صورة : هينيكيس مدرب البايرن وضع جوميز بدور الرقابة اللصيقة على بوسكيتس لتعطيل بناء الهجمات اتمنى ان هالمدرب يدرب برشلونه داهيه بمعنى الكلمة

وش سالفة برشلونة وحظها هالموسم مع التحكيم ..
هدف تسلل وآضح ..!!


الفريق مايطمن ..
لازم يدخل ميسي

السلام عليكم ،، اخباركم يا شباب ،، ادري مدريدي ومالي دخل بس فيه كم نقطة في بالي ودي اتكلم فيها قبل مباراتكم مع البايرن

البرسا مهمته تعتبر اصعب من الريال ،، بس البرسا اذا كان بيومه واذا كان كل لاعب يقدم اللي عليه ف صدقوني البرسا ما راح تصعب عليه العودة "باذن الله"

ميسي انا ما ادري عن اخر اخبار اصابته ،، بس ميسي اذا بدع ف سلمو لي على البايرن

فيه خطة وتشكيلة معينه في بالي ،، مدري اذا توافقوني فيها او لا ،، بس التشكيلة هذي احس انها بتسوي بلاوي في البايرن

فالديز

البا - بيكي - الفيس

سونق - بوسكيتس

فابري - تشافي

انيستا - فيا - ميسي


تكثيف خط الوسط بيصعب المباراة على البايرن ،، خصوصا وان لاعبي البرسا عندهم ميزه ما فيه اي خط وسط يملكها ،، واللي هي المهاره - السرعه - دقة التمرير ،، بوجود تشافي وفابري كصانعي لعب و وجود بوسكيتش للمساندة ،، وبوجود سونق للادوار الدفاعيه << سونق كان مسوي بلاوي مع الارسنال ،، قطع الكرات والقوة الجسمانيه بتساعد البرسا في مثل هذي الضروف

هذا كله بالاضافه الى وجود ميسي وانيستا على الاطراف ،، وفيا بالعمق ،، والله البايرن بيجيب العيد

البايرن فريق كبير ما ننكر هذا الشي ،، بس الضغط العالي على لعيبتهم بتصعب عليهم المهمه

ما ودي اطول عليكم بس كانت على بالي وقلت اشوف رايكم

ليونيل ميسي سجل الهدف رقم 100 لبرشلونه هذا الموسم في الليغا ، وهو الهدف رقم 44 مع 12 اسيست .

ميسي يسجل هدفه رقم 24 خارج الأرض وهو رقم قياسي في تاريخ الليغا كاول لاعب يسجل هذا العدد من الأهداف في موسم واحد ، وحطم رقم البرتغالي رونالدو الذي سجل 23 هدف في الموسم الماضي .

الرقم الثاني الذي سجله ميسي في المباراة انه سجل في 15 ملعب مختلف في موسم واحد ، وبذلك يتجاوز رقم اللاعب الأسباني دانيال غويزا مع مايوركا موسم 2007/2008 الذي سجل في 14 ملعب .

إقتباس الرسالة الأصلية كتبت بواسطة Abdullah-88 فالديز البا - بيكي - الفيس سونق - بوسكيتس فابري - تشافي انيستا - فيا - ميسي

في البداية حياك اخوي عبدالله معنا وياهلا فيك وبمشاركتك ،،

صراحة قعدت أحلل في هذي التشكيلة شوي تقنعني وبعدها أغير رأيي ، لكن النتيجة النهائية انها ما دخلت رأسي ..

يعني انت ركزت على عملية تكثيف الوسط من أجل السيطرة والاستحواذ مع انه برشلونه بطريقته المعتادة بثلاث لاعبين دائما عنده نسبة الاستحواذ الأعلى يعني ماحنا ناقصين زيادة لاعبين في الوسط ،،

القضية هنا انه بهذي التشكيلة صحيح ركزت على موضوع وسط الملعب لكن تسبب مشاكل اولا انه راح يتسبب بازدواجية في الأدوار بين لاعبي الوسط بوجود 4 لاعبين وعادة انيستا يضم معهم يعني زحمة في خط الوسط يكون نتيجتها استحواذ سلبي بدون فائدة ..

