جميع أهداف لامبارد ال 203 وكيفية تسجيلها ..

مدري وين ابدى بعد هالقطعة ، اباركلكم لتأهلنا للأبطال او نتحلطم ع غياب هازارد الشبه مؤكد بالنهائي

بس خلونا نبدى بتأهلنا للأبطال ، خصوصاً ان اللي وصلنا معشوق الجماهير و هداف الفريق التاريخي ، لامبس ، وش تسوي ياخي و الله عيب كذا خليت مهاجمين الفريق المعتزلين منهم او الراحلين او حتى الموجودين يتخذون وضعية المزهرية ، لاعب خط وسط يسجل 203 هدف ياخي حتى لو تلاحظ تمركزه داخل منطقة ال 18 مفروض يدرس للبراعم و للشباب و حتى للمهاجمين الحاليين ، و الهدفين اكبر مثال عاد تصدقون اني كنت اطالب بخروجه و دخول اوسكار عشان يكون رتم اللعب اسرع ما اقول غير كل تبن ي انا

الفريق كان محشور من قبل الفيلانز بعد طرد رامي الغير مبرر ، ياخي قسم ان طرد رامي نفعنا ، من بعد طرده جاء لويز بدال العاهة الوصخ الحقير اغبى لاعب بالتاريخ موسيس قسم ان كالو بالنسبة لك ( ظاهرة ) عاد تحرر فرانكي اكثر و تحسن الفريق و قدر يمسك اللعب بعد طرد بنتيكي البثر ع العموم لا تخلونا ننسى مجهود هازارد بالهدفين خصوصاً بالهدف الثاني عمل شي جبار ون تو خرافي مع اشلي و بعدها لمح فرانكي هو و تمركزه الخرافي و من ثم هدف جعل فرانكي هدافنا التاريخي بس ياخي ودك تمسك توريس بالهدف الثاني و تقوله انا ابفهم مين المهاجم بينكم انت و لا فرانكي ؟ .. مباراة للتاريخ كل شي فيها حلو بس اللي ضيق صدرنا بهالمباراة هي اصابة هازارد ، اعنبوه من سبرنت بيحرمنا منك بالنهائي !



هدف عادل به بوبي تامبلينج و هدف اعاد به الأمل للفريق ، كم انت كبير ي فرانكي
ماحد يختلف ع المجهود اللي سواه فرانكي بالهدف هذا لكن بعد لا تنسون الثلاثي الامظلوم : ازبي - ماتا - هازارد ياخي دايم و ربي دايم لو تلاحظون يطقطقون عند الخط و بعد مايطقطقون و يهجم واحد منهم الهجمة ي تنتج عن هدف ي عن هجمة خطيرة جداً جداً جداً



Lampard203
203 مرة جعلتنا نصرخ باسمك ، 203 هدف سجلتها للفريق ، بإختصار ع مدار 11 سنة سجلت لنا و افرحتنا 203 مرة اكثر من اي مهاجم مر ع تاريخ الفريق

شباب فيه واحد قالي
اليوم ان فالكاو وقع مع موناكو بشكل رسمي
حاولت اتـأكد من الخبر ماعرفت
ياليت احد يطمر يتأكد لنا

وشكرا مقدماا

^

يقال .. للأن مافيه شي رسمي ..

=

http://vb.alhilal.com/t1148366.html

تقرير سويته لفرانكي .. مفصل تفصيل عن مسيرته التهديفيه وكيف وصل ل كسر رقم بوبي تامبلينق وفيه إضافات حلوه
تعالو كل أبوكم ي تشلساويه .. نبي نشعلل الموضوع ..

إقتباس الرسالة الأصلية كتبت بواسطة kun khalid ^ يقال .. للأن مافيه شي رسمي .. = http://vb.alhilal.com/t1148366.html تقرير سويته لفرانكي .. مفصل تفصيل عن مسيرته التهديفيه وكيف وصل ل كسر رقم بوبي تامبلينق وفيه إضافات حلوه تعالو كل أبوكم ي تشلساويه .. نبي نشعلل الموضوع ..

