◥ رابطة أبطال أوروبا [ فخر ♥ chelsea ♥ العاصمه ] champions of europe ◣ - نادي الهلال السعودي - شبكة الزعيم

kun khalid · #11 08/10/2012, 08:18 PM

-

قبل شوي على الجزيره 10+ (قناه تشلسي) جابو السهره مع الطخوم الإسبان (أزبي ، ماتا / روميو ، توريس)
مزتنا جيجي إستقبلتهم وعطتهم من ها الأسئله والحضور مستمتع ، جلست ألقط كم نقطه وطلعت بها النقاط

* جيجي سألت توريس (وش أفضل لحظه لك بتشلسي حتى الأن ؟)
جاوب الناندو (الفوز ب دوري الأبطال أكيد)

* جيجي تقول ل أزبيليكوتا أغلب الشعب بالتويتر متقروشين من إسمك الطويل ف حبو يختصروه ل (ديف) خخ توافق ؟
بعد م فصلو عليه الحضور وجلس ساعه يضحك قال إيه عادي خذو راحتكم ..

* شبو على ماتا إلا يغني ، قال أبغني أغنيه (ماكرينا) وأبي الجمهور يصفق معي خخخخ

* جيجي سألت كل واحد فيهم (لكم ف الطبخ ؟)

توريس / إيه ، من يومي ف أتليتكو وأنا أطبخ ل درجه إني م أحتاج أروح للمطاعم خخخخ
ماتا / أطبخ سلطه خخخخخخ يوم شبت عليه جيجي قال أنا بس أكل

روميو / مسوي يقلد ماتا قال أطبخ سلطه بعد ، جيجي شبت عليه (شلون تطبخ سلطه ؟ السلطه ماتنطبخ)
قالها يعني ، أحط معه دجاج وكذا خخخخخ قالت له (يعني سلطه كبيره)

ديف / مالي بالطبخ أبد

* سألت توريس وش تسوي ب وقت فراغك ؟ قال أروح للبيت وأتكي مع أم العيال ومع الوراعين الي عندي ..
شوي سألتهم كلهم مين عنده حساب بالتويتر ؟ (سألت ماتا أول لأنه إدمان خخ)

قالها إيه التويتر شبه يومي وأنا أحبه ، شوي راحت ل توريس ، قالت أنت عتدك حساب بس ماتغرد ..
زبد لها قالها قبل شوي أقولك ماعندي وقت لها الخرابيط

روميو وديف قالو م عندنا ، سألتهم ليش طيب ؟ كلهم قالو ماعندنا وقت

> واضح متفقين ع الإجابه خخخخ

* سألت ماتا عن هدفه الأخير قدام الأرسنال / قالها ي بنت الحلال سلكت معي وكنت محظوظ فيه خخخخ

هذا الي يحضرني ، مع إني مب مره إنجليزي وقعدت أتعصر عشان أفهم عليهم بس جلست أضحك .. ماتا أزحفهم ،
توريس على غير العاده يسولف ويذب ، أخبره بارد ونفسيه خخ ، روميو مسكين أحس ماتا ماغير يطقطق عليه