النقطة الثانية انك خليت ثلاث مدافعين اثنين منهم لاعبي الأظهرة ( ألبا موقوف ما راح يلعب لكن ماهي مشكلة امشي معك ) ، يعني بكذا راح تصعب من عملية تقدمهم وترك مراكزهم خوف من المساحات وبكذا تخسر قوة انك تفتح اللعب على الأطراف ويكون التركيز في الهجوم من العمق خاصة وانه مثل ما قلت لك انيستا وميسي كثير دخولهم لوسط الملعب ..

البايرن فريق قوي من الأطراف ومجرد تقدم الظهيرين لو حصل تترك مدافع واحد اللي هو بيكيه وحتى مع وجود لاعبين اثنين في المحور اللي هم بوسكيتز وسونغ لكن عندهم نوع من البطء وصعب انهم ينتقلون بالسرعة لتغطية الاطراف ، يعني مجرد كورة من الحارس نوير يلعبها طويلة لروبن او ريبري في حالة الهجمة لبرشلونه خلاص دفاعك يبقى مكشوف ..

وحياك معنا من جديد ..

إقتباس الرسالة الأصلية كتبت بواسطة Hilali 3asal في البداية حياك اخوي عبدالله معنا وياهلا فيك وبمشاركتك ،، صراحة قعدت أحلل في هذي التشكيلة شوي تقنعني وبعدها أغير رأيي ، لكن النتيجة النهائية انها ما دخلت رأسي .. يعني انت ركزت على عملية تكثيف الوسط من أجل السيطرة والاستحواذ مع انه برشلونه بطريقته المعتادة بثلاث لاعبين دائما عنده نسبة الاستحواذ الأعلى يعني ماحنا ناقصين زيادة لاعبين في الوسط ،، القضية هنا انه بهذي التشكيلة صحيح ركزت على موضوع وسط الملعب لكن تسبب مشاكل اولا انه راح يتسبب بازدواجية في الأدوار بين لاعبي الوسط بوجود 4 لاعبين وعادة انيستا يضم معهم يعني زحمة في خط الوسط يكون نتيجتها استحواذ سلبي بدون فائدة .. النقطة الثانية انك خليت ثلاث مدافعين اثنين منهم لاعبي الأظهرة ( ألبا موقوف ما راح يلعب لكن ماهي مشكلة امشي معك ) ، يعني بكذا راح تصعب من عملية تقدمهم وترك مراكزهم خوف من المساحات وبكذا تخسر قوة انك تفتح اللعب على الأطراف ويكون التركيز في الهجوم من العمق خاصة وانه مثل ما قلت لك انيستا وميسي كثير دخولهم لوسط الملعب .. البايرن فريق قوي من الأطراف ومجرد تقدم الظهيرين لو حصل تترك مدافع واحد اللي هو بيكيه وحتى مع وجود لاعبين اثنين في المحور اللي هم بوسكيتز وسونغ لكن عندهم نوع من البطء وصعب انهم ينتقلون بالسرعة لتغطية الاطراف ، يعني مجرد كورة من الحارس نوير يلعبها طويلة لروبن او ريبري في حالة الهجمة لبرشلونه خلاص دفاعك يبقى مكشوف .. وحياك معنا من جديد ..

الله يحيك حبيب البي

كلامك صحيح ،، وممكن انت تفهم في طريقة واسلوب البرسا اكثر مني

بس فيه كم نقطة ابعقب عليها من كلامك

- تكثيف خط الوسط انا ما كان قصدي فيه عشان السيطره ،، السيطره هي للبرسا مثل ما ذكرت قبل حتى لو لعبو بخطتهم المعتاده ،، بس القصد من كلامي هو تشافي يكون اكثر حرية ،، بتكون عليه رقابه طبعا ،، بس راح تكون اقل من مباراة الذهاب ،، وجود فابري معه في صناعة اللعب راح تخفف العبأ على تشافي ،، انا كان ممكن اقولك تشافي وانيستا ،، بس انا افضل انيستا على الاطراف بسبب مهارته وسرعته ،، ولو تلاحظ المباراة الذهاب ،، اول ما يمسك انيستا الكوره تلقى 3 داخلين عليه ،، البرسا الحين مفروض انهم عارفين النقطه هذي والمفروض و"اللاززززم" هو استغلال هذي نقطه ،، طيب ،، كيف تقدر تستغلها ؟؟ انا اقولك كيف اذا انيستا على الطرف معناها راح يكون قريب من منطقة ال 18 ،، منطقه خطرة وحساسه ،، لا مسك الكوره على اقل تقدير فيه 2 او 3 لاعبين من البايرن بيدخلون عليه ،، في هذا الوقت اكيد يا فابري او تشافي الرقابه بتكون عليهم بشكل اقل ،، يقدر يرجع الكوره لواحد منهم وبيكون قريب من المرمى وسهل التسجيل في هذي المناطق. والحال هذا نفسه ينطبق على ميسي ،، عشان كذا اخترت انيستا وميسي على الاطراف ،، لان لو تفكر فيها شوي ،، ميسي لو كان بالعمق راح يكون تايه ،، 2 قلوب الدفاع والمحاور كلها فوق راسه بس انك تحطه على الاطراف راح تكون اسهل مو ل ميسي وانيستا بس ،، لا ،، بتكون اسهل ل تشافي - فابري - فيا حتى ...

