من يفرط بدروقبا ( هداف منتخب ساحل العاج)
من يفرط بإسيان ( أساسي بأفضل فريق بالعالم " ريال مدريد " )
من يعتمد على مهاجم وحيد وحيد وحيد
من يعتمد على راميريز وميكيل كمحاور دفاعية
هذا هو حال تشيلسي الضايع التايه

تشيلسي كان بنهاية الموسم الماضي مضرب مثل بالطريقة الدفاعية والقتالية والموسم هذا مضرب مثل للدافع الهش والدفاع التائه

إقتباس الرسالة الأصلية كتبت بواسطة عيال عم 9 سبب الخسارة توريس ..............

؟؟؟

سبب الخسارة دماتيو !!

خروج ازبي اكبر غلط كان مسكر على اسمواه

كان مفروض توريس بدال ماتا

بس !!

للاسف تشيلسي من جرف لـ دحديرة ..

الي صار شي متوقع الحين ما هزمة انديه متذيله الترتيب في الدوري على ارضها تبي تهزم بطل ومتصدر الدوري الايطالي على ارضه

طبعا رايي معروف بالمدرب من زمان وملية وانا اكرر وعيد

بس اليوم المدرب سوا شي خرافي جدا اختراع ما بعده اختراع لعب بدون راس حربه صريح

طيب يالحول يالاقرع تبي تعاقب تورس نزل ستورج مكانه ولا موزيس يعني مادري وش براسه بيقلد خطة البرشا بيوم وليله بيلعب بدون راس حربه ولا ايش والله ماني داري

اوسكار وماتا وهزار والاظهر كل ما هجموا ورفعوا روسهم بيناولون للمهاجم ما يحصلون احد يطرون يرجعون بالكوره وتروح خطورة الهجومه

انا مع راي الاخوان ان فيه لاعبين مستواهم نازل مثل لويز وميكل ورمريز لكن لما يكون مستوى لاعب او لاعبين نازل اذا الخلل في الاعب لكن لما يكون الفريق كله مهوي ومستواه مدحدر اذاً الخلل في المدرب هذي قاعده معروفه

ودمتم بود

هاردلكم جميعا الخساره الثقيله والغير متوقعه كنا نتامل الافضل لكن شائت الاقدار بوجود نجوم تائهه لا تعرف ماذا تريد ومن اي جهه او طريقه تهجم .. شاهدت عرضيات لكن مافي مهاجم عشان يعكسها بالراس وحتى لو كان هازارد المهاجم لازم تلعب على الارض مو كرات عاليه لانه قصير القامه .. انا اشوف ان الخساره اليوم يتحملها المدرب لان مافي تكتيك ولا في عمل مخطط له .. شاهدنا من قبل فريق شختار يهاجم تشلسي من جهه بيتراند لانه ضعيف .. وهذا شيء مدروس من المدرب حقهم واللعب الكرات العرضيه خارج منطقه الجزاء لان محاور عندنا تمركز ضعيف .... كنت اتأمل من دي ماتيو يكتشف اخطاء ويلعب عليها او اقل الايمان يشاهد مباراه الانتر لما هزم اليوفي ويشوف وشلون اننضرب فريقهم .. ماودي اقول غيروا المدرب لكن بعد العودة من كأس العالم للانديه لكل حادث حديث لان البطوله هذي ماتتحمل المجازفه ولازم نحصل عليها .. لان العودة لتكون بطل لاوروبا هذا شيء صعب جداااا

هاردلك شباب وان شاء نركز الحين في الدوري ...
شوط اول كان حلو من الطرفين , هدف اول انا اشوف ان مافي احد يتحمل الغلط فيه.
الشوط الثاني كان كارثة المحورية ميته وما توصل الكورة في النص الا وتنقطع اللين
ماجا الهدف الثاني , وبكذا انتهت المبارة لفريفنا . انا احمل الخسارة لي دي ماتيو وميكيل.
خروح سيزا كان غلط , وصراحة انا اشوف ان البجاية بدون راس حربة غلطة كبيرة
ومن وجهت نظري اوسكار كان نجم الفريق امس. لتمنى انهم يتناسوا الخسارة وما تاثر علينا في الدوري...

