$$ ~ رابطه عشاق الانتر ~ $$ - نادي الهلال السعودي - شبكة الزعيم

Super10 · #11 10/08/2012, 04:42 AM

السلام عليكم / صباح الخير

* مبروك التأهل !

ياشباب وش اللي قاعد يصير ؟ مستوى اسوأ من سيئ والله !
والله بداية تضيق الصدر صراحة .. شنايدر و كوتينهو و جوارين و مبآي اللي مبدعين اليوم .. والباقين ميتين !
الدفاع شوااااارع رانوكيا ناسي مخه بالبيت اليوم ! سامويل وده يصير مهاجم !

و دخلاته عنيفه ! كنه قاعد ينفّس على لاعبين هايدوك !
والله حرام اللي يصير بالفريق .. الفريق واضح محتاج له 3 صفقات عالاقل !
2 - 0 بأرضنا ! و من فريق من أزلب ما يكون ! والله عيب

اليوم ستراما مصرح و معصب على اللاعبين ويقول الفريق محتاج صفقات
و صفقات كبيرة بالوسط ! والرجال معه حق ! انتم شفتوا وسطنا شلون كان ؟ ميت !

كامبياسو واضح انه لاعب ماعاد ينفع أساسي و لازم يكون احتياط !
و لابد من جلب دي يونغ او فيرناندو بداله ..
و يبي لنا مهاجم لأن ميليتو يتفنن بتضييع الفرص اليوم .. كسرت الريموت من القهر !

فقع لي تسبدي !
ياخي الباب قدامك بس اركنها بالزاوية .. و اذا بتضيعها ياخي أقل شيء ضيعها
بجوار القائم !

مو تشوتها بالهواء و تروح الكورة لعلم الركني !!!!!! وين عايش انت ؟
انا ماقول انه مهاجم سيئ .. لا بالعكس !

لكن لابد من جلب مهاجم ( بطل ) ليكون بديل لميليتو
أو عشان تكون فيه مداوره في هالخانه بينه و بين لونغو و المهاجم الجديد ..
و عشان يحس ميليتو شوي و يلعب زين عشان يحافظ على خانته ..
لأنه مهاجم مايغالط قدام الباب لكن من تالي مدري وش بلاه صاير زلابه ..

أتمنى .. أتمنى أتمنى تكون تشكيلة الإنتر بهالشكل في نهاية الميركاتو :

هاندانو
زانيتي - سامويل - سيلفيستري - جوناثان
دي يونغ - جوارين
أفيلاي - شنايدر - بالاسيو
ميليتو

طبعاً ممكن مكان ميليتو يكون المهاجم الجديد .. و مكان جوناثان يكون مايكون
و مكان زانيتي يكون مبآي .. و مكان دي يونغ يكون فيرناندو ..

والله الفريق بحاجة محور + مهاجم + أفيلاي ! أفيلاي متوفر وناديه مايبيه خلاص وش ننتظر ؟
لازم الإدارة تتحرك و لازم ستراما يضغط عليهم لجلبه للفريق ..
لأن الولد لعييب في هالخانه و مهاري درجة أولى و عنده اختراقات مجنونه .. أكبر قهر لو تعاقد معه نادي قبلنا ..

عموماً هذي خثاريدز .. ما قبل النوم

..
أعتذر إذا فيه شيء غلط لأني أكتب وماشوف الكيبورد حالياً من النوم

نشوفكم على خير يا احبه