مبروك الفوز .. الفتره هذه المستوى م يهم بقدر م يهمني الإستمرار بالإنتصار وتحقيق الثلاث نقاط .. 3-1 نتيجه مطمئنه نوعاً ما ، الفريق قادر ب أرض الروس تحقيق الفوز أو حتى التعادل كأقل تقدير .. الود كان بخروج شباكنا نظيفه لكن هدف مقابل تحقيق 3 أهداف شي كويس .. بمجرد تسجيل هدف بأرضهم راح تتعادل الكفه

الكل أبدع .. تشيك م إختبر كثير ، الدفاع كان تمام بإستثناء البلنتي اللي تسببو فيه .. الوسط كان مميز بشكل عام نظراً لتكتل دفاعات الخصم كان الفريق معتمد بشكل كبير على الكرات الطوليه اللي ترسل ل توريس واللي بدوره ي يحضرها للقادمين من الخلف أو يكون مع مواجهه الباب مثل م شفنا بالهدف الأول ، ولا أهضم حق لويز بالأسست الخرافي

موسيس أشوف إنه يملك الكثير .. مستوياته معنا ولا شي نظراً ب مستوياته مع ويقان .. مداورته مع مارين المهضوم حقه مطلب من رافا لإخراج أفضل ما لدى الإثنين .. ممكن طريقه لعب تشلسي م تمشي مع موده في معظم الأوقات لكن يبقى موسيس لاعب يفرق وموهبته تجبره يعطيك بشتى الطرق اللي تبيها ..

هدفهم أجبر رافا يدفع بأوراقه الهجوميه ( هازارد - أوسكار ) .. الهدف الثالث كان ضروري لتخفيف الضغط وإعطاء أريحيه أكبر للفريق ف الإياب .. والحمد لله توريس كان بيومه وقدم مباراه كبيره من فتره طويله .. الكروس الخرافي من ماتا والإرتقاء والفينيش من توريس شي يحسب له .. ولو تلاحظون إن بدايه الهجمه بدت من عند توريس .. أمنيه أمنيه إنه يواصل على ها المستوى على أمل تحقق ! أقل شي يتوج موسمه بهذه البطوله ويعوضنا عن حواق الدوري بالدور الأول اللي قدمه لنا



متعوده ي توريس متعوده خخخخخ السؤال متى بتضبط معه وتجي بالملي للاعب اللي ينهيها ف الباب ؟

=

إقتباس شكلها بطولتنا الثانية هالموسم لإن ما أشوف إلا زلايب في هالبطولة و صيده و تعوضنا هالموسم و منها يكون فريقنا حقق الأبطال و بعدها الدوري الأوربي بسنتين متتاليه

+1

وتكون أول فريق يحقق الأبطال وبعدها على طول يحقق الدوري الأوروبي ؟ مب شينه .. ولو يبعد تفكيرك شوي وتشوف إنك في حال حققت البطوله بتقابل بطل الأبطال بالسوبر الأوروبي ؟ لو أنا من رافا جدياً راح أحقق البطوله وأعطي الفريق فرصه ثانيه لتحقيق السوبر الأوروبي اللي م حققها الموسم الماضي ..

إقتباس توقعاتي .. 80 % بنتأهل لدوري الأبطال و يحقق الدوري الأوربي

بعد إصابه بيل وتأكيد غيابه من 4 ل أسابيع .. فرص حظوظنا بتحقيق الثالث كبيره جداً .. خصوصاً إنه راح يغيب عن مواجهتنا معهم ب البريدج .. بس عسى الفريق م يخسر نقاط أكثر ويضيق الفرص على نفسه .. لا تنسى الأرسنال والإيفرتون ع الخط !

