مباراة تحدد مدى ابتعادنا بالصدارة عن قطبي مانشستر , السيتي خسر امس و المانيو قدامه مباريات قوية خارح ارضه مع
السبتي بأرضه و الريدز بأرضه يعني اختصار بياكلونها و حنا ضروري نفوز بهالمباراة عشان نبتعد عنهم ب 3 نقاط و السيتي
عاد بالجولة الثالثه بيدخل مضغوط المانيو و لازم يفوز عشان فارق الثلاث نقاط و السيتي بعد لكن السيتي محظوظ بيقابل هال سيتي
*
عاد ي ليت المو يدخل بتشكيلة قوية و يلعب برامي و جينكل مع بعض خصوصا انهم رائعين بالإفتكاك و التسليم و الإستلام
رائع فيها جينكل و قطع المسافات بالهجمات المرتده هذي نخليها للسلقه رامي , و اتمنى قدامهم يكون دي بروين
ع اليمين و في حالة الدفاع يكون لاعب وسط ثالث و يصير الوسط بالدفاع مثلث يعني كذا
رامي / جينكل
دي بروين
و ع اليسار اتمى شورلية لكن ضروري إشراك هازارد ك بديل عشان يعذبهم و يمصخرهم زي ما سوا ضدهم بال FA CUP
و متأكد ان هازارد بيقلب المباره عليهم و يكون طبعا ع اليمين في حالة الدفاع هو خوانيتو , و أمامهم عقدة المانيو لوكاكو
و الدفاع امنياتي يكون زي دفاعنا بالمباراتين السابقه بس اتوقع المو بيلعب ايفا قلب دفاع مع تيري
*
و فان بيرسي مدام محاورنا الأثنين بأماكنهم قليل يطلعون و ماسكين مراكزهم ماتوقع بيسبب مشكله لأن دايم اهدافه ضدنا تكون
من أخطاء دفاعيه تخلي وسط المانيو يوصل لمنطقتنا بسهوله و غير غن كذا تلقى دفانا معطينه مساحة كبيره
لو اعطيتها لتوريس سجل , يعني مانشستر يتفوقون علينا بالهجوم بس صح و الهجوم يعمل فارق كبير لكن المهاجم بعد محتاج
وسط يعطيه كور و وسط المانيو يعتمد ع كاريك و روني بهالشي روني نقول ان شاء الله مايلعب و كاريك اسهل شي بالحياة الدنيا
انك توقف فريق يعتمد ع صانع لعب بالخلف بس ليت المو يقول للاعب يمسك كاريك و لا يعطيه فرصة يعرض كوره طويله
لأن كاريك من ناحية الكور الطويله مبدع جدا فيها الكلب الى الآن ما انسى هدف تشيشا علينا بال FA CUP هدفهم الأول
جاء من عرضية خرافية من كاريك الوصخ , و انا خايف من طلعات الأظهره يعني ايفا يطلع و يرجع اما ازبي صحيح
يطلع و يساند الهجوم حتى صنع لنا جهة يمنى قويه لكن بعد مفروض يحذر و مايتهور لأن ي كثر مباراياتنا مع المانيو
تشوفهم يعتمدون ع كشتات أظهرتنا , ع العموم انا متأكد ان المو حذرهم عن هالشي و بيعقلون و ماراح يتهورون
*
و تشكيلتي اللي اتمناها كذا
تشيك
اشلي / تيري / كاهيل / ايفا
رامي / جينكل
شورلية / ماتا / دي بروين
لوكاكو

انا اليوم متفائل جدا و اكثر شي خايف منه هو تفائلي القوي اخاف يتخاذلون لاعبينا او يبان عليهم الإرهاق بس نقول ان شاء الله
الثلاث نقاط لنا و نبتعد عن قطبي مانشستر خصوصا المانيو اللي بياكلها بالمباريات الجاية
Come on chelsea

شباب احد معه رابط للمباراة
تعليق انجليزي؟؟؟؟؟؟?????

