سلام ياحلوين ق1
كيف حالكم عساكم بخير ان شاء الله
اعتذر عن غيابي بس والله مو بيدي
الجدول مره زحمه مو مثل الترم اللي راح واتمنى تعذروني
المهم شفيكم نايمين :/
جولة المنتخبات الا الان والحمدلله ماجت لاعبينا اصابات
واليوم انجلترا بتلعب وان شاء الله يرجعون بدون اصابات
لكن الاشاعات هالايام تقتلني صراحه
يقولون لورينتي في يناير بيجي ويوفينتش حق فيرونتينا > اسمه صعب
وايضا يقال ان المدرب اعطى رينا فرصه الى الانتقالات عشان يرجع لمستواه
والله يقدم اللي فيه خير
وعليكم السلام
الحمدلله بخير وانت ؟؟
الله يكون بعونكك ويسهل اموركك
والله الكل نايم مدري وش فيهم
رينا اشوفه في توتير كذا مره بس ما فيه اسم مذكور وما ارتبطنا بحراس
الحارس الوحيد الي تم ذكره حارس سوانسي بس ما اذكر انه فيه غيره
ودي صراحه بالحبسي الحبسي ممتاز جدا واداءه واحد ودايم باعلى تركيزه
نورت يا ريس وجعلها دوم الطله ان شاء الله والله يعينك على الجدول
ساندرلاند وملعب النور؟ كان الله في عوننا .. أحد أشرس ملاعب الدوري الإنجليزي .. ليفربول لو يلعب ضد بروميتش سيتي ما ماراح تتصوّر بيفوز ولا يبي يبنشر .. ببساطة الفريق لحد الآن يبي يبني نفسه على المنهجيّه الجديده وكل مالها الجولات تشتد وتقوى .. تبي تمشي بـ منهجيّه واضحه وتبي تطبّق التكتيك اللي في بالك من حق كل مدرب إنّه يمشي بالوضعيّه اللي تتماشى مع أفكار ذهنه ويحس بنجاحها وهذي النقطة لحالها أساس كُل نجاح مُدرّب .. بس الأمر كيفيّة إنّك بتطبّق هالتكتيك و وش الخطوات اللي أنت بتقدمّها بهاللحظات وقت ما إنت تبني الفريق على هالوضعيّه والفلسفة اللي يتبعها بـ برندان .. يبيله وقت ؟ يبيله صبر ؟ كل هذي نعرفها تماماً ومعطينه الضوء الأخضر فـ مثل هالفلسفة اللي تريّحك وتحس إن مُدربك له فكره معينه وشاركها مع جماهيره وشرح لهُم الوضعيّه .. طبعاً كـ مُشجّع لـ ليفربول مهُوب عاجبني الوضع بالفريق وكيف إننا نجيب نقطه من ثلاث مُباريات ومُباراتين كانت ضد أرضك .. فعليّاً النقاط ضد السيتي وأرسنال مقبوله .. الفريق ماكانت عنده مشاكل كبيره مع الأندية اللي تنافس على الدوري .. وضعيّه ليفربول من هالناحية كان يتفوق على السيتي وأي فريق كبير ينافس إمكانيّة وحظوظ فوز ليفربول مُتقاربه .. لكن اللي يلفط بـ مخّك كيف إنت ضد وست بروم تخسر .. بداية موسم ؟ تأقلم ؟ كلها ذي نخليها على جنب شوي قدامنا جولات مثل ساندرلاند الآن أبي أشوف التطبيق الفعلي لـ تكتيكات روجرز .. المشاكل اللي نعاني منها المُوسم الماضي ابيها تتلاشى خصُوصاً الكورة اللي ما نعرف نتعامل معها قدام الباب .. إحصائيّات بالهبل المُوسم الماضي وفُرص تحقيق الأهداف " 18 " كورة بالقائم والعارضه أظن ! .. تشوف الميركاتو يبدأ وينتهي والفريق ماعالج هالوضعيّه هنا إنت تحط نقطة وتوقّف شوي .. ليفربول أبداً بـ مسألة تناقل الكورة من ملعبه لملعب الخصم فيها تحسّن واضح .. عالجنا هالأمر والخلل الكبير من الثلث الهجومي الأخير لـ ليفربول دائم ما تكون فيه فاعليّه ودايم هالجانب ضعيف من ناحية التهديف .. أحد أهم اسبابه عدم تواجد مُهاجم صندوق أو بالمُصطلح الأعنف " قروي " يخلّص لك مجهودات كبيره يسويها الوسط هذي نبي نعاني منها خصُوصاً الفرق اللي بتقفّل .. هالثلاث جولات بين أقير وسكيرتل عمليّة " هجولة " و " فهاوة " بـ مخ الإثنين .. روجرز قام بـ إفتراضيات عجيبه على هالثنائي وإلزاميّة التمرير وترك العشوائيّة بحيث إبقاء الكورة مع الفريق لـ أطول فترات مُمكنه .. نرجع لـ فترات المُباريات السابقة ونلاحظ الأهداف اللي دخلت علينا بـ سبب هالإلزاميّه .. غير كذا إعطاء أنريكي وجونسون مهام هجوميّه كبيره .. مثلاً جونسون وأنريكي وقت الكورة ما تكون مع الثنائي الدفاعي تشوفهم بنص ملعب الخصم .. وهذي فيه ضغط كبير على هالثنائي وبديهي بتكون فيه هالأخطاء المتكررة .. ركزت على هالنقطة لأننا شفنا وضعيّه مختلفه لـ هالثنائي مع " كيني " وكيف كانوا أحد افضل الثنائيات فـ العالم والأعلى كلين شيت .. هالنقطة تحديداً متى ما تمّت مُعاجلتها الفريق يبي يوصل لـ مرحلة أنضج لـ إعطاء نسبه أكبر لـ الفوز .. متى ما وصل لـ أعلى مستوياته هالثنائي بتتعالج أمور كثير .. الجانب الدفاعي // البناء الهجومي .. بتشوف عوامل نجاح كبيره لـ فكرة روجرز .. مُقابلة فريق يدربه أونيل هذي لحالها تضرب لها ألف حساب .. وخصُوصاً النشوة اللي حدثت بعد مجيئة لـساندرلاند الموسم الماضي .. وكيف كان عظمه بالحلق لـ أكثر فُرق البريمر تنافس وإنتشاله من وضعيّة مُتدنيّه .. لـ وضعيّة مُتقدمه بين الأندية وإمكانيّة فوزه كبيره بـ هاللقاء .. العناصر والعوامل والأدوات إكتملت لـ مُفكّر ومُؤرّخ فـ البريمر .. أونيل عالج الأدوار الهجوميّه بـ فليتشر .. ونشّط الأجنحه بـ جونسون .. فريق مُتكامل وعناصره قويّه جدّاً وخطوطه متكامله بـ كل فقرات الملعب .. مأموليّة صعبه جدّاً لـ ليفربُول و وضعيّه صعبه .. شويّة منطقيّة و تثبيت بوريني بالـ 18 والضرس على الطرف نبي نشوف تحسّن من ناحية التهديف ولو إنّي ما إقتنعت كل الاقتناع بـ بوريني لكن يبقى افضل من الضرس قدّام الباب ..
تشكيلة واقعيّه وأشوفها مُناسبه جدّاً .. كون جيرارد يكون ثابت خلف المهاجمين وشاهين كـ محور هجومي و واجبات دفاعيّه بتقلل من خطورة الهجمات المضاده اللي يعاني منها الفريق طيلة الثلاث جولات الماضية .. مايصلح نطمر جولتين ؟ ساندرلاند / يونايتيد .. صعبه يا عيال ..
long live our KING .. long live our LEGEND long live our MYTH long live ... KENNY DALGLISH
justice for 96 .. do not by the sun
تذكير بسيط .. حادثة هيلزبرو وبعد أحدث وأشنع الكوارث الرياضيّة فـ بريطانيا وكان نتيجة عدم التنظيم شهدت 96 قتيل فـ مباراة ايفرتون وليفربول بـ النهائي .. واللي نشوف لحظات صمت كثيره كل سنة و وقفات حول هالكارثه .. الصحيفه أعلاها طلعت وتكلمت عن هالقضيّه وتكلمت عن إن جمهور ليفربول كان أحد أسباب هالكارثه وإن الضحايا كان أكثرهم من جماهير إيفرتون وإن الجمهور له سبب بـ الوفيّات و تأخير إسعافهم ! .. ماكان فيه اسلوب ابجح من هالاسلوب ورجعت وتكلمت ان الجمهور " يتبوّل " على الضحايا أعزكم الله ! .. قذاره لا مُتناهيه لـ الصحيفة أعلاها ومن بعد هالكارثه إلى اليوم والنادي مُقاطع لـ الصحيفة .. الآن جماهير الليفر طالبت هالصحيفة إنها تحط هالعنوان على الصحفة الرئيسيّه لها وبـ بنط عريض وبالأسود .. وفعلاً هذا اللي صار والصّن تقدم اعتذارها لـ جماهير الريدز ..
