◥ رابطة أبطال أوروبا [ فخر ♥ chelsea ♥ العاصمه ] champions of europe ◣ - صفحة رقم 195 - نادي الهلال السعودي - شبكة الزعيم

عاشق البلوز. · #1 23/10/2012, 10:43 PM

شوط اول مخزي بمعنى الكلمه اسوا لاعب كالعاده توريس

تشيك انقذ الفريق من كارثه وعزز امال الفريق في الرجوع في الشوط الثاني

لازم من بداية الشوط خروج العاهه ودخول ستوريدج نع اني ما اتوقع من ماتيو اخراج الاعب المدلل !!!

volden · #2 23/10/2012, 11:50 PM

توريس توريس توريس ..

مدري الى متى بنصبر عليه .. قسم بالله ينرفز و الي يقهرك راتبه عالي جدا على دون سنع ..

المهم هاردلك و كويس ان اليوفي متعادل

sa3don · #3 24/10/2012, 12:09 AM

تحليلي الشخصي للمباراة / الفريق كامل ما كان في يومه أولاً , وواجه فريق قوي جداً سريع في الكرات المرتدة , إضافةً أن هنالك لاعبين يصر عليهم المدرب دي ماتيو على حساب الفريق رغم وجود الأفضل على دكة البدلاء كديفيد لويز المجازف بإنطلاقاته وتمريراته للأمام اللي غالباً ما كانت خاطئه مما ساعد نادي شاختار على الإرتداد بالهجمه ومواجهة الدفاع مباشرة أتوقع وجود كاهيل راح يكون أفضل بكثير , النينو ! وآآخ يالنينو .. لا جديد

! أعتقد أن مشكلته نفسية قبل ما تكون فنية وملاحظ أن ستوريدج عمل ما لم يعمله توريس طوال المباراة ونجوم البلوز كالعادة الأخطبوط بيتر تشيك وميكيل كان رائع , والحمد لله أن أمالنا ما زالت قوية بعد تعثر اليوفي !

.. walid · #4 24/10/2012, 12:28 AM

.. # صبآح الخير

.. # قسسم بالله شئء ينرفز ، ولا لاعب ب مستواه الا تشيك ، توريس الله لا يبارك فيك ، اتوقع ان توريس بيقلب ميسي

.. # وبعد شئء إخر قسم بالله ما في اي لاعب ممكن يغير لك نتيجه مباره ب الاحتياط ، ليش ما نصعد من الشباب !!!

.. # المان وغيرهم ، مو إحسن منآ ، اناظر ب الاحتياط الاقي روميرو كاهيل ستوريج .. ! ولإ ورقه رابحه

.. # لازم الادارة تتحرك وتجيب وسط يرضى يكون ب الدكة ، كذا ما راح ننافس صرإحه

.. # لإ يوجد اي عوده ، متنرفز ححححححدي :@

كبريآء تشلسي · #5 24/10/2012, 01:57 AM

.. اللي ابي اعرررررررررررررررفه الحييين الكاش حقنا ؟؟

للحيييييييييييين مقتنع في توريس

انا كنت منخدع ب توريس قلت ماعنده وسط يصصصصصنع الحين فيه ماتا اوسكارهازارد بس التنح تننننننننننننننننننننننننننننننننننننننننننننننح

volden · #6 24/10/2012, 03:33 AM

إقتباس

الرسالة الأصلية كتبت بواسطة كبريآء تشلسي


	.. اللي ابي اعرررررررررررررررفه الحييين الكاش حقنا ؟؟ للحيييييييييييين مقتنع في توريس انا كنت منخدع ب توريس قلت ماعنده وسط يصصصصصنع الحين فيه ماتا اوسكارهازارد بس التنح تننننننننننننننننننننننننننننننننننننننننننننننح

هو دفع فيه 50 مليون وما يبي يطلع نفسه غلطان ..

بدر الليوث · #7 24/10/2012, 03:43 AM

ياخي انا اكرهك

دخيلك ارجوك مابغاك تسجل

مابغاك تصنع فرص

مابغاك تشتت الدفاع

ابغاك تقعد في الدكه وياحبذا برا التشكيله

ارحمنا ارحم الي بالرابطه ارحم الي يحضرون للستانفور بريج

ارحم الي قاعدين في بيوتهم (التشلساوين) سوا العرب او الغرب

والله هذي مهي حاله مابي اشوف وجهك تلعب عندنا استعداد نلعب ب10 لاعبين

بس انت لاتلعب .......

