تصريح بينيتيز , إيفانوفيتش , كآهيل بعد مباراة توتنهام

نقطة أفضل من لا شيء .. الفريق ضيعها بنفسه .. اللي مخفف عني الغبنة شوي نقاط مباراة المانيو الثلاث اللي حصلنا عليه ..
نفسياً كنت مجهز نفسي ل التعادل بحكم ظروف تشلسي وعامل الإرهاق اللي نعيشه .. بس على سيناريو الشوط الأول طمعت ب الفوز

كان بالإمكان إنهاء الشوط الأول بفارق هدفين وبأريحية كبيرة .. بس هدف الأديب لخبط الأوراق كلها .. هدف يتحمله خط الدفاع وبالتحديد أزبي وكاهيل اللي تاركين الاعب يتمشى وياخذ أريحيته ب التسديد .. لو ضاغطين عليه شوي كان ضاعت الهجمة عليهم ..

برضو رعونة فريقنا ب تضييع الفرص كلفنا هدف التعادل ولو إنه جاي من تسلل .. وعلى الحكام السلام هذا الموسم ، أكثر موسم إنزرفنا فيه .. ذهاب المانيو ونقطتين مباراة الليفر والحين مباراة توتنهام .. 4 + 3 = 7 نقاط كانت كفيلة بوضعنا في مركز مضمون

تبقى للفريق مبارتين .. 3 نقاط من أي مباراة وللتشامبيونز .. لازال الأمل موجود وكل شي بيد الفريق .. مباراتنا الجاية قدام الفيلا في ملعبهم يوم السبت .. بنلعب معهم الظهر وحنا الوحيدين اللي بنلعب السبت لأن ورانا نهائي اليوروبا يوم الأربعاء .. أتوقع رافا م يغامر كثير ويريح كذا عنصر مهم للنهائي أبرزهم ماتا .. وبرضو م بيضحي ب هازارد 90 دقيقة كاملة .. ممكن نشوف ميكيل ومارين من بداية المباراة ، وممكن نشوف عودة تيري للتشكيلة الأساسية واللي غيابه ماله مبرر أبد ومستغرب من رافا تجاهله الدائم للكابيتانو .. بالرغم من إنه إذا شارك يكون أبرز لاعب ف المباراة فوق كذا يسجل !

أخر ثلاث مباريات للفريق مهمة جداً جداً ، مبارتين ف الدوري ومباراة باليوربا ( نهائي ) مطالب رافا بالفوز وإنهاء الموسم بشكل مثالي .. وبعدها يعطيه العافية ، وصل لمرحلة لا يحسد عليها وسوى اللي عليه .. مجهوده يشكر ف يذكر بالرغم من تخبطاته الغريبة في بعض المباريات ..

هاردلكم .. وبإذن الله نحسم مركزنا يوم السبت ونلعب النهائي بدون أي ضغوطات .. وإن شاء الله نتايج الخصوم تخدمنا

صور المباراة

















بقية الصور

Chelsea v Tottenham Hotspur - Pictures - Zimbio

شباب كني سمعت خبر ان موينهو مصرح انه مبسوط بالريال وما راح يجينا ؟

ياليت احد يأكل الخبر هذا صحيح ولالا؟

إقتباس الرسالة الأصلية كتبت بواسطة M&L&A شباب كني سمعت خبر ان موينهو مصرح انه مبسوط بالريال وما راح يجينا ؟ ياليت احد يأكل الخبر هذا صحيح ولالا؟

مورينهو ابدا ماذكر في احد تصاريحه انه مستانس بالريال .. المو الان في حاله مشاكل كبيره مع كاسياس وراموس وبيبي .. ان شاء الله كلها اسبوع ويصير فيه البلوز بطل الاتحاد الاوربي ومركز مؤهل للابطال ونسمع خبر قدوم مورينهو

تشلسي م شفتووش .. بوبي تامبلنق .. تصوير لويز مع الجماهير وأشياء أخرى ..

مباراة تشلسي اليوم ضد أستون فيلا ف الفيلا بارك ، الجولة م قبل النهائية ب الدوري الإنجليزي
المباراة تبدأ السسسساعه 2 و 45 ظهراً ، المباراة الوحيدة اللي تلعب اليوم بحكم نهائي اليوروباليق

مباراة الذهاب إنتهت 8 - 0 ل تشلسي

التشكيلة المتوقعة ل مباراة اليوم



الفوز يعني رسمياً ضمان مركز مؤهل للأبطال
نقول يارب

الله يوفق ، ونفوز ونضمن لنا حته في الأبطال الموسم القادم ..

الشرهه على اللي يتحمس لهم .. الشوط الاول أنتهى 1-0 لهم و طرد لـ حماريز
و تيري بينطرد الشوط الثاني 100%

فريقنا ملعوب عليه بهالخوال !

لي عودة لما أروق الليل و أنتفهم واحد واحد خصوصا موزيس


لا تتأملون بالعودة .. خلاص هزيمة و الحسم بيتأجل للجولة الأخيرة

مبروك الفوز و التاهل الرسمي للابطال .. مابغينا
لامبارد هازارد تشيك كلهمم ماقصروا , الشيء الكويس في رافا اليوم ما تفلسف و دخل العاههة بيض عيون , تحسب لرافا ذي

لامبارد 203 ! مش معقول يالامبارد .. ان شاء الله يستحون على وجههم و يجددون معه

مبرووك التأهل للأبطال


ومبروووك لفرانكي 203

ياليت تطمنوونا على اصابة تيري