عضو اللجنة الإعلاميه للرياضة العالمية و رئيس رابطة برشلونه
تاريخ التسجيل: 11/07/2008
المكان: " Mas que un club " ,,ً
مشاركات: 3,716
اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال
ميسي ميسي ميسي .. والله يوم وراء يوم تثبت مافيه افضل منك ، ومتنافس الا نفسك يَ خي عيب عليك ، تقدم مباراة اقل مايقال عنه ( حموضه ) غيره طبييعيه ، ومع ذلك تسجل هدفين ، وتظهر بوقت الحسم ، بصراحه بصراحه محظوظين فيك يـ ( ميسي ) ، بخصوص الي يقول هدف برشلونة مصخره ، ممكن تقولي ليش تسلل على سانشيز في بداية الشوط الثاني وانفراد صريح ؟ و هدف سولدادو الجوله الماضيه اعطني سبب لهذا واعطيك سبب لـ تسلل الهدف .. خوردي ألبا وحش قدم مباراة كبيره ، وزود على ذلك صنع الهدف الثاني بطريقه ضرب دفاع اوساسونا كله .. تيتو فيلانوفا هالمباراة تحسب له جازف في ( 4 ) مهاجمين ( فيا _ بيدرو _ ميسي _ اليكسيس ) ، ومع ذلك جاب النتيجه .. مدرب كبير يـ ( تيتو ) ، بويول وبيكيه التفاهم بينهم معدوم جداً ، وهذا الامر طبيعي جداً خصوصاً وان ماسكيرانو في الاونه الاخيره صار يلعب بشكل كثيف جداً ، اللهم لك الحمد على هذا الانتصار ، واخيراً افتكينا من ملعب ( اوساسونا ) وصعوبته .. بالتوفيق لـ خيتافي ، عقبال مايتعثر الغريم .
المسلمه تقول : ميسي يسجل ضد اوساسونا برشلونة لا يخسر .. انت الافضل
الله لا يحرمنا منهم ,, تشافي وبـيدرو اول مادخلوا حـركوا اللعب وصارت كل لعبه لـنا خـطيره عليهم ,, ما ادري ليه مايتم اشراك بـيدرو من البدايه ,, تيـو ضاااايع
ايضا الدفاع !! بـيكيه فاهي اليوم وكل شوي مرجع للحارس في وقت غبـي ,, فـريق مثل برشلونه مفروض يـفرض اسلوبه من بداية المباراة ويسـتحوذ ع الكوره ويتعب الخصم
انت تشوف الي قدامك يضـغط عليك خلاص خل اللعب تمريرات ولا تـصنع اي فرصه للتسـجيل ,, ارهق خصـمك وخله يركض ورا الكوره لـين ما يمل بعدها اهجم عليه بـكل قوتك
اما سالفة انك تمسـك الكوره وتلعب وتمرر في ملعبك وترجع للحارس وتـلخمه !! ( ما اقصـد بيـكيه ) ,, هذا الكلام عن فـريقنا اما عن التحكيم فـ مدري متى بـ يتحسن
قسم بالله اخطاء لو اجيب مرعي العواجي والطقه حقته ان يحكمون صح ,, والمعلق قـسم بالله لو اشوفه قدامي لـ افجر راسه ابن الـ ***
------------------------------------------
اتمنى تيتو فيلانوفا يـركز ع الدفـــــــــــــاع والله دفـاعنا ضااايـع ,, نبـي حل بـ اسرع وقت ,, بـما اننا في بداية الموسم لازم نصلح الاخطاء من الحين
الفريق حقق المهم وهو النقاط الثلاث غير كذا المستوى والأداء السيء يثير علامات الاستفهام ، ويمكن العذر للاعبين هو الإرهاق البدني بعد المجهود الكبير اللي قدموه في مباراة الكلاسيكو ،،
