هاردلك التعادل كان بالامكان تحقيق الفوز لكن الحمد لله على كل حال .

مستوى الفريق كان جيد فيه أخطــاء بالأخص من دي ماتيو في وضع الفريق بعد التقدم بالنتيجة شفنا الفريق يفتح ملعبه بشكل مبالغ فيه , جون أوبي ميكيل صار يأخذ مهام هجومية أحرجته وأحرجت الفريق ماله داعي تعطيه مهام هجومية وأنت متقدم بالنتيجة !؟
ميكيل ك محور دفاعي لاعب بطل بطل وشيء طبيعي اذا غيرت الـ "بوزيشن" تبعه بيكون لاعب عاله ويرتكب أخطـاء يعني كأنك تحط بيتر تشيك رأس حربه أو آشلي كول وسط يمين ....
أعترف أن فيه لاعبين عندهم القابلية والقدرة على اللعب في كذا مركز لكني متأكد أن ميكيل ليس منهم , اللاعب ستايله وطريقة لعبه لاتسمح له باللعب في مناطق الخصم الي تحتاج لـ سرعه في اللعب واتخاذ القرار والجري المستمر , هو اعتاد أن مدى تحركاته في الملعب "بوزشن" مابين منطقة جزائنا حتى دائرة منتصف الملعب غالباً اللاعب في هذه المنطقة لايواجه بريسنق عالي من الخصم زي ما يحصل لو يدخل منطقتهم لذلك اللاعب الي رتمه أبطء من غيره قد يلعب بشكل جيد هنا لكن لو طلع لقدام شوي راح يكون عاله لان الكور راح تفتك منه بسرعه ويرتكب اخطاء كثيرة كذلك اللعب في هذه المنطقة الي تحدثت عنها لاتحتاج الى جري مستمر يستطيع اللاعب بتحرك ذكي وقراءة جيده لمسار الكره أن يختصر الكثير من المجهود بالتغطية الجيده والضغط عالخصم بعكس اللاعب الي يلعب لقدام شوي الي يكون مطالب بالعودة السريع مع لاعبي الخصم في حالة فقدان الكره .
الخلاصه :
- توظيف ميكيل الحالي انا لا أحبذه وسبب مشاكل للفريق بكثرة أخطاء التمريرات وفقدان الكره وأتمنى يتم اعادته لمركز كمحور دفاعي اكثر ثبات .

بالنسبة للنينو فهو فاقد للكثير من المرونه والحيوية والرغبه والطموح ذكرني ب راؤول مع الريال كانوا في كل موسم يتمنون أن يعود راؤول كما كان وهو بنفس وضع النينو فقد الكثير من مرونته وحيويته في سن الـ 27 سنة .
لابد من جلب مهاجم يملك طموح وحيوية ويكون دائماً "متقد" (وحش) يملك كنترول ممتاز يكون مهاجم متكامل يستطيع أن يطلع عالاطراف ويلعب في العمق .

هردلك ياشباب على التعادل الاشبه بالخساره

الكلام كثير وطويل بخاطري لكن بحاول اختصره ونقول الزبده

سبق وقلت قبل ايام بعد مبارات شختار وقلتها ايضا بداية الموسم ان المدرب هذا ما ينفع وفيه بعض الاخوان ما جازلهم كلامي امس المدرب اخطاء 3 اخطاء كلفتنا النقاط

1- اخراج اوسكار المتحرك والنشط ووصلة الربط بين الهجوم والوسط وابقاء هزار الي لعب اسوء مباراة له من جانا

2- اخراج تورس الي كان مجتهد ومتحرك وكان وده يقدم شي ومشكل خطوره كبيره

3- ادخال موسس وستورج في اماكن غير فعاله على باله انه كل مباراة بيصير مثل مباراة شختار


المدرب ما اقول انه سيء او فيه خلل لا المدرب هذي امكانياته يعني ما يقدر يقدم شي للنادي لان هذي قدراته وهذا مستوى خبرته وتفكيره يعني بكل اختصار النادي اكبر بكثير من المدرب ولا كل مدرب بينجم في بداياته مثل مورينهو وغورديولا فعلشان كذا وذكروا كلامي زين وقولها من الجوله 11 ان الفريق لن يحقق مع المدرب هذا اي بطوله كبيره سواء الابطال او الدوري الى بمعجزتين

1- ان الريس يجيب في الأنتقالات الشتويه فلكاو وكفاني والونسو وبيكيه بحيث ان الفريق يكون فيه نجوم يرزون اي مدرب حتى لو كان عنده توحد


2- ان المان يو والمان سيتي يجيهم بلا يخليهم يخسرون نقاط بالهبل وبكذا ننفرد بالصداره


اما غير كذا حدنا الكأس والرابطه

ردة فعل م بعد المباراه
ماتيو ، كاهيل ، برتراند

أهداف المباراه تشلسي 1-1 ليفربول
تيري

مباريات جون تيري وعدد اهدافه ..