إقتباس الرسالة الأصلية كتبت بواسطة PUYOL Carles الفريق مستنزف . والطاقه كانت تقل مع الوقت . وهالشي بين قبل. لكن لما تكون طريقة استخدام هاللاعبين معطوبه . والافكار غير واضحه . تزيد الشروخ.

يعطيك العافيه حسين ، وين هالغيبة يارجل لك وحشة ، اشتقنا لمثل هذي الردود ..

أتفق معك في كل ما قلت لكن اركز على هذه النقطة بالذات وهي الحالة البدنية السيئة اللي عليها اللاعبين ، ولما يكون فيه انهيار بدني للاعب بالتالي يلحقه انهيار نفسي وذهني في أداءه داخل الملعب ..

تيتو كان يقود الفريق بشكل جيد منذ بداية الموسم ، ولكن منذ غيابه وبعد عودته التي جاءت في مرحلة حاسمة من الموسم كان فيها تداخل وضغط في المباريات في مختلف المنافسات وجدنا فريق منهار من الناحية اللياقية ولا نعرف ماهو السبب .. أهداف كثيرة خسرنا بسببها نقاط عديدة كلها تأتي في الدقائق الأخيرة من المباراة يكون فيها الفريق متوقف وعاطل عن العمل ..

للأسف هذه الحالة واللي رافقتها الاصابات والغيابات واضح انه تعطل معها تفكير المدرب ولا عدنا نعرف القناعات اللي عنده بالنسبة لمستويات اللاعبين ... يصاب بويول وماسكيرانو نشوف بارترا يبدأ يشارك وفجأة يستبعد ويكون مكانه ادريانو ... في الهجوم مرة نشوف تيلو وبعدها يغيب ونرجع لفيا وسانشيز ثم يدخل بيدرو على الخط ويستمر الوضع على هذه التغييرات المتواصلة في التشكيلة ... صحيح مقتنعين ونؤيد فيلانوفا في عملية التدوير بين اللاعبين لكن اختيار من يشارك من المجموعة الموجودة وعلى أي أساس هو السؤال ..

بالنسبة لمشاركة ميسي خذها مني تيتو عرف لها ان المهمة صعبة في الشامبيونز ليغ وخاف انه يضيع معها الليغا علشان كذا كان يشارك خوف من انه الفريق يهدر نقاط ويقل الفارق مع الوصيف ... شارك في الذهاب ضد البايرن وهو غير جاهز محاولة انه يكون له تأثير نفسي اكثر من فني على اللاعبين مثل ماحصل في مباراة البي اس جي لكنها ما نفعت امام قوة الفريق البافاري ... في مباراة البارحة وبحكم انها في ملعب الكامب نو وميسي غير جاهز بالكامل ابقاه على دكة الاحتياط على امل انه الفريق يسجل في الشوط الاول ويستفيد منه في الثاني ... انتهى الشوط بالتعادل صعبت المهمة أكثر وجاء هدف روبن اللي قتل كل الآمال وألغى كل الحسابات ..

فالديز لعب البارحة ضد البايرن مباراته رقم 100 مع برشلونه في الشامبيونز ليغ ..

يعني رقم مميز انها تكون مباراته الاخيرة اللي نشوفه فيها مع الفريق على المستوى الاوروبي ..

تشتاق لك العافيه ابو سلطان . احنا موجودين - متابعين بتستر

إقتباس بالنسبة لمشاركة ميسي خذها مني تيتو عرف لها ان المهمة صعبة في الشامبيونز ليغ وخاف انه يضيع معها الليغا علشان كذا كان يشارك خوف من انه الفريق يهدر نقاط ويقل الفارق مع الوصيف ... شارك في الذهاب ضد البايرن وهو غير جاهز محاولة انه يكون له تأثير نفسي اكثر من فني على اللاعبين مثل ماحصل في مباراة البي اس جي لكنها ما نفعت امام قوة الفريق البافاري ... في مباراة البارحة وبحكم انها في ملعب الكامب نو وميسي غير جاهز بالكامل ابقاه على دكة الاحتياط على امل انه الفريق يسجل في الشوط الاول ويستفيد منه في الثاني ... انتهى الشوط بالتعادل صعبت المهمة أكثر وجاء هدف روبن اللي قتل كل الآمال وألغى كل الحسابات ..

اوافقك ، انه كان ادخاله معنوي في الذهاب . وفي الاياب كان فيه تعويل على وضع الكامب نو.

لكن بما انه المدرب ، وفيه تقييم مستمر للاعبين و بحسب مباريات عديده هالموسم ضد انديه اضعف من بايرن . شفنا انه

1) غياب ميسي مؤثر . وهالشي طبيعي جدا.

