قبل أبدأ بس أبغى أوضح شي
ديل بيرو
و الله العظيم إني أعشقه و إن قلبي يوجعني لما شفته رافع فنيلة ذا النادي الاسترالي الي
غصبا عني راح احاول اتابعه و ما يهمني بشي الا الدقايق الي بيلعبها اليكس
لكن يوفنتوس امر آخر وجود ديل بيرو عبء على المدرب كونتي و هذا امر واقع حتى و هو على دكة الاحتياط
و للآن ما نسينا سوالف دخول آخر الدقايق و نص الشوط و الكلام الي دار حولها !!
و الى نهائي الكأس مع نابولي الي كان واضح ان اليكس مشارك مجاملة لأنه ما يقدر يبدأ المباراة و يجاري سرعة
زملائه في اليوفنتوس الآن من نواحي التحركات و التغطية و طلب الكورة ...
تجربة دي ناتالي في اوديني و توتي مع روما الي ما يتحركون و يلعبون على الواقف ما تليق باليوفنتوس .
و هذا هو ثمن ان تكون اسطورة لنادي كبير لأنه ما راح يوقف عليك مثل الاندية الاقل .
الأساطير أصحاب الشعبية الجماهيريه أمثال ديل بيرو يا إما يلعب اساسي و يكون القوة الابرز بالفريق و الا جلوسه
على دكة الاحتياط سيؤثر على من داخل الملعب و على المدرب و أقلها من نواحي الضغط الإعلامي و الجماهيري .
الادارة ما جابت مهاجم عليه القيمة و هذا خطأ بالتأكيد و لكن هذا المهاجم الي كنا نبيه ما كان معوض لاليكس
لأن ديل بيرو ما كان يصنف على إنه من أهم حتى 30 مهاجم في اوروبا في آخر موسمين له مع اليوفي .
لكن أؤكد 100 % لو ديل بيرو موجود جوفنكو ما فيه امل يرجع !
ادري جزمة ديل بيرو اغلى علينا من جوفنكو
بس هذا مستقبل الفريق و هذي سنة الحياة و يمكن يجي زمن
يصير جوفنكو بنفس غلا جزمة ديل بيرو
.
اذكر نيدفيد في مقابله يقول بعد اعتزاله " ما اعتقد ان يوفنتوس يستطيع الفوز معي و لكذا اعتزلت "
ديل بيرو نفس الحكاية .. ما عاد في العمر الرياضي شي و انت بعمر 38 وش بيضيفلك حتى لو حققت هداف
الدوري الاسترالي !! موسم استثنائي بدون هزيمة و بطل ايطاليا و الله ما اشوف ختام احلى من كذا