أكثر لاعب إنجلد المسكين ، ومع ذلك م نشوف أي قرارات تتخذ !! وماننسى الكرت الأحمر الظالم اللي أخذه قدام المانيو



إذا التدخل ب رجلين والكوره معك كرت أحمر مباشر ! طيب الحاله أعلاه وش نقول عنها ؟

،



نقطه تحول في المباراه ، كان بيتغير شي كثير لو إحتسبت ركله جزاء .. كرس فوي من مباراتنا ضد الكيو بي أر وطرده ل بوسينجوا ودروقبا وأنا كارهه كره اليهود .. هو نفسه اللي طرد هازارد يوم سالفه البزر ، وهو نفسه اللي حرمنا من ركله جزاء وأحمر مستحق ل أغويرو .. الواحد م وده يتطرق للأمور التحكيميه الظالمه اللي يمر فيها خصوصاً إننا عارفين هذا الشي موجود بكره القدم الإنجليزيه .. بس بالشكل هذا ؟ ياخي أوقات تحس بعض الحكام يستقصدونك !! حسبي الله عليك ي فوي ..

نفس سيناريو مباراتنا معهم بالدرع ، نسلمهم كوره يسجلون أهداف من أخطاء دفاعنا ، نبي نرجع نتدارك الوقت ونعدل بس م يسعفنا الوقت .. وأنا أشوف المباراه سيناريو الدرع جا على بالي ، هدفهم الثاني قتل المباراه نوعاً ما ، تشلسي بالشوط الأول إحترم الستي أكثر من الازم .. شفنا كيف يوم مسكنا الملعب وحشرناهم م نفسو وسجلنا الأول وضاعت فرصتين م تدري شلون ضاعت .. لو المباراه 100 دقيقه بدال 90 متأكد إننا بنسجل التعادل بس م الله كتب لنا الفوز ، الفريق يصحى متأخر بعد م يلقم هدف ولا هدفين وصارت ها الموسم كثير .. قدام المانيو أكبر مثال ، ماتا كان مختفي على مستوى الصناعه .. هدفهم الأول حرام يدخل .. يايا يتمشى لحاله بوسطنا ويلعبها بعمق دفاعنا ويستلمها المهاجم بكل أريحيه ومانشوف أي ضغط عليه .. الكوره تبي نصري والحظ لعب معه دور كبير .. 1-0 حلوه إنك ترجع بالشوط الثاني وتدخل بكل قوه وحسيت ها الشي يوم شفت الفريق نازل بدري .. بس فجأه نشوف هدف ثاني مع بدايته وسوء تغطيه من دفاعنا ! دفاع كارثي للأسف .. مثل هذه الأهداف حرام تدخل فيك .. وقتها تحطمت وقلت مافيه أمل نرجع .. بس هدف ديمبا والإنتفاضه اللي جات بعده رجعلي التفائل وتحمست لأخر دقيقه .. بس فوي كان له كلام ثاني !



إن كان فيه واحد بالفريق يبرد قلبك ، فهو هذا الاعب ..

،

الحمد لله على كل حال ، يمكن تكون خيره بتحقيق أخر بطوله تبقت لنا وهي اليورباليق ، م يغبنك ها الموسم إلا البطولات اللي خسرناها وحده ورى الثانيه .. المفترض يكون موسم حصاد لكن وش نقول ؟ م تدري مين تلوم بالضبط .. بس كل اللي أعرفه إن الموسم الجاي بيكون موسم مغاير تماماً ل تشلسي .. وبنشوف صحوة أسسد من جديد !

هاردلكم عشاق الفخر ..