بربرة ما بعد المباراة

هاردلك الخسارة الغير متوقعة على ارضنا ووسط جمهورنا

الفريق ككل لم يقدم ما يشفع له بالخروج بشيء من هالمباراة ... ما في تنظيم مافي شيء واضح .. الفريق كان تقريبا بلا هوية تكتيكية ولا هوية فنية .. ع العكس من شالكة اللي استحق الفوز احقاقا للحق كان فريق منظم وداخل الملعب بثقة كبيرة والاهم من الثقة انه داخل وهو يعرف وش يبي .


الوضع في المجموعه حتى الان ليس مخيف للغاية ... امامنا مباراة في المانيا مفتوحة على كل التوقعات .. ممكن نفوز اذا ما عاد ارسنال اللي نعرفه .. شالكه الاقرب لمرافقتنا الى الدور الثاني .. اولمبياكوس ممكن يقروشنا شوي لان معاه اربع نقاط وبيلعب مع مونبيليه في اليونان وممكن يفوز ويرتفع برصيده ل 7 نقاط ويكون منافس قوي .. شخصيا ما عندي شك في ان ارسنال بيخطف بطاقة لكن هل هي بطاقة الصدارة؟؟ العلم عند الله.


تكتيكا

الفريق دخل بتظيمه المعتاد 4-3-3

تشكيلة متوقعة باستثناء مشاركة كوكلين في المنتصف .. ورامزي كجناح يمين مع ركن جيرود على الدكة .. رامزي على الورق كان جناح لكن داخل الملعب كنا نشوفه في النص كثير خصوصا في الاوقات اللي كنا نفقد فيها الكورة (وما اكثرها ) ... الفريق عانى في مسالة امتلاك الكورة وصنع وخلق الفرص .. نعم كنا سيئين لكن ايضا شالكة كان فريق قوي وصلب والضغط على حامل الكرة كان مذهل من قبلهم .. من ارسنال لو خيرت لاختيار رجل المبارة لاخترت كوكلين وانا مغمض الفرنسي عنده تاكلينج رهيب ودائما تلقاه واقف صح والاستلام والتسليم عنده مميز ولا ارى سبب لجعل رامزي مقدما عليه في اولويات فينجر .. كازورلا وارتيتا اجتهدا لكن الفريق كان تائه هجوميا .. ثلاثي المقدمة للامانة كان مثير للشفقة .. بودي من المباريات القليلة اللي ما اقنعني فيها .. جيرفي فينجر ظالمه بمركز راس الحربه وهو خطورة على الاطراف ... رامزي صراحة حرام تنفق حبر في انتقاده لان مستواه لا يستحق التعليق .. لقطة الكورة اللي عكسها له كوكلين وحاول يجيبها بالكعب .. يخرب بيتك هو انت قادر تلعب كورة بالعربي جالس تتفنن يا ابن ال %$#$@#.

دفاعيا كنا جيدين .. باستثناء الدب البرازيلي سانتوس ... نقطة ضعف واضحة وثغرة العميان يشوفها .. الله يعجل بعودة جيبس .. طبعا صورة مع التحية لمنتقدي سانيا اللي يقولون عمره ما عكس كورة صح .. اقولهم هذا عندكم سانتوس برازيلي وهجوميا اوكي ومراوح واكس ومربع على اعلى مستوى .. لكن دفاعيا فارفان بهذله .. وكان سبب وواضح للهدفين .. اسوا لاعب داخل الملعب على الاطلاق .. وساعد فارفان على الحصول على نجومية المباراة المطلقة.


هاردلك مرة ثانية ... الجميل في دوري المجموعات ان عندك مساحة للتعويض وتعديل الاوضاع .. عودة المصابين ... ديابي ولشير سانيا والكوت تشامبرلين جيبس .. كلها كفيلة بارتفاع المستوى ... ومع تبقي ثلاث مباريات .. ما زالت الامور في ايدينا.


فتكو بعافية
واسف ع الاطالة

اولمبياكوس معاه 3 نقاط فقط

صبآح آلخير












بـ آلآول آكيد بعد آلخسآره مآيتحكم بـ حروفك عقلك وعصبيتك تدفعك لـ قول آشيآء ممكن خآرج
نطآق آلمألوف وآلغير مستتنده على منطق ! فريقنآ هلكته آلآصآبآت بحق !! آنآ آتكلم عن آضلآع آلفريق
وقلبه آلنبض وصآحب الرونق في نص آلملعب ومن تكمن آلحلول بـ قدمه ! لمآ يغيب ثيو آلقيمه
آلعآليه بغض آلنظر عن مستوآه في مآسبق ولمآ يغيب غيبس آلقوه آلضآربه مع بودولسكي في
آلطرف آلآيسر ولمآ يغيب صآحب آلحلول في آلثلث آلآخير ولتشير ولمآ يغيب تشآمبرلين وآلي
يخيلك تشوف آرشآ يمتخطر ويعل قلوبنآ آكيد بتلتمس عذر كبير لـ آلآدآء آلهزيل في آللقآئيين آلآخيرين
طبعاً مآ آنسى ديآبي صحيح ممكن مآنشوفه آسآسي بوجود مآسبق ذكره من آسمآء لكن على آلآقل
تتأكد آن آلدكه فيهآ حلول !!














كمآ آحرقتو قلبي لـ 4 سنوآت وآهلكتوآ قلب غيري لـ مده 7 سنوآت من آلآكل في آلآموآل وآلآدخآر
في حسآبآتكم آلبنكيه ! عسى آن يحرق ربي قلوبكم بـ نآر جهنم يآمترزقه !!















آلصوره تكفي عن آي تعبير !!