2) الثلاثي الهجومي الا دخل به تيتو معاق جدا جدا جدا.

فيا - فابري - بيدرو

ما ادري من وين اخدها والا اخدها .

اسوأ ثلاثي هجومي ممكن نطلع به بحسب اداء هالموسم ، قام دخله في اهم مباراه .

لو دخل اليكسيس وفابري واي لوح معاهم . راح اتفهم انه يبغا يعول على الثنائيات الجيده الا اظهرها الكسيس وسيسك الفتره الاخيره

لكن بيدرو سيسك فييا . اسوأ ثلاثي للبارسا بالفتره الحاليه

خواص هالثلاثي التحرك بدون كره وازعاج الخصم المستمر . لكن هالشي يعتمد على مدى تكتلا لخصم والطريقه الا نلعب بها.

ماكان فيه بوادر امل بالتأهل او النجاح من شفت هالثلاثي.

لو اختار اي ثلاثي غير كان بعذره.

لكن هالثلاثي يفتقد للسرعه ويفتقد للقدره على تغيير رتم اللعب. والنتيجه مافيه طريقه نبني بها اي هجمه . مدافعينا ولاعبي وسطنا شافوا نفسهم ناقصين العدد دايما

هارد لك للجميع ..ومعوضه ان شالله بالمرات الجايه ..

النادي هالموسم متذبذب والخروج ببطولة الدوري يعد مكسب كبير في ظل تراجع المستوى الرهيب خصوصا في النصف الثاني من الموسم ...

لا أهتم كثيرا بالظروف والإصابات لأني أعرف أن برشلونه يتحدى الظروف والإصابات ..

أتمني من الإداره الجديه في التعامل مع اللاعبين والجهاز الفني ..اللي مابينفع الفريق يتم بيعه ..وبالنسبه للمدرب اذا ظروفه الصحيه استمرت أتمنى أنه يتنحى ويترك المجال لغيره ..لأن برشلونه هو الأهـم ..

لازال عندنا الدوري يحتاج له جهد بسيط ويكون مضمون .. ونفكر في بطولة السوبر الأسباني ..وأظن راح تكون خاتمه حلوه لفيلانوفا ..


،،،،،

كذا الدنيا فرح وحزن ،،،لم يحزنني الخروج بقدر ما أحزني المستوى الباهت اللي ظهر فيه الفريق ...

^^
ياخي ليت يعرضون هذولا اللعيبة على ليفربول مقابل سواريز

بصير هجومنا
نيمار ميسي
سواريز

فيه خبر في رابطة ليفربول

إقتباس الرسالة الأصلية كتبت بواسطة المهآأإ ليفربول يريد مهاجم البرشا دافيد فيا http://www.transfermarketweb.com/?action=read&idsel=120261

يا ليت يزيدون مبلغ مع فيا مقابل سواريز

ليونيل ميسي يواصل تدريباته اللياقية للتعافي من الإصابة التي يعاني منها ... اللاعب كان حاضر بالأمس في المدينة الرياضية لمواصلة التعافي رغم الإجازة التي تم إعطاءها للاعبين بعد الخروج الأوروبي أمام البايرن ميونيخ مساء الأربعاء والتي لم يتمكن ميسي من المشاركة فيها .

ميسي سيكون لديه حصتين تدريبيتين مع المعد اللياقي خوانخو براو اليوم الجمعه وغدا السبت ، مع إمكانية مشاركته لمدة 45 دقيقة في مباراة الليغا القادمة ضد ريال بيتيس يوم الأحد .

جوليو سيزار حارس متميز أعتقد انه خيار جيد لبرشلونه رغم عامل السن ..

يعني صحيح عمره 33 سنة ، لكن بالنسبة للحراس دائما العمر يكون استثناء بالنسبة لهم ونعرف مستواه وإبداعه من أيام ما كان مع الانتر .. شفنا لوبيز تألق مع الريال وعمره 32 سنة غير بوفون وتشيك كلهم متألقين وهم تجاوزوا الثلاثين وقبلهم حراس عمالقة مثل تولدو وأوليفر كان استمروا في الإبداع حتى تقريبا عمر الاربعين ..

الحارس فيه أخبار مؤكدة انه سينتقل من ناديه الانجليزي كيو بي آر بعد هبوطه للدرجة الثانية ، واليوم فيه مواقع تؤكد انه الارسنال يفاوضه للانتقال وقيمته التي أعلنتها إدارة ناديه 5 مليون جنيه استرليني يعني حوالي 7 مليون يورو ..

وينك ياروسيل لقيت لك خيار مناسب لإدارتك البخيلة ..