ياشباب الرابطه دخيلكم لاتحطون صوره

مابي اشوف وجهه انا مابتكلم عن الخساره

لان شاختار فريق قوي ويستحق الفوز

بس انت

اكتب هذه الكلمات وانا في حاله قهر

ليش دفعنا فيك اكثر من 50000000 مليون

ياابراهيمفوتش خذ الكوري حقنا ارحم

واختم ....

king london · #8 24/10/2012, 06:24 AM

هآردلك الخساره بكل امانه فريق شاختار يستحق الفوز وبكل جداره فريق محترم والحمدالله انتهت على اثنين ..
عدت عوامل اثرت علينا وساعدت شاختار اول شئ هدفهم المبكر وثاني شئ اصابه لامبارد اللي لخبطت الفريق ..
لآآلوم الدفآع ابدآ في المباراه الوم لاعبي الوسط جميعآ وماله داعي الوم المهاجم لأن ماعندنا مهاجم اصلآ..!!
خط الوسط المحاور ابد مايساعدون الدفاع وفراغات كبيره يتركونها وسط الملعب ايضا لاعبين الوسط مايساعدون الاظهره ..
الظهير ينزل عليه اثنين الجناح وظهير الخصم ولا احد يساعده وقلبين الدفاع يواجه الاعب مباشره ومن السهل المرور ..!!
خط الوسط بالحاله الدفاعيه اليوم سيئه جدآ مافيه اي مسانده لخط الدفآع ..
ميكيل ورامي واوسكار وماتا اليوم مختفين تماما ماعدى هازارد اللي جالس يلعب ..
توريس ملينا نتكلم عنه اتوقع عافه الخاطر خلاص لاعب مايبي يساعد نفسه الثقه معدومه عنده ..!!
تشيك النجم الوحيد اللي جالس يأدي لو الله ثم تشيك كان النتيجه اكثر من اثنين وبالراحه ..
دي ماتيو اشوفه اخطأ بشئ واحد اللي هو ماستفاد من موسيس تمنيت مطلع رامي ومنزل موسيس ويرجع اوسكار ..
لأن النتيجه اثنين صفر وبأمكانك ترجع والهدف تأخر لو جاي بدري كان الامور بتختلف ..
ستورديج حآليآ افضل من توريس بس مشكلته ستورديج الحفاظ على الكوره مايلعب من لمسه وحده وهذا يخليك تخاف انه يعطل اللعب ..

اتمنى مانقسو على الفريق والاعبين والمدرب لأن من الطبيعي نزول المستوى بعد مباراه قويه وبعدها مباراه اقوى وطبيعي الرتم يهبط احيآنآ فقط اقسو على توريس ..!!

وضعيه الفريق لآزآلت جيده بأربع نقآط واليوفي تعادل ومعاه ثلآث نقآط ..
الفوز على شاختار والتعادل امام اليوفي والفوز اما نوشيرلآند يجعلنا متأهليآ بـ 11 نقطه ..

شآختآر فريق محترم واتوقعه شخصيا ياخذ مقعد مكان اليوفي ..

Hilalyh 4ever · #9 24/10/2012, 06:56 PM

باك بسيط

تحياتي : شوش

Des_5yal@

- L E G E N D - · #10 24/10/2012, 02:21 PM

هاردلك الخسارة ، خسارة مسّتحقة أمام خصم ماترك لك مجال تضغط عليه ، حقيقةً فريق يُحترم ، فرض علينا أسلوبه وسيّر المباراة على طريقته ..

الفريق ماكان في يومه وكأنهم أول مرّة يلعبون مع بعض ، نحمد الله على تواجد تشيك واللي أنقذنا من أهداف محققة ، لو سجلت كانت نتيجة تاريخية علينا ، بدرجة أقل شفنا إيفا ورامي قدموا أداء جيّد أما البقيّة ماكانوا أبداً في مستواهم // المشاكل واضحة جدا في الفريق ولعل الخسارة هي درس لنا ، فبعد الدرس اللي تلقيناه أمام أتليتكو مدريد ورجعنا بعدها أقوى ، هذا درس ثاني لعلّ وعسى نعود أقوى ..