تفائلوا يا شباب فيه امل , مازلنا قادرين على التأهل
تشيلسي ضد نورشيلاند في الستامفورد
شاختار ض اليوفي في اوكرانيا
فوز شاختار وتشيلسي تأهلنا , وشاختار قادرين على الفوز فازوا علينا + فزنا باخر دقيقه عليهم + متعادل مع اليوفي بارضهم .
فوز شاختار فقط الذي سيؤهل تشيلسي !

خيبه ، أبلغ كلمه أقدر أوصف فيها المستويات الأخيره الحاصله للفريق .. صحيح تشلسي معودنا بالدروب بكل موسم بعد بدايه مميزه بس ها المره طولت وغير كذا ممكن تكلفنا أشياء كثيره أهمها الخروج من بطولة الأبطال .. بطل أوربا قاب قوسين من خروج مر والأسباب ؟ الأمل موجود بالتأهل لكن نحتاج إلى معجزه ، فرصتنا الوحيده معلقه على فوز شاختار فقط لا غير ، وشاختار قدها إن شاء الله بس نتكلم عن اليوفي هل ب يسلم المباراه ب سهوله ؟ كأقل تقدير خروجهم بالتعادل يعتبر فوز كون التعادل يخدمهم ويخدم شاختار بنفس الوقت .. الضغوط كلها موجهه ل تشلسي ، م أبي تخاذل من الاعبين ف المباراه الأخيره ، قدمنا مستويات مخيبه جداً والمجموعه م خدمتنا كثير لكن فوز وقدم الي عندك وإفرض نفسك ثانياً وإترك الباقي ل القدر ، إن شاء ربك فاز شاختار على اليوفي وتأهلنا ل دور ال 16 ، وإن شاء ربك غير ذلك ، ف الحمد لله على كل حال

مباراه خارج أرضك ، أمام فريق منسجم على جميع الخطوط ، وعنده الرغبه ل العوده بقوه على المستوى الأوربي ، طبيعي تفكيرك أولاً الخروج بالتعادل وهذا الي سواه ماتيو ودخل ب تشكيله واقعيه جداً ويشكر عليها ، ركنه ل توريس السيئ ، وإعتماد 5-2-3 ف حالة الدفاع وفي حاله الهجوم التحول ل 4-3-3 ، وإعتماده ب شكل أكبر على المرتدات وضرب دفاعات اليوفي ب السرعه عند هازارد أو رامي أو ب مهارة أوسكار أو ماتا ، تحقق المطلوب وطلعنا ب 3 فرص محققه ل التسجيل لكل من الثلاثي الخطير ماتا ، هازارد ، أوسكار لكن عابهم الفينيش الي كان غايب ، تسجيل أحد هذه الثلاث فرص ممكن تغير مجريات المباراه 180 درجه ، بس كالعاده إن م سجلت ب يتسجل عليك وهذا الي حصل ، سوء تغطيه من المحور أعطت أريحيه ل التسديد على تشيك ، وتغيير إتجاه الكره ساعد كثير اليوفي بتسجيل أول الأهداف ..