الحالة اللي ظهر عليها الدفاع كانت كارثية من الدقيقة الأولى ويكفي هدفهم لاعب واحد وسط ثلاث مدافعين ومع كذا يسجل بكل سهولة في المرمى ... الوسط كان ضايع بالكامل وخاصة بوسكيتز اللي لعب واحدة من أسوء مبارياته مع انيستا وسيسك كان ضيف شرف في المباراة ... حتى في الهجوم لم يكن اللاعبون واولهم ميسي بالوضع الطبيعي يعني باستثناء سانشيز اللي كان اكثر لاعب يتحرك ويحاول ،،
فالديز اذا كان نكبنا في مباراة الكلاسيكو ، لكن اليوم يستحق الإشادة وكان احد عوامل الفوز بالمباراة وغطى على أخطاء الدفاع في أكثر من كورة خطرة وأولها التصدي الصعب للانفرادة في بداية المباراة ،،
دخول بيدرو هو اللي غير مجرى المباراة والتغيير التكتيكي اللي عمله تيتو كان ناجح بشكل جيد بتحول سانشيز الى راس الحربة واعطاء ميسي الحرية للعب خلف المهاجمين ،،
الأكيد ان الفريق حقق الفوز لكن بهذا المستوى يخوف كثير قبل مباراة الكلاسيكو ،،
الف مليووووون مبروك .. مباراة صعبة جدا جدا و اداء هزيل للآسف إلى ان جاء هدف التعادل ، لازلت اتمنى مهاجم قناص مع ميسي لان الليو ما راح يكون كل مباراة بالفورمة واذا انت تعتمد على ميسي اولا بالتسجيل وش بتسوي اذا كان مش بالفورمة ؟ ممكن نقول عودة فيا بتساعد ميسي مع إني ما اتوقع ابدا عودة فيا لمستواه المعروف ، قبل الاصابة وكان سيء بعد الاصابة ويرجع لمستواه المعروف ؟ صعبة للآسف ، عموما كل شيء ممكن وبإذن الله نشوف فيا بأفضل حال ، نقاط هالمباراة راح نتذكرها نهاية الموسم تفيدنا كثير خصوصا بملعب صعب مثل هالملعب ، التغييرات اللي سواها تيتو تحسب له كثير غيّرت مجرى المباراة ، الكلام حوسه ومش مرتب المعذرة النوم مؤثر علي كثير !
هالموسم بإذن الله سيكون موسم عودة الكناري " بيدرو " !
نقطة اخيرة
إلى متى هالعرضيات ما نتعامل معها صح ؟ فالديز وما طلع على الكورة وبيكيه ترك ( لورينتي ) صاحب الهدف !!
اتمنى نشوف حل سريع للعرضيات لأنها صارت تشكل عبء علينا مع الاسف .
من ابثر المباريات الي مرت علي لكن الحمدلله نهايتها من احلى ما يكون
فقدت الامل نهائيا بعد البدايه السيئه بدايه الشوط الثاني !
الخط الدفاعي كمجموعه سيء ! بويول الاسوء كعنصر بينهم !
بالاضافه الى بوسكيس كثير ارتكاب الاخطاء !
على تيتو ايجاد حلول للكوارث للدفاعيه الي تسير,, الفريق دفاعيا يعاني
انيستا بطيئ وسيء جداً ,ميسي ايضا سيء لكن ظهر في الوقت الحاسم وصنع الفارق !
سانشيز في الجهه اليمنى اصبح لايقدم شيء ! ظهر بعد تغير مركزه وتحوليه للعمق ,,
ارى من الافضل تغير موقعه في الخطه
التغيرات كانت نقطه تحول الفريق
بيدور وتشافي احدثوا تغير ايجابي
عالعموم الحمدلله على الفوز والـ3 النقاط الي ما شفت اصعب منها
مبروووك الفوز
ومبرووك عوده بيدور الي كان متألق بشكل كببير اليوم
مبرووك الفوز يا شباب .. بالرغم من صعوبته لكن كان له حلاوه
صغر الملعب وانتشار لاعبي اوساسونا بشكل جميل على الملعب ساهم في الحد من خطورته البرشا .. بالرغم من المستوى الغير مقنع من لاعبي برشلونة !
