النينو و ماتا يطبخخون



الشئ الوحيد الي اعجبني بالصورة ان توريس غير جزمته(وانتم بكرامة) خخخ

^

اعيدوهـ لنا

صباح الخير .. هاردلكم التعادل للامانه كنا نستحق الفوز : الفريق كمستوى تطور بكثير وصار لتشلسي الشخصيه الي فقدناها من زمان ( استحواذ + سيطرة ) .. الدفاع ممتاز ، المحور روميو ممتاز في تغيير اللعب وسرعه التمرير والارتداد الي كان مفقود من ميكيل !! المدرب يلعب بصانع لعب وحد الي هو اوسكار خلف توريس ويلعب ب اثنين على الاطراف ( هازارد + بيتراند ) عشان كذا ماتا كان احتياط .. ولا يلام المدرب لان هالشهر كل ثلاث ايام مباراه ضروري انك تريح لاعبينك ..

- بينتيز : يقدم مستوى جميل بدون نتيجه لان الخلل واضح براس الهرم = توريس
- روميو : اطرربني خلال المباراه بقوته وحماسه وسرعه التمرير
- شهر يناير يحتاج : مهاجمين وليس واحد .. هات واحد محلي بالدوري مثل ديمابا او ميشو حق سندرلاند والاخررر ( دسم ) لازم يكون بعد الحلم الاوروبي ...

- اذا تاهل الفريق لدور القادم في ابطال اوروب ان شاءالله .. يكون تركيز على مهاجم نقدر نلعب فيه مثل فالكاو او كافاني او سواريز لانهم يلعبون بالاوروبا ليق
اما لو ماتأهلنا : الخيارات راح تكون مفتوحه مثل ليفاندوفيسكي ... الخ

# اتمنى الاجمل لللازرق اللندني في الجولات القادمه لان الفريق ك مستوى ممتاز ، لكن ك نتيجه ضعيف

(صورة أبو خليل) = إبراموفيتش

ودي أعرف شعوره بعد التعادلين ، أنبه ضميره ولا لا بقراره يوم يقيل ماتيو ؟ من مباراه أمس وتعابير وجهه بعد المباراه تحس بتغييرات وأمور جذريه بتتغير في يناير .. من متى أبو خليل يحضر لنا مبارتين ورى بعض ؟



هاردلكم التعادل المخيب .. بنتيز ظهرت لمحاته دفاعياً والي كان يعاني الفريق منها مؤخراً في أخر أيام ماتيو ثاني مباراه ع التوالي ب ثاني كلين شت شي جميل .. إنضباطيه لويز + إيفا وإشراكهم لين عودة تيري يحسب له .. أزبي جالس يحرج إيفا على مستوياته الي يقدمها في الظهير الأيمن .. مع عودة تيري بنتيز بيحك راسه عشرين مره بيشرك مين في ها المركز ؟ إيفا ولا أزبي ؟ وهنا بيشتغل مبدأ المداوره بينهم ..

هجومياً الفريق م قصر أمس على مستوى خلق الفرص لكن يعاب عليهم اللمسه الأخيره + الثلث الأخير بالهجوم .. مسألة إنك تعتمد على الأوفرات وأنت م عندك أحد قدام راسه برجله فأنت كنك تنبش بحفره فاضيه .. الأوفرات خلها لأهلها عند ستوك ومن على شاكلتهم .. عندك ثلاثي بالوسط يفكك لك أعتى الدفاعات بالعالم بالتمريرات القصيره والون تو ، بس هاتلي مهاجم قدام يعرف يفتح مثل الأودام ويخلق لنفسه مساحات عشان يدلعونه .. أمس ب هجمتين ماتا وهازارد ساحبين على توريس ولا مررو له الكوره لأن تمركزه مخيس مثل وجهه ..

كانت فرصتنا ل الرجوع للمركز الثالث بعد الخدمه الي قدمها لنا سوانزي ووقف البروميتش لكن م إستغليناها .. الفريق محتاج يجد لنفسه التوليفه الهجوميه الي تخليه يهز الشباك هز ، مسألة التسجيل بتجي لا محاله بس متى وعلى حساب مين ؟ الله وأعلم ، تشلسي ب يصوم وب يصوم وبيفطر فطور على مستوى ، شفت لا وصلت لأقسى مراحل الجوع وفجأه لقيت قدامك م لذ وطاب ؟ نفس الشي بيصير معنا

مباراتنا الجايه ضد ويستهام في ملعبهم .. الفريق بثر ومتوقع تعادل ثالث ع التوالي .. لكن إن شاء الله يخيب توقعي ونقدر نفوز ونلقط الثلاث نقاط من ملعبهم .. مب محتاجين نزف نقاط أكثر من كذا ، إن شاء الله يتعدل الوضع قريباً

تشلسي أمس ، تشلسي اليوم ، تشلسي غداً
come on chelsea



ياخي إررحل

إقتباس الرسالة الأصلية كتبت بواسطة kun khalid (صورة أبو خليل) = إبراموفيتش ودي أعرف شعوره بعد التعادلين ، أنبه ضميره ولا لا بقراره يوم يقيل ماتيو ؟ من مباراه أمس وتعابير وجهه بعد المباراه تحس بتغييرات وأمور جذريه بتتغير في يناير .. من متى أبو خليل يحضر لنا مبارتين ورى بعض ؟

بخصوص ابو خليل شكله بيسوي الهوايل في يناير خخخ يوم انتهت المباراة و دخل هو الصالة الي كان قاعد عندها كانه كان معصب و يحرك يده .. ولا يتهيء لي؟

^

هذا الي لاحظته بعد

=

رسمياً المرشحين الـ 3 لجائزة أفضل مُدرب - ديل بوسكي - مورينهو - بيب غوارديلا


رسميا : الثلاثي المرشحين لـ جائزة افضل لاعب في العالم ( الكرة الذهية 2012 ) هم [ ليونيل ميسي ، كرستيانو رونالدو ، اندريسس أنيستأ ] ..!


ما عندك اعلام احلم بجائزة