تشلسي أسبوع مصيري إبتدى ب خيبة أمل بخساره من ساوثهامتون ، فريق بثر ، نشب لنا بلندن بتعادل ولزخنا بأرضه .. للأمانه ماشفت المباراه ل تقلبات النوم بس الحمد لله إني ماشفتها لأن حسب كلام الشباب يقولون تشلسي قدم عك من النوع الفاخر ..

وضع تشلسي مع الخساره وفوز المنافسين صار أصعب .. عندك توتنهام وأرسنال يبون مقعد أوروبي ، ووراهم الإيفرتون مش بعيد مره ويمكن يكون مفأجئة الموسم ليش لا ؟ السيتي أتوقع بيلقط الثاني .. الكلام على المركزين الثالث والرابع .. تشلسي عنده مؤجله لو فاز فيها بيرجع الثالث بفارق نقطه عن توتنهام الرابع .. برضو الأرسنال عنده مأجلة وفي حال الفوز أتوقع بيلحم بالنقاط مع توتنهام أو بيكون تحته بفارق نقطه .. الأمور معقده جداً ، بس مافيه شي مستحيل ي تشلسي دام الأمور بيدك وقدامك مباراه مع توتنهام بأرضك .. تقدر تفوز بالمؤجله وتفوز على توتنهام وتفرق عن الرابع ب 4 نقاط وتخلي توتنهام والأرسنال يتهاوشون عليه .. بس هل الفريق قادر يركز على المقعد والكاس في حال تأهل واليوروبا بنفس الوقت ؟ م أعتقد ، الفريق بيطلع من بطوله ل بطولتين كأقل تقدير ، والمصيبه إن فقدها كلها .. لكن نقول إن شاء الله يتحسن الوضع ونطلع ببطوله أقل شي من ها الموسم السيئ ..