إقتباس س 1 : كيف تشاهد المباراة وكيف ستسير ؟

رفعة ضغط كالعاده ، ف أبريح راسي وأقلب ما بين الكلاسيكو وقمة الأرسنال والليفر
أتوقعها تعادل ، وأبيها تعثر عشان راعي الحلال يتحرك ويجيب لاعب قبل لا يقفل السوق

إقتباس س 1 : التشكيلة المتوقعة

تشيك

أشلي / تيري / كاهيل / أزبي
لامبارد / رامي
مارين / أوسكار / ماتا
با

إقتباس س 2 : النتيجة المتوقعه

1-1 يسجله ماتا

يعطيكم العافيه وإعذرونا ع القصور

النقاش :

س 1 : كيف تشاهد المباراة وكيف ستسير ؟

مسابقة التوقعات :

س 1 : التشكيلة المتوقعة :
النكبه
أشلي تيري كأهيل سيزار
لامبارد رامي
مارين ماتا أوسكار
بإ
س 2 : النتيجة المتوقعه ؟
3/1 بإ ماتا لامبارد

نادي متقدم بهدفين إلى الدقيقة 86 ويلقم هدفين ويتعادل !!!!! فاشلين

مش ممكن الي يصير والله
شي يبط الكبد ويكره الواحد بمتابعة مباريات تشيلسي
من بعد التشاميونز ودفاع البلوز ركيك وسهل الإختراق
من بداية الموسم والفريق ما ثبت على تشكيلة دفاعية!!!
مدرب يسمع بالمداولة بين اللعيبة!!!
٥ مباريات و٥ خطوط دفاع متغيرة

الدوري وراح
كاس العالم وراح
كاس المحترفين وراح
كاس السوبر وراح
والطامة الكبرى التشامبيونز وانكرشنا

كل المحللين والنقاد لم يجدوا تفسير للحاصل بالبلوز
تشيلسي أصبح فريسة سهلة للQPR وريدينق والدور على ويقن

روح الفريق ضائعة ولا ادري وش السبب !! شفنا المانيو اول ما طلع من التشامبيونز العام الماضي ركز تركيز كلي على الدوري
اهمل الكأس والدوري الاوروبي والنتيجة كان منافس على اللقب إلي آخر ثانية
لاعبينا !!! ألف علامة إستفهام وبالأخص الشق الدفاعي

ي حيوان ي رافا انا معك ان عندك ( شح ) بالهجوم بس يمديك تغير الخطة ل ٢-٤-٤ و تلعب بتوريس و ديمبابا و يكون خلفهم ( رامي - لامبارد - اوسكار - ماتا ) افضل بكثير من إشراك بيرتراند انت لا اشركت بيرتراند انت بكذا رسميا انت تقتل الجهه اليسرى ( هجومياً )
بالرغم من اني ماتابعت المباراه إلا اني اجزم ان لو اننا داخلين ب خطة ٢-٤-٤ مع إشراك ديمبابا - تيري مع كاهيل و يكون ايفا ظهير اننا بنخرج بالثلاث نقاط
الهدف الأخير يتحمله الملعون ابن الملعونه ترنبول هو و تقدمه اللي نكبنا ضد الغجر و نكبنا ضد ريدينج
اللي حاصل للفريق هو حصاد مافعله إبراموفيتش لدي ماتيو الله ياخذك ي شيخ بس نقول لعل و عسى انك اخذت عبره من اللي حصل

إقتباس الرسالة الأصلية كتبت بواسطة Meshal995 اللي حاصل للفريق هو حصاد مافعله إبراموفيتش

إقتباس الرسالة الأصلية كتبت بواسطة رفـيـع الـشـان الصـلاة على الميت ،، يرحمـكم الله