الفريق عانى في خطّ المحور بوجود ميكيل ، واللي شفته في الهدف الثاني غير معقول تقدم ميكيل عطاهم مساحة للتقدم ، ميكيل كان سيء في المباراة ترك مساحات كثيرة للخصم وكادوا إنهم يسجلون ، لكن تشيك كان المنقذ الأول في المباراة ، في المقابل رامي أشوفه ماقصّر كان له دور واضح وقدم أداء جيّد وشفناه في أكثر من لقطة يصارع على الكورة وما ألوم هازارد أبداً في الهدف الثاني كورة تجيه في مكان ضيق ومحاصر بالإضافة إلى المساحات اللي عطاها ميكيل للخصم كورة مثل هذي لازم رامي فقط هو اللي نشوفه متقدم وميكيل خلفه ، لويز حتى كان ماهو طبيعي الإرهاق واضح عليه وتعرض لإصابة زادت من معاناته ، البدء بكاهيل كان أفضل حلّ // ماتا وأوسكار ماكانوا في الفورمه أبداً ، هازارد كانت له عدة محاولات وكان هو اللاعب الوحيد المتحرك بخطّ الوسط كان بإمكانه يقلب النتيجة لكن اليد الوحدة ماتصفّق ..

إذا مهاجمك إسمه توريس ماراح تلقى خير منه في المباراة وهذا اللي شفناه ، يعني اللاعب إذا كان محاصر من دفاع الخصم تشوفه يحاول يخترقهم وللأسف ماينجح ، اللاعبين وراك سلّم لهم الكورة إذا كنت ما تقدر على الإختراق ، مشكلته الأولى هي التمركز وكأن الفريق يلعب بدون مهاجم ، إذا الخصم يستلم الكورة نشاهده في منطقته لكن لما نستلم حنا الكورة يترك منطقته ويلعب ع اليمين أو اليسار وهذه هي المشكلة ، بالمختصر اللاعب ماعاد نرجي منه أي شيء ، ولا هو قادر يفيد الفريق أبداً في المباريات المقبلة ، لما دخل ستوريدج أمس قلت الحمد لله دي ماتيّو بدأ يعرف وين الخطأ ولعلّه يستمرّ ونشوف ستور هو اللي يبدأ مباراة المانيو ..

أجمل شيء حدث في المجموعة هو تعادل اليوفي ، الأمور بدأت تتعقد أكثر وأكثر ، الفوز في مباراة الإياب مهم جدت فلا سمح الله وخسرنا راح ننافس على المقعد الثاني ، مباراتي شاختار واليوفي مهمّ جدا الفوز فيها حتّى ماندخل في ضعط كبير في آخر جولة ..

هاردلك

..

m6nsh. · #11 24/10/2012, 03:41 PM

راميريز ضد شاختار : خلق فرصه واحده + مرر 54 تمريره 49 منها صحيحه
بنسبة 91% + 3 كرات طويله

حاول اجيب اكثر عن اللاعبين لكن للاسف ما حصلت الا رامي اذا حصلت شي بنزله

+

صور مباراة تشيلسي X شاختار
http://www.gettyimages.ae/Search/Sea...lProduct=Sport

Ŝρiкei · #12 24/10/2012, 04:18 PM

-

فريقين مضغوطين ضغط !! .. تصفيات و دوري و تشامبيونز و اصابات وارهاق

! .. خذ لك معلومه بسيطه او استنتاج جميل

.. لما تلعب ضد فريق ابو كلب بارضه في بطولة قويه وقتها بيطلعّون اللي وراهم ودونهم بس م تفوز عليه بارضه ! فما بالك ب بطل ايطاليا او حامل لقب التشامبيونز ؟ وغير كذا يسجل عليك اول دقيقتين وفريق داعس بقوه من فتره ولعبه اشوفه واقعي بمعنى الكلمه

.. كورة تمشي بالارض + قريبين من بعض + بالمرتدات ادعْ ربك بس + بالركنيات امسك راسك ! .. باختصار ذا الفريق بطل بطل بس فيه شيء واحد ينقصه وتذكروا كلامي اذا تاهل ل ال16 ! بيطلعه فارق النتيجه يعني بيلقم برا ارضه نتيجه م يجيب فارقها بارضه وبكذا يطلع اوت

.. طبعا ملينا واحنا نقول فيه ناس بس صيااااااح ولازم يجي يعلّق على الطالعه والنازله ! طبعا حرية رأي بس ياخي نصيحه انت م عندك شيء تقدمه للي يقرأ يعني وش تفيد او تستفيد ؟ بالاخير بتبقى اضحوكه للي يسوى واللي م يسوآش

.. والبلا اللي تدعسه بالدوري ولا يمديه يتطنز عليك ويجيك يستغل خطأك بالابطال وهو ترتيبه مدري كم ويقعد يصايح صيااااااااااااااااااح مليان حموضه وكلام بعيد عن الواقعيه والعقل