مشرف منتدى الرياضة العربية والعالمية رئيس رابطة عشاق الكالتشيو
تاريخ التسجيل: 17/06/2010
المكان: Britain - Southwark
مشاركات: 3,912
: :
الإساءة التي تقوم بها بعض الدول الغربية من رسومات كاريكاتورية وافلام لا تليق بشخص الرسول الكريم _صلى الله عليه وسلم_، أثارت فتنة عظيمة في نفوس المسلمين، حتى ودّ البعض أن يوغل في الرد عليهم إلى حد القتل، وغيرها.
ولكن وقفة تأمل منّا قد تجعل من هذه الأزمة انفراجة طال انتظارها، وبركة ينشرها الله _ تبارك وتعالى _ بين الناس.
ويجب ألا تعمي الإساءة أعيننا عن اغتنام الفرصة، ويكفي أصحاب الرأي والهمة أن يتذكروا ما قاله _عليه الصلاة والسلام _ حينما هجاه بعض الكفار، ذاكرين اسم "مذمم" بدلاً عن " محمد " زيادة في الذم، فكان قوله _صلى الله عليه وسلم_ لصحابته الذين ساءتهم مقالة الكفار " لا تعجبون كيف يصرف الله عني أذى قريش وسبهم، هم يشتمون مذمماً وأنا محمد". رواه البخاري.
فهم هنا رسموا رسومات لشخصيات وهمية في أذهانهم، وهي ليست بلا شك رسومات للنبي _عليه أفضل الصلاة وأتم التسليم_ دون أن ننتقص من حق الرد على هذه الإساءة، مثلما حدث حين هجا بعض الكفار رسولنا الكريم _صلى الله عليه وسلم_ فقال له حسان بن ثابت: " أتأذن لي يا رسول الله أن أهجوهم" فأذن له.
ولطالما كتب الله _تبارك وتعالى_، نصراً للدعوة ولدين الإسلام، خلال نائبات الدهر والأحداث الجسام، واستفاد الرسول _صلى الله عليه وسلم_، وصحابته، من ذلك، في نشر الدعوة، وتوصيل رسالة الدين إلى بقية الأمم، كمثل إسلام النجاشي (ملك الحبشة) في أضيق أوقات المسلمين من هجرتهم بعد طول إيذائهم. وحين كتب الله لرسالة نبيه الظهور والانتشار، بعد أن هاجر عليه الصلاة والسلام، من مكة المكرمة، مكرهاً، حين مكر كفارها لقتله. وضاقت به الأرض.. فكانت المدينة التي أنارها الرسول بوصوله أول موطئ لدولة الإسلام، التي انتشرت حتى وصلت أطراف الأرض.
يجب أن يغتنم المسلمون هذه النعمة العظيمة، وينتقلوا من حالة "الدفاع عن الرسول" بالطرق التقليدية، إلى "حالة الهجوم"، بالطرق غير التقليدية. وأن يصبح توجههم إلى الغرب بهدف "الدعوة إلى الله بالحكمة والموعظة الحسنة".. فكما قال _صلى الله عليه وسلم_: "لأن يهدي الله بك أحد، خير لك من حمر النعم".
اللهم صل وسلم على نبينا محمد وعلى اله وصحبه اجمعين
مشرف منتدى الرياضة العربية والعالمية رئيس رابطة تشيلسي
تاريخ التسجيل: 23/02/2009
مشاركات: 2,075
-
صور تمارين فريقكم إستعداداً لمباراة اليوم ضد سندرلاند ، تجدونها هنا .. حبيبي أحمد ق1 ، أقلها نقاش قبل المباراة لعل وعسى الأجواء تتحرك ، حال رابطتكم لا يسر
![][ رآبطة عـشـآق ليفربول 2012-2013 YNWA ][ فــــخـــــر إنــجـــلـــتـــرا ][](iconimages/t1111190_rtl.gif)
22Likes
/ يونايتيد 
الوضع المتطور