إقتباس الصهيوني أبدع اليوم ، الأسوا رامريس كالعادة إذا لعب مع لامبارد يجي كميه حموضة بالنص ، تيري يشوف حل ليده آزبيكلوتا ما زال يبدع و بيتراند شكله بدأ ينضج

معك بنقطه الصهيوني وأزبي .. أختلف مع نقطتي رامي وبرتراند .. رامي المباراه هذه لعب كمحور متأخر وهذا الشي اللي خلاه م يظهر بشكل هجومي أكبر مثل م كان يتوقعه البعض أو متعود عليه .. إرجع للمباراه وشوف أدوار رامي دفاعياً من إستخلاص للكوره وتهدئه الرتم وبناء الهجمه .. بتلاحظ إن رامي له دور كبير جداً .. لامبارد كان متحرر أكثر بس الإرهاق لعب فيه وواضح عليه ها الشي .. عشان كذا تظن إن شراكتهم سئيه وحقيقه ماهي بذاك السوء .. يعني لو شلنا رامي وحطينا ميكيل بيكون الوضع نفسه ..

بالنسبه ل برتراند أنا أشوفه موهبه قادمه هاضمين حقها الكثير من التشلساويه .. عشانه لعب كم مباراه جناح وظهر بمستوى سيء جداً ؟ إوك أنا معكم بها الشي والاعب بمركز الجناح من أسوء لكن م تخليني أبني ذيك الصوره السيئه للاعب وتخليني أكرهه من نسمع طاريه ؟؟ مثل يوم طلع أشلي إصابه ونزل مكانه نص التشلساويه تشائمو ! تراه صغير ، البعض يطالبه بمستويات تضاهي مستويات أشلي وأنا م ألومهم بها الشي .. نظراً لنعمه أشلي أكيد الجمهور مايبي يجي لاعب بعده يظهر أو يشوهه الصوره اللي كانت بمركزه .. بس لو يحكمنا العقل شوي بنلاحظ إن الاعب فيه حقه للأمانه خصوصاً على مستوى الدفاع .. المسأله الهجوميه بتجي مع الوقت والتطور وهذا اللي محتاجين حنا كجمهور نصبر عليه ..

عافاكم الله ي رقاله ..

جمهور تشلسي في مباراه الأمس يلبس أقنعه لمدربهم السابق جوزيه مورينهو

خلونا نسوي تصوييت وش رايكم ؟

اللي يعتقد إن مورينهو بيرجع يدرب الفريق الموسم القادم يعطيني لايك
واللي يعتقد العكس يحط الصوره اللي حاطها بردي هذا ويكتب تحتها لا أعتقد

والوعد الموسم الجاي مع تقديم المدرب الجديد

مقنعنا القووي

.

.

.

.



هدف موسيس * متحركه *

مبروك الفوز و بهالوقت لو مستواك غبي و مقيل و تجي الاهداف من اغبي الطرق كنكبة موافقين فيها اهم شيء تفوز الحين ، اسبوع رائع و كان بالإمكان ان يكون اسبوع خرافي لولا تعثرنا امام ساوثهامبتن بس ماعليه دام بيل بيغيب عن مباراتنا ضدهم بالبريدج و فوق هذا بتبقالنا مباراة مؤجلة ضد فولهام ، نرجع للمباراة
الفريق كان كويس بالشوط الأول ووكان ماسك اللعب لكن للأسف جا بلنتي و عكر جو الفريق مما ارغم رافا ان يلعب هازارد و اوسكار عشان يسجل الثالث و يسافر لروسيا و هو مطمئن ، كلنا تمنينا كلين شيت لكن الله يقلع الحكم حسب علينا بلنتي برأيي كانت غير متعمدة و مو معقولة تيري عنده وقت يوخر يده و مابينه و بين ذاك إلا 10 ياردة ، الزبدة 3-1 كويسه و الفوز بهالبطولة + المركز الثالث راح ينقذ موسمنا من الحضيض و نكون رابع نادي ختم كل البطولات الأوروبية !



من الآن قلنا نتأمل فيك و لا لا ؟
من يوم جاء ديمبا و هو يستبسل بلعبه و يقاتل ع الكورة ، عاد عسى يستمر ع هالمستوى او يتحسن ان شاء الله



اكاد لا أصدق عيناي ، موسيس يسجل ، لا و هدف رائع بعد ، و بن عيون و بيرتراند المظلوم و توريس يبدعون بهالمباراة و يكون اسوا لاعب فرانكي !! مباراة غريبة

^

الله يرجك لحستني قلت وش فيني راد مره ثانيه خخخخخخخخ

=

تصريح الليدر تيري بعد المباراه



جميع الاعبين لعبو بشكل جيد / أتفهم مبدأ المداوره



يجب أن أتدرب أكثر وأحاول التأثير على المدرب / هذا شي مهم من أجل اللعب جيداً



نحن متحمسون للعب من أجل الشعار ومن أجل النادي / وهذا الشي الرئيسي للعب كره القدم

رياكشن بعد المباراه ، فيكتور موسيس ..