!! .. فقط تدعي ربك انك بافضل حال و اتم صحه

يعلم الله ان ميولي بايطاليا موب اليوفي ولا حوله حتى بس هذا شيء يقرّونه خبراء كرة القدم وناس فاهمه الشغله عدل موب انا او انت طال عمرك

لانه مو ممتع ومهاري وهجومي وكدش محد درى عنه

! .. اللي سواه امس مع فيرناندينهو ابو رجل قويه شيء عجييييب

.. يجي بعدهم سرنا وويليان والحارس الكبير اللي استغل توريس الضعيّف

.. فريق متماسك لابعد درجه بس لاحظنا ان سناترهم ولا بريآل او اضعف نقطه فيهم ومايضبهم الا سرنآ و آرت بس ! فريق مٌحترم بس للحين عند رأيي انه م راح يروح بعيد الا اذا طاح ب احد الاندية الابو كلبيه مثل الموسم الماضي اجل ابويل ومدري مين

!

لاحظوا معاي اي لاعب يرتبط اسمه فينا يتفلت على اوم اومنا

!
طبعا اقصد ويليان غير تصريحاته بالصيف الماضي الا ان المعلق العزيز ابو دراجي قبل اغيّر عنه

ذكر المعلومه هذي بعد انه تشيلساوي ويبي تشيلسي

دي بروين + موسيس واللحين ويليان

لحظه لحظه باقي شيء تحت للفقراء والمساكين

!

keep calm and watch Abramovich

J.morienho · #13 25/10/2012, 03:38 AM

إقتباس

الرسالة الأصلية كتبت بواسطة Ŝρiкei


	- لحظه لحظه باقي شيء تحت للفقراء والمساكين ! keep calm and watch Abramovich

^^^

أحلى جمــله

LIKE

النوفي 2009 · #14 24/10/2012, 07:04 PM

السلام عليكم ..

مساء الخير ..

هاردلكم الخساره..

وان شاء الله نعوضها ..

نلقاكم ع خير يااارب

i_Meshal · #15 24/10/2012, 07:11 PM

هاردلك انا مافيه شيء حارق أعصابي غير توريس يضيع مجهود اللاعبين بكل برود أحيانا اشك ان امر إشراك توريس ( أساسي ) هو من الملقوف ابرا و لا ستوريدج افضل منه براحل من ناحية سرعه و مراوغه و تسديد و تمركز و اسدح 700 خط تحت تمركز الكوره لا صارت معنا راح جناح مدري وش و ضعه هو خايف تجيه الكوره و يضيعها و يعصبون عليه الجماهير ؟ او مسوي نفسه مراوغ و قوي و بيسحب بأظهرتهم و بيخترق بس عزائنا الوحيد تعادل اليوفي

التشكيله أساسا كانت غلط مفروض ملعب موسيس و يريح رامي خصوصا بعد إصابة فرانكي و يرجع أوسكار وسط جنب ميكيل و يلعب جناح يمين موسيس خصوصا انه ما أجهد زي اوسكار و هازارد بس ماتا كان سيء لدرجه لا تصدق المصيبه انه ماخذ اجازه لمدة اسبوعين اللي بدع و استغل مهاراته هو هازارد لعب بدفاعهم و اخترقهم اكثر من مرتين بس هو عنده مشكله بالفينيشنق بس مو مثل توريس

هو اضعه ثاني افضل لاعب بتشيلسي بعد تشيك

الشيء اللي نرفزني اننا ماريحنا لعيبتنا الأساسين عشان ندرك التعادل ع الأقل و خسرنا يعني لا ريحنا لاعبين و لا جبنا تعادل الله يستر من ملحمة الأحد و بإذن الله نفوز و يكونون كل اللاعبين بمستواهم المعهود خصوصا : مازكار عشان حنا محتاجينهم بهالمباراه و اذا كانو بيومهم راح نلعب بدفاع المانيو و هم دفاعهم سيء و بطيء يعني وسطنا بياكلهم إن شاء الله بس المشكله ان هجومهم قوي عشان كذا لازم نفصل هجومهم عن الوسط + و نهاجم من بداية المباراه الي نحصل ع هدف و بعدها بيعطونا المساحات اللي نبغاها يعني ( نسرق طريقة لعب شاختار

)
بإذن الله بنصقع المانيو و نبتعد عنهم + و ننتقم من شاختار و بعدها نقاط نوردشيلاند بالجيب دامها بالبريدج

معوضين خير إن شاء الله بس اهم شيء توريس لا يلعب قدام المانيو