مباراه صعبه جدا و اتوقع اصعب مباراه بالدوري بسبب اسلوب ستوك و بسبب اخر انهم يلعبون ع ملعبهم و مافيه فريق فاز عليهم بأرضهم و اللي يصعب المباراه اكثر ان لاعبيننا ماياكلون عيش معهم يعني هم بيستخدمون الخشونة و اللعب ع الكرات الثابتة و اتوقع دفاعنا يقدر يوقفهم بس السؤال هنا هل هجومنا قادر ع زعزعة دفاع ستوك و تسجيل الأهداف ؟ طبعا بحضور ديمبابا لأن مع توريس مستحيل و انا متاكد ان رافا مريح ديمبابا عشان ملحمة ستوك
.. [ الحلول ] ..
هي ان تُشرك لامبارد مع لويز و تستمر ع شراكة ايفا - كاهيل و تشرك موسيس مع ماتا و هازارد شفنا وشلون الخال لعب بحسبتهم بالبريدج رغم انه دخل كبديل و عمل اشياء لم يستطع مازكار فعلها
س / من برأيك مؤهل أكثر لقياده الفريق هجومياً ؟ با أو توريس ..
تكفى قل امزح ي خويلد اكيد ديمبا حتى رافا بيلعب ديمبا
س / كيف ترى المباراه وحظوظ تشلسي بالفوز والحصول على النقاط الثلاث ..
حظوظ فريقنا بالفوز دايم موجوده بغض النظر عن الخصم بس اهم شيء الفريق يلعب بروح و رافا مايجامل احد
س / تؤيد مشاركة تشيك وتيري كأساسيين في مباراه اليوم ؟
تشيك ، بقوهه اما تيري اتمنى إشراكه كبديل في حال " تخبيص " احد قلوب الدفاع
س / النتيجه المتوقعه
2-2 ، ماتا - ديمبابا
تشيك / ايفا / كاهيل / اشلي / ازبيليكويتا / لويز / لامبارد / ماتا / هازارد / موسيس / ديمبابا

إقتباس أسئلة نقاشيه

إقتباس س / من برأيك مؤهل أكثر لقياده الفريق هجومياً ؟ با أو توريس ..

ما يبغالها كلام توريس طبعا <<<< هههههههه امزح امزح با بكل تاكيد

إقتباس س / كيف ترى المباراه وحظوظ تشلسي بالفوز والحصول على النقاط الثلاث ..

ستوك من الفرق الصعبه جدا وتتميز بقوه وطول لاعبينهم تذكرو الذهاب فزنا بطلعه الروح
لكن بوجود ديمبا راح يفكفك تكتلهم الدفاعي وراح نطلع بنتيجه ايجابيه

إقتباس س / تؤيد مشاركة تشيك وتيري كأساسيين في مباراه اليوم ؟

اكيد اتمنى انهم يبداو اللعب من بدايه المباراه

إقتباس س / النتيجه المتوقعه

3\0 لنا 2 با و سوبر فرانك
التشكيله
تشيك-اشلي-كاهيل-تيري-ايفا-لامبرد-رامي-اوسكار-ماتا-هزارد-با

التشكيله المتوقعه :

ترونبال

اشلي - تيري - كاهيل - سيزار

لويز - لامبارد

هازارد - اوسكار - ماتا -

ديمبا

النتيجه المتوقعه :

2-2

مسجلي الاهداف :

با و ماتا

اول شي الحمدلله ع الفوز .. اليوم يوم هازارد طقطق طقطقة موب صاحية ولا يهون ماتا و با الي يقاتل ع الكورة و ما قصر والترز خخخ

الاهداف ..

