من وجهة نظركم ،،، من يستحق رجل المباراة ؟؟؟ { تشيلسي - مانشستر يونايتد }

صراحة مبسوط لفوز تشيلسي مع اني مانشستراوي بس مش متعصب

بسبب ان سبب الفوز بعد الله طبعا هو ديمبا با وتوقعت لما شفته اساسي انه بيسوي شي ..

الفترة الحالية اللي يمر فيها تشيلسي تذكرني بالهلال السنة الماضية .. جاب مدرب ثم يفوز بمستوى سيئ او يخسر ثم تغير المدرب وعلى نفس الحال يفوز الفريق بمستوى سيئ او يخسر لكن كان الهدف هو التأهل لدور 8 في اسيا وتأهل الفريق

والان السيناريو يتكرر مع تشيلسي .. تمديد عقد دي ماتيو ثم الفوز بنتائج سلبية وبدون مستوى او الخسارة وتم اقالته وجلب بينيتز ولا تغير بالفريق شي وعلى نفس الحال يفوز بمستوى سيئ او يخسر والهدف من التعاقد مع بينتيز هو الحصول على مركز مؤهل لدور الابطال واعتقد سينجح بينيتز بهذا الشي

اعتذر على الاطالة

]| دوري أبطال أوروبا - ذهاب دور ربع النهائي - |[

الف مبروووووووووك لــ بطل اوروبا البلووووز .... تبقى الأسود أسودا والكلاب كلاب يا مانشستر خخخخخخخخخ

خويلد ياخي احبك و الله اني جاي و كنت مجهز كلام طول بعرض عن المباراة بس من شفت ردك سويت فرمات لعقلي و قلت له اركد خويلد كفى و وفى فلذلك بس ابعلق ع صور ، وشسمه صح نسيت اقول مبروك عقبال مانصقع روبن كازان و نلزخ فولهام و سندرلاند و نرجع للمركز الثالث ، يارب



ي عمري ع الفكرة ع النظرة ع الصناعة خوانيتو ب 105 مباراة سجل 30 هدف و صنع 50 و مع ذلك مُهمش تهميش تام من قبل الجميع بإستثناء جماهير البلوز هو بمثابة فرانكي اخر للجماهير هو بمثابة رئة ثالثة للفريق هو خوانيتو

و لا يهون ديمبابا ع التحرك ع مباغته لديا خيا و فيردناند ع اللمسة اكثر ما شدني بالهدف هو شيئين الأول تحركه يعني تخيلو لو توريس بداله هههههههههه كان انبسطنا انه ناول صح
و الشيء الثاني هو الفينيشينق ركنها بالمرمى بدون مايشوف المرمى
هالهدف يذكرك بهدفه عليهم يوم انه مع المكبايس بس بطريقة افضل و بصناعة افضل و كأن لسان حاله يقول : كما فعلتها مع المكبايس ي مانيو ها أنا الآن افعلها مجددا لكن مع البلوز ي مانشستر



روح تيري ماحد يختلف عليها ، لكن اكثر شيء شدني بهالصورة هي روح ازبيليكويتا اول موسم لك و تفرح هالفرحة و تقدم هالمستوى هذا ليس له إلى تفسير واحد ألا و هو اننا نشهد اسطورة قادمة و خالدة للفريق ان شاء الله



تكريم لامبارد بوصوله الهدف رقم 200 له مع تشلسي ، عقبال ما الجمهور يزفك و يكرمك بمناسبة تحطيمك لرقم بوبي تامبلينج




تصدي خرافي ، تصدي خيالي ، تصدي للتاريخ ي تشيك ، لو اكتب إلى بكرا لن أستطيع وصف هالتصدي فلذلك لا تحاول توصف الحدث و اسكت و اقعد تمقل بهالتصدي الخرافي و احمد الله ان حارسنا بيتر تشيك


صورة عن الف كلمة ي ديمبابا ، اسجد و احمد الله انك مسلم قبل كل شيء
قمة العزة و الرفعة و الفخامة تكمن في هالصورة شكر الله قبل ان يفرح ، تذكر الله قبل كل شيء

اليوم مباراتنا بالدوري الأوروبي .. ضد روبين كازان > فريق م أعرف عنه شي بس واضح من إسمه إنه غثيث وبيتعبنا !
الفريق لازم يخلصها اليوم .. مباراه في أرضك وطالع بفوز من قدام مانشستر بالكاس ومتأهل للسمي فاينل وأمورك ف السليم !