يالبى قلبك ياشيخ , يستاهل فرانكي , جايك بعدين برد فيه هياط بس اذا فضيت

إحصائية ل فرانك لامبارد ، موضحة بشكل بسيط

السلام عليكم ورحمة الله وبركاته

مساء الخير للجميع

بدون مقدمات / وحشتوني

نقاط كثيره تحتاج التوقف عندها لكن بتكلم عن ابرز الأحداث في الفترة الأخيرة

موسم عظيم للفريق مرهق بشكل غير طبيعي .. المشاركه في جميع بطولات الموسم حدث تاريخي بحد ذاته .. تعامل الفريق ماكان بشكل طيّب معها , الجميع يتحمّل ذلك لكن هناك رجل أحمّله ماحدث للفريق بشكل كبير ألا وهو ( دي ماتيو ) !

تعامل ماتيو في إستعدادات الفريق ماكان كويس وغير كذا فرّط في لاعبين كان لهم ثقلهم في الفريق أبرزهم ميريليس اللي حاجته ومكانه في الفريق واضح حتى الآن !

لدي كلام كثير عن ماتيو لكن ماهو وقته لعلي وقت لاحق بإذن الله أتحدث عنه مع اني كنت من المؤيدين لإستمراره بعد الأبطال وغير كذا بيجي وقت الصيف وانواع الفضاوه لذلك أأجل نقاشه بعد ماينتهي الموسم أقل شيء نلقى شيء نتناقش فيه

الفريق في الفترة الاخيره وضعه ممتاز , مستوى ونتيجه وروح وشخصيه داخل الملعب .. من يشاهد مستوى الفريق حالياَ يتعجب من فريق في هالمستوى واللاعبين ماكان منافس على الدوري !

مباراة الفريق غداً مهمه جداً تاريخياً ونفسياً ومادياً وانقاذياً وكل شيء في الحياة , من الظلم بعد كل المشاركات هذا الموسم أن يخرج الفريق خالي من اي بطولة , بعد الدوري وخسارة بطولة العالم أرى بأن هذه البطوله أهم من الكأس الإنجليزي , الفوز بها يعني بأنه حدث تاريخي لم يحدث من قبل ولن يحدث قريباً أن تحرز لقبين أوروبيين في موسمين متلاحقين !

غير كذا راح تعطيك فرصه ايضاً في الحصول على بطولة السوبر الأوروبي

2012 بطل أبطال أوروبا
2013 بطل اليوربا ليج
2014 بطل السوبر الأوروبي

أي انجاز واي تاريخ راح تسجله , وهي لنا بإذن الله , فريق تعوّد على كسر الأرقام القياسيه وهذا انجاز قياسي جديد من نصيبنا باذن المولى

غياب هازارد لو تأكد بيكون خساره كبيره , هازارد وماتا واوسكار اذا اجتمعوا ماتقدر عليهم , ثلاثي لا تتنبأ بما يفعل واضف اليهم راميريز

رافا يجب عليه الفوز بمعركة الوسط وماراح يقدر على ذلك الا اذا لعب بلامبارد الحقير اللي دهور حياتي وجنني وعذبني وسهّرني الليل

لويز ...... رامي

لامبارد

ماتا ................. اوسكار

توريس

ارى بأن هذه الطريقه أنسب طريقه يدخل فيها الفريق للتصدي لحماس بنفيكا واندفاعه

بالنسبه لفرانكي انسان مايستحي وانسان خلاني انطرم بعد هدفه الثاني في الفيلا واحرجني كثير مع نفسي يالى العرب ياشيخ

وآآآآآآسف على القطعه ويعلم الله انني حريص جداً على التواصل معكم وأنشأت حساب في التويتر من اجلكم بحكم انه اقرب واسهل للتواصل

Twitter: @Dnedl

قواكم الله .. وسلامي عليكم واحد واحد

من التويتر الرسمي ..

هازارد و تيري و روميو و با رايحين مع الفريق .. مع شكوك حول مشاركة هازارد و تيري ..

ماتا منزل صورة لروميو بعد التمرين قبل كم يوم .. يعني رجع يتمرن ..




اما بخصوص با فاتوقع عشان التتويج و كذا ان شاء الله






هدافنا الجمميل





يسلك للاعلامين





ايفا و خشيمان المظلوم .. والله مظلوم ياناس






ان شاء الله تكون البطولة من نصيبنا

من تويتر الرسمي حق هازارد :

حزين اني ماراح العب بكرا ، وبساند فريقي حتى النهاية