- بخصوص الاظهره ،، كلامك جدااا منطقي وسليم ،، بس انا اخترت سونق يكون داعم لخط الدفاع في حالات الهجمه المرتده ،، لاعب فنان في قطع الكور ،، انت لازم تضحي في البا او الفيس وتخلي ادواره دفاعيه اكثر من هجوميه ،، والبرسا اذا كان متقدم ومستحوذ ،، راح تشوف فريق البايرن كللللله في مناطقه ،، وهذا الشي راح يبطء من هجماتهم

- اما بخصوص ال 3 مدافعين ،، انا عندي فكره في بالي ،،هي فلسفه اذا خط دفاعك تعبان وجايب العيد لا تكثر لاعبين ،، حط لك واحد على اساس يكون هو اللي شايل المسؤلية كامله ،، سوء التفاهم في خط الدفاع هو اللي يضر الفريق ،، مو قلة عددهم ،، ولا يخفى على احد ضعف خط دفاع البرسا ،، طيب لو لعبت ماسكيرانو مع بيكي ،، ايش راح تستفيد ؟؟ انت فريقك يحتاج 4 اهداف عشان يرجع للمباراة ،، وهذا اللي انا خلاني اختار 3-4-3 ،، والبايرن صحيح فريق قوي وكبير ،، بس احرمه من الكوره بتوقف خطورة اطرافه


انا ابحط لك طريقة اللعب عشان اكون اوضح


في حالة الهجوم:

فالديز

البا - بيكي -الفيس

سونق

تشافي - بوسكيتس - فابري

انيستا - فيا - ميسي


سونق يكون في وسط الملعب وما يتقدم ابداا



في حالة الدفاع:


فالديز

البا - سونق - بيكي - الفيس

بوسكيتس

فابري - تشافي

انيستا - فيا - ميسي


هي مثل ما قلت قبل فيها مجازفه ،، بس البرسا عشان يرجع لازززم عليه يتقدم باكثر عدد ممكن من اللاعبين


ومعليش ادري كلامي ملخبط شوي بس الدوام والكرف

لما تشوف الحالة النفسية اللي كان عليها الفريق في مباراة البارحة بعد دخول ميسي والانقلاب اللي حصل في أداء اللاعبين لدرجة انه حتى بيدرو الميت بعادته فجأة أصبح من أكثر اللاعبين حركية في وسط الهجوم ، والتحسن الواضح على الليو من الناحية اللياقية يعطيك نوع من التفاؤل في مباراة البايرن بانتفاضة بلوجرانية قوية في الكامب نو مساء الأربعاء .

لكن بالمقابل لما تشوف المشاكل في الدفاع ما بين هفوات بيكيه والبطء في التغطية وهو الاختصاصي الأساسي في هذا المركز مع غياب ألبا للإيقاف وإرهاق ألفيس ولا يبقى غيرهم إلا أدريانو أو بارترا وانت بحاجة إلى انه مرماك ما يستقبل أي هدف ، مع القوة الهجومية للبايرن بعودة هداف الفريق والبوندسليغا مانزوكيتش واللي كان موقوف في مباراة الذهاب هنا يعطيك نوع من الإحباط أو انها العودة للواقعية بعيد عن العاطفة بأنها أشبه بالمهمة المستحيلة على وزن فيلم Mission Impossible .

صورة للفسيفساء التي ستعملها الجماهير والشكل الذي سيكون عليه ملعب الكامب نو مساء الأربعاء في مباراة البايرن بحضور أكثر من 90 ألف متفرج ..

BARCA ... ORGULL ... BARCA

( برسا ... فخر وكبرياء ... برسا )