مانبي نخطي خطأ تتعقد فيه حساباتنا قدام .. خلقه جدولنا مزحوم .. وعندنا سباق ع المركز المؤهل بالإضافه لبطوله الكاس !
أتمنى رافا م يخبط ويلعبها صصح .. اليوم نبي نفوز بنتيجه وأداء ونروح لهم الأسبوع الجاي تحصيل حاصل ..

ب التوفيق للفريق بحصد بطاقه التأهل للدور القادم

+

هناك أخبار تويتريه يقولون بكره تشلسي راح يعلن عن طقمه للموسم القادم ..
بنوافيكم ف الجديد إن وجد

يعطيكم العافيه

قوز بدون طعم, أطلع من البطولة اللي ماوراها الا شوفة هالصهيوني, ولا يسجل توريس هدفين

أهداف المباراة :

‫تشيلسي-روبين كازان[3-1]اهداف اللقاء4-4-2013‬‎ - YouTube

مبروك الفوز .. الفتره هذه المستوى م يهم بقدر م يهمني الإستمرار بالإنتصار وتحقيق الثلاث نقاط .. 3-1 نتيجه مطمئنه نوعاً ما ، الفريق قادر ب أرض الروس تحقيق الفوز أو حتى التعادل كأقل تقدير .. الود كان بخروج شباكنا نظيفه لكن هدف مقابل تحقيق 3 أهداف شي كويس .. بمجرد تسجيل هدف بأرضهم راح تتعادل الكفه

الكل أبدع .. تشيك م إختبر كثير ، الدفاع كان تمام بإستثناء البلنتي اللي تسببو فيه .. الوسط كان مميز بشكل عام نظراً لتكتل دفاعات الخصم كان الفريق معتمد بشكل كبير على الكرات الطوليه اللي ترسل ل توريس واللي بدوره ي يحضرها للقادمين من الخلف أو يكون مع مواجهه الباب مثل م شفنا بالهدف الأول ، ولا أهضم حق لويز بالأسست الخرافي

موسيس أشوف إنه يملك الكثير .. مستوياته معنا ولا شي نظراً ب مستوياته مع ويقان .. مداورته مع مارين المهضوم حقه مطلب من رافا لإخراج أفضل ما لدى الإثنين .. ممكن طريقه لعب تشلسي م تمشي مع موده في معظم الأوقات لكن يبقى موسيس لاعب يفرق وموهبته تجبره يعطيك بشتى الطرق اللي تبيها ..

هدفهم أجبر رافا يدفع بأوراقه الهجوميه ( هازارد - أوسكار ) .. الهدف الثالث كان ضروري لتخفيف الضغط وإعطاء أريحيه أكبر للفريق ف الإياب .. والحمد لله توريس كان بيومه وقدم مباراه كبيره من فتره طويله .. الكروس الخرافي من ماتا والإرتقاء والفينيش من توريس شي يحسب له .. ولو تلاحظون إن بدايه الهجمه بدت من عند توريس .. أمنيه أمنيه إنه يواصل على ها المستوى على أمل تحقق ! أقل شي يتوج موسمه بهذه البطوله ويعوضنا عن حواق الدوري بالدور الأول اللي قدمه لنا



متعوده ي توريس متعوده خخخخخ السؤال متى بتضبط معه وتجي بالملي للاعب اللي ينهيها ف الباب ؟