العتب على تيتو .. أسلوب لعب اوساسونا كان واضح من أول ربع ساعة اضغط على الدفاع وإذا تقدم ارجع دافع ووضع اثنين على الاطراف ومهاجم متأخر .. خطته مكشوفه من بدري لكن ليش اتركه لنهاية المباراة ؟.. ممكن ممكن انزل ادريانو مكان سيسك ويكون عندك ظهيرين البا وادريانو والفيس يكون قدام جناح كذا بترجّع الاطراف اللي حاطهم مدرب اوساسونا وتخلص المباراة من شوطها الاول !
خلصنا اول جولتين بالنقاط الست كاملة .. والتركيز فقط على الربووع وحصد أول بطولة في عهد المدرب تيتو فيلانوفا
فالديس
هالحارس بيجنني , يصد صدات تقول أوليفر كان , ويغلط غلطات تقول مصطفى ملائكة
ما أدري وش مشكلته لكن فيه مشكلة لازم نشوف لها حل مع فيكتور
الدفـاع
-الإنسجام معدوم -أخطاء فادحـة -بويول ماهو قلب الأسد أبدا
قلت في رد سابق اني ضد التعاقد مع مدافع
لكن بعد مباراة اليوم
ما أقول اني مع جلب مدافع لكن ماني ضده . . "محتار"
أتمنى أنها تكون "كبوة" جواد ويعود بعدها بويول اللي نعرفه
بوسكيتس ,,
أفضل ارتكاز بالعالم , لكن يعيبه ثقته المفرطة مثل اللي حصل اليوم خطأ "غبي" جدا كان بينهي المباراة
أيضا يعيبه كثرة الإحتجاج ,, المفروض تيتو ينبهه على هالنقطة , فنادي كـالبرسا مفروض تكون عقلية لاعبيه أرقى من كذا
انييستا اليوم ماهو الرسـام مستواه هزيل جدا
فابري مختفي ماشفته إلا عند تبديله
بــيدرو , من نهاية الموسم الماضي مرورا بمستواه في اليورو إلى ماقدمه اليوم . . يثبت أنه علامة فارقه ومستواه المنخفض كان فقط " آستراحة محارب " كان يحتاجها بعد ماقدمه قبل موسمين
بالنسبـة لـ ميسي أستغرب اللي يمدحه
بغض النظر عن الهدفين لأنها مب شئ جديد عليه
لكن مستواه اليوم "خايس" ولكم أن تتخيلوا أنه في 90 دقيقة ماقدر يسوي أي شئ غير إحرازه لهدفين
المباراة سيئة , لا من مستوى اللاعبين خصوصا بويول , ولا بطرد المدرب , لكن بإذن الله قادرين نتلافى هالأخطاء وزين أنها جت بداية الموسم ومع فوز لنا
وأجمل مافيها التبديلات اللي غيرت مجرى المباراة 180 درجة
Official: Puyol has broken his right cheekbone, more tests tomorrow in Barcelona to know for how long he will be out
بويول تعرض لأصابة في الفك الأيمن .. الفحوصـات بكرة بتبيّن مدة الإصـابة
هذي مو أول مرة بويول ينصـاب مثل هالإصابة
الخبـر للترجمه من السبورت لأحد المحررين مشكورين
* على الرغم من تعرّض تيتـو للطرد في آخر المباراة سيكـون قادر على قيادة الفريق في مباراة ريال مدريد في السوبر الإسبـاني يوم الأربعاء ، وسيُوقف في مباراة فالنسيا القادمة في الدوري
1476Likes
، ممكن تقولي ليش تسلل على سانشيز في بداية الشوط الثاني وانفراد صريح ؟ و هدف سولدادو الجوله الماضيه اعطني سبب لهذا واعطيك سبب لـ تسلل الهدف .. خوردي ألبا وحش قدم مباراة كبيره ، وزود على ذلك صنع الهدف الثاني بطريقه ضرب دفاع اوساسونا كله .. تيتو فيلانوفا هالمباراة تحسب له جازف في ( 4 ) مهاجمين ( فيا _ بيدرو _ ميسي _ اليكسيس ) ، ومع ذلك جاب النتيجه .. مدرب كبير يـ ( تيتو ) 
والحكآم سيئين يحسب انواع التسللات خطأ 
الوضع العادي