مانشستر يونايتد vs تشيلسي
ch5 | موقع الاها الرياضي
ch6 | موقع الاها الرياضي
ch11 | موقع الاها الرياضي
gali kurdustan | موقع الاها الرياضي
ch1 | موقع الاها الرياضي

سبب المستوى المخيب للأمل هو مورينهو

انت تلعب مباراة مهمه خارج ارضك و خصمك تحت الضغط بسبب المدرب الجديد و تجي تسلم لهم الملعب

مورينهو يمتلك جميع العناصر التي يمكن من خلالها تحقيق نتائج ايجابية

الكل يتمنى ( هازراد - اوسكار - ماتا ) و للأسف قتلهم بأجبارهم باقيام بأدوار دفاعية اكثر من الادوار الهجومية

فأنا لا ألوم اي لاعب فطبيعي ان يكون نجم المباراة مدافع مع مورينهو لأنه مدرب لا يجيد سوى الدفاع و اللعب على المرتدات وهذا اسلوب ممكن ان يلعب فيه فرق مثل استون فيلا و ساوثهامتون ليس فريق بحجم تشلسي يلعب بهذه الطريقة وهو يمتلك عناصر فتاكة صراحة لا تعليق

مباراة فخمة تكتيكياً ، الاغلبية زعلانين ليش المو نزل هذه المباراة بذا التكتيك والتكتل الدفاعي البحت ؟ لو بنحسبها منطقياً بنشوف ان المو لعب بتشكيلة وطلع فيها بأقل الاضرار ، وقدر يتحكم فمعظم مجريات المباراة .. والاعتماد الكلي على المرتدة او خطأ من الخصم ممكن يخطف له هدف ويطلع فيها بالنقاط الثلاث .. وان م حصل ها الشي قالنقطة من ارض مانشستر تعتبر جيدة .. كان يمديه يفتح اللعب ويعطي المباراة حقها من الاهداف لكن هذا الشي ممكن يضره كنتيجة ، الجميع كان يتحرك منظومة وححدة ، واضحة جداً تعليمات مورينهو .. شفنا انضباط تكتيكي كبير من ال 11 لاعب داخل الملعب .. هازارد ، بروين ، شورله ، كلهم اتقنو ادوارهم على اتم وجه ، اوسكار كان نجم الشوط الاول ، حاول فكذا هجمة لكن م توفق فيها ، ولو بنجي نحسب كم هجمة خطيرة للمانيو ف تنعد ع الاصابع ، 3 ل اربع هجمات .. نفس الشي ل تشلسي ، المباراة كانت تمشي بنسق عالي وكانت حرب في وسط الملعب ، الفريقين قدمو مباراة كبيرة على المستوى التكتيكي مع افضلية للمانيو .. نزول توريس كان حل اضافي هجومي لكنه افتقد للصانع اللي يحطله كورة قدام المرمى ( ماتا ) ، وعلى طاري الاخير ، وصولاً للدقيقة 80 المو اقتنع ان التعادل جيد كنتيجة وماحب يغامر اكثر ، فعشان كذا شفنا نزول ميكيل على حساب شورليه وازبي بأخر الدقايق .. لو بنفكر شوي محد يقدر يلوم المو .. تلعب ثالث مباراتك بظرف 6 او 7 ايام ، وخارج ارضك وعندك بعدها نهائي سوبر! ابداً محد يلومه ليه مانزل ولعب بشكل هجومي .. هو حاول يلعب ويخرج بشي مرضي .. ان قدرنا نجيب الفوز وفي حالة صار ذا الشي ممكن نشوف تطبيل للمو يوصله للسما .. لكن التعادل كان خطة بديلة وكافية انك تقول نتيجة مرضية ، الشي اللي م كنت حرضى فيه هو الهزيمة لأن تقفيلك الدفاعي طوال ال 90 دقيقة م حيفيدك بشي .. وهذا اللي ممكن يقهرك وتلوم مورينهو عليه ، لكن طالما ان النتيجة صبت في مصلحة تشلسي ولو بنقطة فيعتبر شي جيد ،

وليدوه رردك يمثلني ، اتفق معك بكل كلمة كتبتها
ومبروك النقطة ، عقبال نفرح بالسوبر الاوروبي يوم الجمعة

خلص الكلام ي بو اديلا ق1

الحارس اللي فوقه رقمه 208 الظاهر! قادر على كسرر رقمه بالراحة
اللي متأكد من المعلومة يعطينا اياها

ملخص لمباراة تشلسي ومانشستر امس