=

إقتباس شكلها بطولتنا الثانية هالموسم لإن ما أشوف إلا زلايب في هالبطولة و صيده و تعوضنا هالموسم و منها يكون فريقنا حقق الأبطال و بعدها الدوري الأوربي بسنتين متتاليه

+1

وتكون أول فريق يحقق الأبطال وبعدها على طول يحقق الدوري الأوروبي ؟ مب شينه .. ولو يبعد تفكيرك شوي وتشوف إنك في حال حققت البطوله بتقابل بطل الأبطال بالسوبر الأوروبي ؟ لو أنا من رافا جدياً راح أحقق البطوله وأعطي الفريق فرصه ثانيه لتحقيق السوبر الأوروبي اللي م حققها الموسم الماضي ..

إقتباس توقعاتي .. 80 % بنتأهل لدوري الأبطال و يحقق الدوري الأوربي

بعد إصابه بيل وتأكيد غيابه من 4 ل أسابيع .. فرص حظوظنا بتحقيق الثالث كبيره جداً .. خصوصاً إنه راح يغيب عن مواجهتنا معهم ب البريدج .. بس عسى الفريق م يخسر نقاط أكثر ويضيق الفرص على نفسه .. لا تنسى الأرسنال والإيفرتون ع الخط !

إقتباس الصهيوني أبدع اليوم ، الأسوا رامريس كالعادة إذا لعب مع لامبارد يجي كميه حموضة بالنص ، تيري يشوف حل ليده آزبيكلوتا ما زال يبدع و بيتراند شكله بدأ ينضج

معك بنقطه الصهيوني وأزبي .. أختلف مع نقطتي رامي وبرتراند .. رامي المباراه هذه لعب كمحور متأخر وهذا الشي اللي خلاه م يظهر بشكل هجومي أكبر مثل م كان يتوقعه البعض أو متعود عليه .. إرجع للمباراه وشوف أدوار رامي دفاعياً من إستخلاص للكوره وتهدئه الرتم وبناء الهجمه .. بتلاحظ إن رامي له دور كبير جداً .. لامبارد كان متحرر أكثر بس الإرهاق لعب فيه وواضح عليه ها الشي .. عشان كذا تظن إن شراكتهم سئيه وحقيقه ماهي بذاك السوء .. يعني لو شلنا رامي وحطينا ميكيل بيكون الوضع نفسه ..

بالنسبه ل برتراند أنا أشوفه موهبه قادمه هاضمين حقها الكثير من التشلساويه .. عشانه لعب كم مباراه جناح وظهر بمستوى سيء جداً ؟ إوك أنا معكم بها الشي والاعب بمركز الجناح من أسوء لكن م تخليني أبني ذيك الصوره السيئه للاعب وتخليني أكرهه من نسمع طاريه ؟؟ مثل يوم طلع أشلي إصابه ونزل مكانه نص التشلساويه تشائمو ! تراه صغير ، البعض يطالبه بمستويات تضاهي مستويات أشلي وأنا م ألومهم بها الشي .. نظراً لنعمه أشلي أكيد الجمهور مايبي يجي لاعب بعده يظهر أو يشوهه الصوره اللي كانت بمركزه .. بس لو يحكمنا العقل شوي بنلاحظ إن الاعب فيه حقه للأمانه خصوصاً على مستوى الدفاع .. المسأله الهجوميه بتجي مع الوقت والتطور وهذا اللي محتاجين حنا كجمهور نصبر عليه ..

عافاكم الله ي رقاله ..

جمهور تشلسي في مباراه الأمس يلبس أقنعه لمدربهم السابق جوزيه مورينهو

خلونا نسوي تصوييت وش رايكم ؟

اللي يعتقد إن مورينهو بيرجع يدرب الفريق الموسم القادم يعطيني لايك
واللي يعتقد العكس يحط الصوره اللي حاطها بردي هذا ويكتب تحتها لا أعتقد

والوعد الموسم الجاي مع تقديم المدرب الجديد