كواليس تصوير الطقم للموسم القادم .. تواجد ميكيل وأزبي وأشلي وراميريز وهولاريو وروميو بالإضافه للمازكار وتوريس وكاهيل وتيري وتشيك

لامبارد فقيده لا يكون بس ..

إيه نعم إحنا المستحيل للي م يعرفنا رز ها الصوره بخشته

( مبروك الفوز ي رقاله ، 3 نقاط من ملعب خصمك وتطلع ب كلين شت ؟ كلام كبير )

م شفت المباراه بسبب العزيمه اللي مب في وقتها أبد ، بس وش يمنع إننا نتغزل ب الحب ؟

،











هدف سينمائي لو تعيده مليون مره م تمل منه .. بكل مره تعيده لا شعورياً تقول " يلعن شكلك ي لويز " هدف خرافه .. من أحلى الأهداف ل تشلسي بالمجمل هذا الموسم القوه ب التسديد ، التركيز ، الزاويه الصعبه ، الفرحه شي خرافي ي الكدش .. لوزيتو رجله حلوه ع الباب لكن مشكلته تحكمه مزاجيه غريبه .. يعني تشوفه من 20 تسديده وحده منها ع الباب والباقي دورها عند الجماهير .. ميزه لويز إنه قابل للتطور ، يتعلم بسرعه .. يبي يجرب كل شي حتى الفاولات م خلاها .. مع التمارين والجهد والصبر بيوصل ل مرحله الاعب المتكامل .. ومحد محسود فيك غيرنا حنا ي لويز واصل



ردك قاسي ي الأسد إنتقدناه بمباراه كازان ورجع ورد علينا بقوه بهذه المباراه ، شايل دفاعنا وطالع ب تشلسي ب كلين شت وفوق كذا تسجل هدفين ؟ مالنا إلا الصمت والتصفيق على إستحياء .. بديت شبه متأكد إن تعثر أسدنا م هو إلا مجرد كبوة جواد ، وماهي إلا فتره ويرجع لنا فيها تيري اللي نعرفه .. تيري الصلب .. تيري الروح .. تيري المدافع الهداف بالرغم م عاناه هذا الموسم إلا إنه واقف شامخ م هزه الريح ، ومهما وصل ل مرحله من السوء يبقى ب أدنى مراحله يصنع لك فارق ف المباراه بأي طريقه كانت على مستواه هذا يستاهل مننا إعتذار جماعي .. إيه ي تيري حنا أسفين ي بعد راسي أنت دمت قائداً وملهماً وروحاً لنا ي كابيتانو



وش تمنى ؟ أبي تبقى معاي وفيك

وجهان ل عمله واحده .. تقلب من ها الجهه بتلاقي صرخه أسد ، بتقلب الجهه الثاني بتلاقي نظره محنك .. نظره قائد خفي .. وجوده ف الملعب يعني الأمان .. لامبارد ومن غيره ؟ رغم توقف مكينه الأهداف إلا إنه دينامو الفريق .. المحرك رقم واحد للوسط .. لا تقولي أوسكار لا تقولي راميريز ولا ميكيل .. لامبارد الكوره برجله غيره .. رجله ثقه ، ياخي إنتا غير الناس عندي .. إنتا عندي شي كبير أقسم بالله خلص المدح فيك ي فرانكي .. وش نقول وش نخلي ؟ الله لا يخلينا عنك بس .. والله يعمي إبراموفيتش عن غيرك




صح الهدف جاك مقشر .. بس بنفس الوقت م نجحد حق توريس ومجهوده بالهدف .. وأقل شي ممكن تقدمه له إنك تفرح معه وتشاركه إحتفاليتك ب الهدف .. بالضبط مثل اللي سواه تيري إحقاقاً للحق توريس في تطور ملحوظ ، معقوله كل ذا بسبب القناع ؟ قولو لا لأن بصراحه بديت أقتنع بها الشي !

،

أختم ردي ب



عندما تكسر القاعده ، ويكرم الأسطوره أسطوره مثله .. أشياء م تحدث ولن تحدث إلا مع تيري لامبارد

* Respect *

http://vb.alhilal.com/t1146085.html

تشلسي م شفتوش .. كواليس إعلان طقمنا الرسمي للموسم القادم + سفر الفريق ل روسيا ل مواجهه كازان باليوروباليق ..

الطقم من شكله اشوفه عادي لكن نصبر ونشوف بشوف الاخطوط الي على الصدر كيف وضعها هل هي مثل خطوط فنيلة الهلال العرضيه الموسم الماضي او فيه فرق

من تدريبات الفريق ل مباراه بكره ضد ليفربول



تحمست ي هازارد خخخخخخخ

ادري انها شطحة ، بس اعجبتني الصوره

غريب امر هالرافا تشكيله سيئه ومستوى اسوا

مدري وش الفايده من جلوس تيري ولامبارد وديمبا احتياط

حتى تغيراته غريبه

هارلكم التعادل المخيب

الله يلعن الحكم ابن الكلب ..
دوري رشاوي ..
+
بينيتيز وش يحس فيه وتبديلاته المخيسة