بالشوط الثاني تعامل بطل برضو من ماتيو ب سحب أزبي ورجوع إيفانو ل منطقه الظهير واللعب ب 4-2-1-3 ، لكن هدف ثاني قتل كل الأمال بالرجوع للمباراه وتعديل النتيجه .. وبرضو الملام رقم واحد المحور الي صار مكشوف لأي خصم يلعب قدامنا ، ميكيل أو رامي جيدين لكن محتاجين ل ساتر يغطي عنهم المساحات الي يخلفونها وراهم .. وهنا تندم حظك يوم تفرط ب الوشم أو بالدبابه إيسيان .. رجع ماتيو وتعامل ب شكل سليم وسحب المحور وأدخل ورقه هجوميه ، ولو إنها جات من نصيب الميت توريس لكن الدكه عندك تجبرك تلعبه ! أنت خسران خسران ، إلعب بالي عندك إن جات تتعادل ولا أنت مهزوم بكل الحالتين .. بس تعامل اليوفي مع المباراه جيد جداً ، فريق عرف كيف يطلع ب النقاط الثلاثه من بطل أوربا ويستحقها على مستواه البطل جداً ، وكملو تتويج المستوى بالثالث الي كان متوقع نظراً ل المساحات الي خلفها تشلسي وراه ل تقدمه لإدراك التعادل ..

الأغلبيه يلوم المدرب ، والبعض أيضاً شال الدنيا وحطها عشان غلطة تشيك بالهدف الثالث .. مع إحترامي لك إذا ب تنتقد تشيك م عندك سالفه ، تيري / لامبارد / تشيك مهما أخطئو ف هم معذورين لأنهم قدمو للنادي الشي الكثير .. ماتيو لو عنده محور صاحي وعنده مهاجم يسجلك من أنصاف الفرص م كان شفنا كل ها الإنتقادات الي عليه .. الكلام الحين على أبو خليل هل هو ب يصبر للشتويه ويدعم له الفريق ولا يشيل راسه قبل ذلك ! ، حالة المحور عندنا ذكرتني بأيام سونق مع أرسنال ، ميكيل حالياً حاله حال سونق سابقاً ، يتقدم ويترك وراه مساحات .. صحيح سونق منه فايده ويصنع ويبرد قلبك ، بس ميكيل تقدمه من عدمه .. صح إني أحبك ي خالي بس معليش مستواك مؤخراً صاير لا يطاق ، تقدمك المبالغ فيه ماله مبرر ، سوء تغطيتك ل القادمين من الخلف أو الي يسددون من خارج المنطقه .. ف كلتا الحالين حنا جالسين ندفع ضريبة تخلينا عن الوشم وإيسيان زي م ذكرت سابقاً .. وضعية تشلسي الحاليه الي يلعب فيها محتاج ل محور وحش ياكل الأخضر واليابس ..

هذا م لدي ، ولي عوده لاحقاً ، هاردلكم الهزيمه المره ي عشاق الفخر ق1

انباء من تويتر ان دي ماتيو تمت اقالته والبديل بنيتيز ؟؟؟
ياليت الخبر كذب

إقالة دي ماتيو منطقية في ظل تراجع مخيف لمستوى تشيلسي

وكانت متوقعه خصوصا في اّخر 4 مواجهات بالاضافه الى مواجهة اليوفي.

إقتباس الرسالة الأصلية كتبت بواسطة لبى قلبك ياطارق إقالة دي ماتيو تعصف بأي كلام عن أي موضوع ثاني بما فيها مباراة الثلاثاء , حقيقه أنا مع إقالة دي ماتيو لكن مو بهالوقت .. يعني مو كل مره تقيل مدرب والدوري والأبطال ماشيه , ويجيك اني ينقذك ! كان بودي ع الأقل ينتظر للإنتقالات الشتويه . دي ماتيو رجل فعل مالم يفعله مورينهو وغيره .. شكراً له من القلب .. لكن دي ماتيو ماهو راضي يقتنع أن تشلسي المفروض يكون لعبه هجومي ولاغير الهجوم مباراة اليوفينتوس البارحه سقطه كبيره له ! والله لو هاجم ماتنتهي المباراه بهالطريقه ومابيفوز اليوفي , لكن أنك تسمح لخصمك يهاجمك من أول دقيقه وتتراجع بشكل مخزي هذي سقطه لك ! الله يستر من القادم ,