مبروك الفوز للأمانه النوم حرمني من المباراه و كنت ناوي ماسمع اي خبر عنها إلين ماقدرت استحمل و حطيت ع ابوظبي و اول ماشفت ان النتيجة صدمتي سبقت فرحتي و انهبلت يوم دريت ان هازارد جاب هدف صاروخ هالأدمي ذا نادرا يشوت و ان شات نفعنا هو ليته قبل لا يطلع ستوريدج اخذ منه شوي من الأنانيه
مبروك الفوز و ان شاء الله رافا يضبط الوضع عاد خلاص الوضع صار " زلابة " بكل ما للكلمة من معنى يعني نفوز ع اندية كبيره بأرضهم و نخسر ع البريدج من سوانزي و الغجر
لي عودهه للحديث عن المباراه بشكل اكبر لما اتابع الإعادة > اعصابك ي الشنيف

مبرووك الفوز للبلوز عقبال الدوري ان شاء الله..

خرافي ي هازارد

مبروك تشلساويه الإنتصار الكبير ، الظاهر فريقنا ما قام يعترف بالبريدج وصار هيبته برى أرضه ( أرسنال ، إيفرتون ، والأن ستوك ) وما ننسى ساوثهامتون بالكاس .. الفريق أخطر خارج الديار ويحقق فوز ويقدم مستوى ونتيجه ما نشوفها بالبريدج .. ما تدري وين المشكله بالضبط هي برافا ولا الاعبين !

فتحت عيوني لقيتها الدقيقه 20 ، عدلت جلستي ومسحت خشتي بمنديل وقلت خلنا نتابع البلوز وش عندهم وانا فاقد الأمل فيهم بعد الهزيمه المخيبه ضد الكوينز وبما إن المباراه ضد ستوك وبأرضهم .. تدريجياً ومع بداية ضغط تشلسي وتهديد مرمى الستوك إرتفع معدل التفاؤل .. بداية من فرصة لامبارد إنتهاءاً بفرصه با .. من هنا وهناك وأنا على يقين تام إن الهدف بيجي عاجلاً أم أجلاً وهذا ما أكده والترز برأسية معاكسه قبل نهاية الشوط أعطتنا أولولية ودافع أكبر بدخول الشوط الثاني بمعنويات مرتفعه

مع بداية الشوط الفريق محتاج لهدف ثاني يعزز فيه موقفه ويقتل فيه أمال الستوك بالتقدم اكثر وتهديد مرمى تشيك .. أخطر نتيجه بالعالم 1-0 ، كل م تأخر تسجيلك للثاني كل ما زادت طموح الفريق الثاني بالتعديل .. بس حبيب قلبي والترز ماقصر والظاهر إنه ناوي يكرمنا أشد كرم وعطانا هدف ثانيه برأسية غالطت الحارس ..

بعد الهدايا الي قدمها والترز كمل الفريق مشواره التهديفي بهدف المتألق هازارد ونجم المباراه رقم واحد بنظري بتسديده خرافيه يساريه ، وبعدها توج فرانكي مجهوداته بهدف من ركلة جزاء وضعته رسمياً ثاني هداف تاريخي بنادي تشلسي (وهذا هو لاعب وسط ) ق1

الفريق ككل ماقصر ، با مع إنه ماسجل إلا أنه كان شعله بالهجوم بتحركاته .. وشفنا كيف الهجوم من طلع ودخل توريس الي ما أضاف أي شي للفريق .. ماتا ورامي ماقصروا .. برضو أزبي الي ماكل الجو بالجهه اليمنى .. برتراند وجوده من عدمه وما أشوفه قدم ذاك الشي .. لو ملعب أوسكار أو بيازون بداله كان بيكون شكل الفريق أفضل ..

أهم مافي المباراه عودة تشيك وتألقه كالعاده .. وكذلك عودة الكابيتانو تيري لمداعبه الكره .. فريقنا حالياً مو ناقصه إلا محور في حال طالت عودة روميو أو ميكيل .. وبإذن الله بيكون إكتساح من اليوم ورايح وبننسى الهزايم والإخفاقات من فتره لأخرى ..

حالياً رجعنا للمركز الثالث بعد تعثر توتنهام بالتعادل ، مباراتنا الجايه بتكون المؤجله ضد ساوثهامتون .. في حال الفوز إن شاء الله بنبعد عن التوتنهام 4 نقاط وبنقرب أكثر للستي في حال تعثر اليوم قدام أرسنال ..