السلام عليكم



لا جديد يذكر ولا قديم يعاد ، أي تعثر قادم للفريق ماراح يصدمني أبد ، ولا أستبعد إننا ننزل للرابع ويمكن نفقد كرسي يأهلنا للأبطال .. الفريق يلعب يدون روح ، بإنهزاميه ماعمري شفتها بحياتي ! الملام الأول بنظري إبراموفيتش الي ماغير يتلاعب بالمدربين وشغال طرد فيهم ، والحين جالس يشرب نتايج أفعاله ، من متى تشلسي كمل موسم على بعضه ب مدرب واحد ؟ نرجع ونعيد ونكرر الإستقرار عامل مهم جداً لأي نادي بالعالم ، متى م حضر الإستقرار نتج عنه مستويات إيجابيه وبطولات في نهايه الموسم .. ولنضرب بالفتح مثال .. رافا ألومه وبنفس الوقت م ألومه ، نفسه المدرب مشتت مايدري يركز على إيش ويخلي إيش ، مسألة إنك تجيبه بنص موسم وتطالبه ب بطولات هذه صعبه أولاً لبعده عن تدريب كرة القدم من فتره ، وثانياً لاعبينك في طور التأقلم مع مدربهم السابق ، تقوم تشيله وتجيب لهم مدرب جديد بفكر وخطط مغايره تماماً عن اللي قبله ؟ هذه شلها من راسك ي إبرا ..

صحيح بعض قناعاته تقهر في أغلب المباريات وبرضو تبديلاته الي ترفع الضغط ، بس بالأخير هو جاي يمشي الفريق لنهايه الموسم وبعده يتوكل ، داري إن مصيره كذا ولا كذا مكروش مكروش ، أحس بداخله يقول وش يجبرني أسوي شي كبير وبالنهايه أطلع مع الباب ؟ نقلبها مطرسه على حساب النادي ، وحطلك توريس المنتهي أساسي ، ويرجع لك الصهيوني ! ومحيط لي تيري الي متعافي من فتره ! با جايبه ليه ؟ مو على أساس مهاجمك ميت ولا تأمل فيه ؟ تقوم تحطه جنبك ؟ تدخلي إياه أخر 3 دقايق ؟ على أساس إننا مهزومين ومحتاجين هدف ؟ الفريق متقدم محتاج يدافع تقوم تسحب مهاجم وتدخل مهاجم أخر 3 دقايق ؟ متى صارت ذي ؟ تيري وش مركزه يارافا ؟ مدافع ي سبك ، مدافع أنت ونظاراتك جعلك للعمى ، إسحب توريس الكلب ونزل تيري بداله ودافع وحافظ على الهدفين دامك كذا ولا كذا محيط با حيطه مباراه كامله ، حتى العرق الي على جبهته مايسوى ينزل ب دقيقتين !

قايلها قبل المباراه ، بتشوفون عك وبنتعثر بالتعادل وهذا اللي صار .. الفريق حالياً مايتأمل فيه فوز أبد ، صرت أتابع الأخبار والمباريات من بعيد ل بعيد وأنا متحطم داخلياً وداري إني أبشوف مستوى مخيس .. يعني بالأخير فزنا زين مافزنا عادي عندي ماتفرق .. أحتري الموسم يخلص وينشات المدرب كالعاده ، ونشوف مع الموسم الجديد ووضع مدربنا العشر ألاف

هاردلكم من القلب عك ماسبق ، وهاردلكم برضو عك ماهو قادم ..

هازار صدرت عقوبته وتوقف 3 مباريات وموب راجع الى في مباراة ويغان في 9 الشهر القادم

هل تؤيد إشراك تيري ؟ و من برأيك الشريك المناسب له ؟
أؤيد بقوه ، كاهيل و الأظهره بيكونون اشلي و ايفا
هل تتوقع ان يقل عطاء ديمبابا خصوصا انه يلعب ضد فريقه السابق و بملعبهم ؟
ليه توريس مثلا لا قدها و قدود الأسد السنغالي و بإذن الله بيسجل عليهم و بيلعب بحسبتهم ،
توقعك لسيناريو المباراه ؟ و ما الطريقة المناسبة التي يجب ان يدخل الفريق بها ؟
اتوقع بنسجل هدفين بدري و بعدين بيضغطون هم لين مانلقمهم بالثالث و بعدين بنمسك اللعب ، يلعبون بروك و بتركيز مانبي قلة تركيز بالمباراه حتى لو متقدمين ب 5 اهداف
تشيك / تيري / كاهيل / اشلي / ايفا / رامي / لامبارد / ماتا / اوسكار / بيرتراند / ديمبابا
3-0 ديمبابا ، فرانكي ، ماتا