(صورة أبو خليل) = إبراموفيتش
ودي أعرف شعوره بعد التعادلين ، أنبه ضميره ولا لا بقراره يوم يقيل ماتيو ؟ من مباراه أمس وتعابير وجهه بعد المباراه تحس بتغييرات وأمور جذريه بتتغير في يناير .. من متى أبو خليل يحضر لنا مبارتين ورى بعض ؟
هاردلكم التعادل المخيب .. بنتيز ظهرت لمحاته دفاعياً والي كان يعاني الفريق منها مؤخراً في أخر أيام ماتيو

ثاني مباراه ع التوالي ب ثاني كلين شت شي جميل .. إنضباطيه لويز + إيفا وإشراكهم لين عودة تيري يحسب له .. أزبي جالس يحرج إيفا على مستوياته الي يقدمها في الظهير الأيمن .. مع عودة تيري بنتيز بيحك راسه عشرين مره بيشرك مين في ها المركز ؟ إيفا ولا أزبي ؟ وهنا بيشتغل مبدأ المداوره بينهم ..
هجومياً الفريق م قصر أمس على مستوى خلق الفرص لكن يعاب عليهم اللمسه الأخيره + الثلث الأخير بالهجوم .. مسألة إنك تعتمد على الأوفرات وأنت م عندك أحد قدام راسه برجله فأنت كنك تنبش بحفره فاضيه .. الأوفرات خلها لأهلها عند ستوك ومن على شاكلتهم .. عندك ثلاثي بالوسط يفكك لك أعتى الدفاعات بالعالم بالتمريرات القصيره والون تو ، بس هاتلي مهاجم قدام يعرف يفتح مثل الأودام ويخلق لنفسه مساحات عشان يدلعونه .. أمس ب هجمتين ماتا وهازارد ساحبين على توريس ولا مررو له الكوره لأن تمركزه مخيس مثل وجهه ..
كانت فرصتنا ل الرجوع للمركز الثالث بعد الخدمه الي قدمها لنا سوانزي ووقف البروميتش لكن م إستغليناها .. الفريق محتاج يجد لنفسه التوليفه الهجوميه الي تخليه يهز الشباك هز ، مسألة التسجيل بتجي لا محاله بس متى وعلى حساب مين ؟ الله وأعلم ، تشلسي ب يصوم وب يصوم وبيفطر فطور على مستوى ، شفت لا وصلت لأقسى مراحل الجوع وفجأه لقيت قدامك م لذ وطاب ؟ نفس الشي بيصير معنا
مباراتنا الجايه ضد ويستهام في ملعبهم .. الفريق بثر ومتوقع تعادل ثالث ع التوالي .. لكن إن شاء الله يخيب توقعي ونقدر نفوز ونلقط الثلاث نقاط من ملعبهم .. مب محتاجين نزف نقاط أكثر من كذا ، إن شاء الله يتعدل الوضع قريباً
تشلسي أمس ، تشلسي اليوم ، تشلسي غداً
come on chelsea
ياخي إررحل
