي اول مباراتين كل الجمهور شب على ويلي ومن مباراه النصر عرف جمهور الهلال من هو ويلي نيفيز من اول 4 جولات الجمهور غير راضي عنه وفي مباراه الوحده بكى ولكن المباراه اللي بعدها اتوقع انها مباراه الاتحاد مدري ما اذكر المهم ابدع فيها وسجل هدف وصنع هدف وصنع هجمات خطيره فَ يعني نصبر على لوبيز ومانغان زي ما صبرنا على ويلي ونيفيز ولي يونغ ..

عندي نقطه بسيطه عن المعسكر .. اتوقع قلتها قبل في استعدادات الصيفيه ما نبي نكثر وديات عشان الاصابات وهذا احنا لعبنا 3 وديات ويو بيونغ جته اصابه و2 معه اتوقع البيشي ولاعب معه صراحه ما اذكر ..

اتمنى من كومباري يدخل مباراه هجر بهذي التشكيله
العتيبي
الشهراني .... المسلم ... مانغان ........ البيشي
القرني (الغنام) ... هرماش
الفرج
العابد(الشلهوب) ........... عزوز(سالم)
لوبيز

القرني او الغنام راح يلعب محور دفاعي هرماش والفرج يساندون الوسط والهجوم العابد والشلهوب يصنعون كور ارضيه وعرضيه لـ لوبيز والفرج وهرماش اذا كانو متقدمين اما الفرج وهرماش يصنعون كور مقشره (نقشات) لـ الوسط والهجوم ويتقدمون بعض المرات عشان في الهجوم مافيه الا واحد اللي هو لوبيز والجهني وياسر وسعد احتياط والكوري مصآب .. واذا كان بيطلع لوبيز لازم يدخل الجهني بداله لان الجهني امكانياته افضل من ياسر في الهجوم ياسر يجي منه صانع لعب لكن مهاجم بصراحه دايم يجيب العيد
وكل التوفيق لـ الزعيم يآرب

بس هذا اللي عندي وفصفصت لكم كل مافي قلبي
للعلم انا كتبت هذا الموضوع في شبكه الهلال وكتبت رد في شبكه الاقلاع بس عشان ما تشكون
تحيآتي

كل الشكر لِ المشرفين على الرفع

استغرب من بعض الاعضاء ولا كأن فيه موضوع في نادي الهلال غير الفريدي

الفريدي رحل ,, الفريدي جدد

والله شبعنا من الموضوع هذا

ننتظر حتى ماتتبين الصورة
ان استمر فالهلال كسبه وهو كسب الهلال
وان رحل فالهلال لن يتوقف عليه لا هو ولا غيره

وبخصوص التشكيه اللي حاطها لا يشوفها ابو عزوز ترى يزعل ويرجع للعين بعقلك ابو عزوز ماراح يطقها اساسي ؟؟؟؟؟؟

عموما بالتوفيق للملكي

تحياتي

اتفق معك في كل كلمه قلته بالتوفيق للهلال

خلاص ملينا من احمد وعقده.

اذا جدد فهو لاعب هلالي وان شاء الله يفيد الفريق. واذا ماجدد الله يستر عليه وماله داعي كثر الكلام

بالتوفيق للهلال

مشكور واحمد ان بقاء الله يحيه

معليش. خله يزعل حتى لو صايح علينا جمهور ياسر

لازم الحق. مانبي فوضى وواسطات
أنا ماكتبت الموضوع فقط للفريدي أنا كتبت اشياء ثانيه تخص مباراه هجر ..

اولا الفريدي متغير بالحيل
وثانيا يطلب طلبات بالنادي وكانه يلعب على الاداره مره يبي سعر كذا ومره كذا
واصلا الفريدي صدقني لو جاه عرض من برا السعوديه ب5 مليون قبل بالعرض
بس اذا بيطلع من الفريق والله بيندم
وفيه لاعبين كثير يغطونى مكانه

وبخصوص تتمنى التشكيل ترى كذا ولا كذا المدرب م عليه من احد
هو الي يعرف اللعيبه ويقيمهم ويحطهم بالتشكيله

ومشكور على النقل مع اني مدري وش هدف الموضوع

رسالة مني للفريدي
الدنيا ليست على كيفك انت مثل اللي يعيش في دولة سكانها يتقاضون
مبالغ فلكية و انت الوحيد المظلوم و تبغى حقك فلا تحسب
انك تستاهل رقم 15 فهو رقم كبير عليك و هو اللي كبرك
و لو راجعت نفسك ستجد ان احصائياتك فاشلة جدا
رسالة لياسر
كورة زمانك انتهت ايام التسحيب و الكباري
نبغى لاعب يحسم بطولة مثل الشمراني و فكتور
اتمنى مراجعة نفسك في اهدار الفرص

إقتباس الرسالة الأصلية كتبت بواسطة هلاليxهلاليxهلالي رسالة مني للفريدي الدنيا ليست على كيفك انت مثل اللي يعيش في دولة سكانها يتقاضون مبالغ فلكية و انت الوحيد المظلوم و تبغى حقك فلا تحسب انك تستاهل رقم 15 فهو رقم كبير عليك و هو اللي كبرك و لو راجعت نفسك ستجد ان احصائياتك فاشلة جدا رسالة لياسر كورة زمانك انتهت ايام التسحيب و الكباري نبغى لاعب يحسم بطولة مثل الشمراني و فكتور اتمنى مراجعة نفسك في اهدار الفرص

طيب وش العصبيه ذي
طيب وش دخل ياسر
على طول حكمت على ياسر
اذا لعب على الاقل 3 مباريات رسميه تعال احكم عليه
ترى ماضيع ياسر الا انتم
ولا اللي بمبارة الوديه 2 من الجمهور يقولون : تعلم يا ياسر !!
وانا اقول تعلمو الاخلاق

وانا اقول ياسر بيرجع وزبذكرك ولا تحكم قبل ماتشوف

ما يهمنا مين يلعب اهم شى التجانس والمستوى والفوز
وبيني وبينك المدرب ابخص

تجديد عقد الفريدي امر راجع للاعب والادره
بالنسبه لويلي ونيفيز والجماهير حبوهم تكلم عن نفسك اخوي والله ان لم اقتنع نهائيا بويلي ونيفيز ايام ماكانو بالهلال ولاعبين منفوخين اعلامينا بشكل هائل جدنا مجرد كم هدف في مرمى الاتحاد الضعيف جعلتو منه بيليه وعقبه ايش سوا نام وكمل النوم

اعتقد ان الزعيم الهلالي اولى ان نكتب مواضيع هادفه وصريحه
وبالنسبه للاعب اذا جدد للزعيم حياه الله واذا ما جدد هذا احتراف وشي راجع له
اتمنى اننا نرتقي بمواضيعنا للافضل
ونكتب مواضيه تهم جهمور الزعيم ويستفيد منها الجميع

تحيتي لك