بعض الأحيان لغة الأرقام توجع ،
إن صحت الإحصائيه ومع سوء مستويات والسجل التهديفي للأسماء الموجوده ، يبقى توريس وبمستواه السئ فوقهم

< لسان حاله يقول خلونا نهايط وش بنخسر خخخخ



من تسجيل الغائب الحاضر العضو .. $كاكا$

مبرووك الفووز على رووبن كازان .......


س/ متى مباراة نصف النهائي ضد الستي ؟

إقتباس الرسالة الأصلية كتبت بواسطة الزعـــ11ـــيم مبرووك الفووز على رووبن كازان ....... س/ متى مباراة نصف النهائي ضد الستي ؟

يوم الاحد 14 ابريل يعني بعد 9 ايام تقريبا

بشطح فيكم شوي ..

أمس قابلت واحد من الشباب مبطي عنه ، خدادي وأخبارك وينك مشتاقين لك ومن ها الكلام .. شوي يقولي تدري متى إشتقت لك صدق ؟ ويعطيني هذه السالفه مع خويه بالجامعه .. طبعاً خويي ذا مانشستراوي واللي قابله معه بالجامعه تشلساوي .. عاد يسولفون عن مباراه تشلسي والمانيو الأخيره وكذا .. يقوله التشلساوي ياخي أنا مبطي عن أخبار تشلسي .. من قطعت شبكه الزعيم ورابطتها وأنا قاطع أخبار الفريق .. خويي إنلخم هو يدري إني ماسك الرابطه .. عاد قام يستغبي عليه يقوله وش عندك هناك ؟ يقوله التشلساوي والله فيه ريسهم ماشاء الله عليه أخبار والشباب اللي معه مو مقصرين وأنا متابع لهم .. خويي يقوله عاد تدري إن ذا الريس خويي ؟ عاد ذاك إنصدم وقام يمدح وكذا وشوي يرثي الحال اللي حنا فيه بما إن وضعنا سيء ، م أخفيكم إن جاتني لحظه فخر وكبر راسي ومن ها الكلام خخخخ وبنفس الوقت حزنت على حالنا اللي حنا فيه

المستفاد من السالفه أعلاه إن كنت أنا ولا مشعل ولا أبو خالد ولا أي عضو تشلساوي كان متواجد هنا ويشارك سواء ترجمه أخبار أو طرح أراء إن لك متابعين يمكن أنا وأنت وفلان م نعرفهم ولا قد شفناهم ويمكن م سجلو معنا .. بس يبقون متابعين لك ولردودك ويمكن ينتظرون الثواني اللي يشوفون فيه رد أو خلونا نقول تحديث جديد بالرابطه .. ممكن تقولي والله إذا بيتابعني حياه بتويتر ولا فيس ولا أي طريقه بالتواصل الإجتماعي بس صدقوني يبقى للرابطه وللمنتدى بشكل عام نكهه خاصه .. بعض الأحيان فيه أشياء ودك تاخذ راحتك بالكلام وودك تقول وتاخذ وتعطي وتوصف م تقدر تسويها برى المنتدى ..

الخلاصه إني أنا وأنت لك متابعين ينتظرونك .. لا تحرمهم وتحرمني أنا شخصياً بقله تواجدك وردودك بالشبكه وبالرابطه بشكل خاص

فيديو رهيب جداً جداً ، مختصر ل وضع تشلسي في كل موسم يبداه ب مستويات بطله ومن بعدها يبدأ مرحله الدروب ومن ثم العوده ف النهايه وإنهاء الموسم ب لقب كأقل تقدير .. صاحب الفيديو أبدع ب إخراجه .. ولو إنه أوجع قلبي شوي في بدايته

Only RDM

إقتباس س/ متى مباراة نصف النهائي ضد الستي ؟

مش الأحد الجاي ، اللي بعده .. يعني بعد مباراة روبين كازان القادمة