تيري يطلب من لامبس مايعطيه شارة القياده ..
هكذا هم الأساطير ق1

صباح الخير .. مبروك الفوز والمستوى ، تشلسي يفوز ب الصعب ويخسر السهل ..
نهزم ايفرتون على ارضه وبين جمهورة ونخسر من متذيل الترتيب بالبريدج !!
نفوز على الستوك العنيد ، وخسرنا من سوانزي بين جماهيرنا !!

- المهم حنا بالمركز الثالث ومباره مؤجله ، عسى نتائج اليوم بالمباريات الصعبه تكون من نصيب الاسود .. لا نحتاج سوى الحظ والتوفيق ،

- لويز بالمحور ماينف ، المحور يحتاج خبره وانضباط وعدم تسرع وفوق كل هذا مايحتاج لاعب ياخذ وقت بكورته ويتمشى بها بالملعب لين يرجعون كل الفريق ل منطقته ، ي لبى فرلنك ونظراته .. يلعب بالمخ لكن لويز يلعب باللياقه والقوة واشياء لا تفيد

- افضل محور : رامي ثابت ، لامبارد متحرك وبديله الاوسكاااار

- موسيس له فقده بالهجوم ، لاعب اثبت نفسه واثبت وجوده ف عقولنا ، لاعب لا يقل خطورة عن الثنائي ماتا و هازارد

- نحتاج لاعب جناح مهاجم بنفس صفات موسيس : سريع ومهاري

- نطالب بمهاجم وجانا احلى مهاجم ، والان تبدا مطالبات الجماهير بان يلعب اساسي والتخلص من توريس ..
- توريس نقدر نلعب به ب اليوربا ليق عكس باا الي مايسمح له ، يمقن نحتاج مهاجم او توريس ورجعه موسيس يكفووون

- اتمنى كل التوفيق للازرق وان يسفيد من نتائج اليوم .. سي يوو

للاسف نتائج اليوم مانفعت تشلسي في التقدم نحو الفوز بالدوري .. فاز اليونايتد وفاز السيتي ومازلنا بالمركز الثالث .. فوزنا يوم الاربعاء في المباراه المؤجله يصبح للاسود 44 نقطه بفارق 10 نقاط عن المتصدر ، اشوف انها سهله ويمكن تعثر المتصدر او وصيفه ، لكن الاهم حنا نركز ومانخسر نقاط .. الدوري باقي منه الكثير والسيتي ماراح ينافس عليه ، لان مستواه مترنح

- مانشستر يونايتد لما كان يلعب دور المجموعات بدوري الابطال كان يخسر ويتعادل كثير ، لان ضغط المباريات والاصابات تؤثر عليه وماعنده احتياط سوبر ستار الا في الهجوم فقط ، يعني برجعه الابطال سوف يتعثر اكيد خاصه اذا استمر وفاز على الريال

- حتى لو خسر راح تاثر نفسيا على الفررريق ،
- ان شاءالله الجاي افضل .. سي يو

^

هلا باللي به ريحة دي ماتيو

منطقياً وعلى تذبذب مستوى فريقنا أشوف الدوري صعب ذا الموسم .. مثل ماذكرت فارق 10 إذا فزنا الربوع إن شاء الله بس اليونايتد لا مسكوا الصداره من الصعب يفكونها .. ومع مستويات تشلسي الي مره فوق ومره تحت ماتضمنهم أبد .. مع إننا نملك مواجهه مباشره قدامهم وفي حال الفوز يتقلص الفارق ل 7 نقاط ، والمانيو باقي له مباريات إياب قدام البيق فور والفرق المتوسطه بإستنثاء الليفر .. بس أحس الدوري مب لنا ذا الموسم .. التخبطات الإداريه والتغييرات الي صارت تأكد لك ها الشي .. أشوف إننا نركز على مركز مؤهل للأبطال + الكاس .. أو ننافس الستي على مركز الوصيف وهذا شي ممكن ، بس الصداره منطقياً وعلى الورق أشوفه بعيد مع إن البريمر مايعترف بها الأشياء ..