الأخ ليجند إضافه كبيره للرابطه و انا متابع و مستمتع بردوده و هو محلل الرابطه
سؤالي : مين تفضل يلعب وسط هجومي مع ميكيل ( أوسكار - لامبارد - رامي ) ؟
و اذا تفضل أوسكار مين بيكون بجانب ماتا و هازارد ؟

^

تجديد أشلي من عدمه أتوقع إنه إشاعات صحافه ، أشلي ب مقدوره يعطيك 3 سنوات قدام ب نفس العطاء ! الي مخليني متفائل إن ماتيو يقول أشلي راح يجدد وراح يبقى ف النادي ، أخبار عدم تجديده أشوف إنها طلعت ب كثره بعد المشكله الي صارت له مع الإتحاد ، طبيعي جداً تشوف مثل ها الشائعات ، وإن شاء الله يكون مجدد معنا بنهايه الموسم

ب النسبه ل إنيستا فلا تعليق ، ومثل ماقلت إن كان جد إدارتنا تفكر تكرش كل واحد تعدى عمر ال 30 ف وش يبون ب إنيستا ! شخصياً ها النوعيه من الاعبين صعب خروجهم من أنديتهم ، ميسي ، إنيستا ، تشافي ، جيرارد ، لامبارد عندنا ، قيقز و سكولزي ب المانيو ، والأمثله كثيره .. ف الخبر إشاعه

إقتباس الرسالة الأصلية كتبت بواسطة kun khalid ^ ف الخبر إشاعه

طيب افدنا ياريس او اي واحد يعرف عن الصحيفه ذي وش هي من صحيفه ؟



على فكره اخبر الاداره متشددين على اللي يتعدى ال30 .. طيب الذكر اعلاه تتوقعون يستحي ويطلع من نفسه ولا بينتظر الكرشه

-



ها الردي أعلاه مكروش خلقه تخيل أنت بس يطقها وفيه هازارد وأوسكار وستوريدج وموسيس ومارين ؟ خخ
حالياً يلعب مع الفريق تحت سن ال 21 ، مصخر نفسه ب نفسه ، لو طالع مثله مثل بوسينجوا وكالو م كان صار الي صار له

توقعي ب يناير ب يذلف لأي فريق ينهي فيه مسيرته ، أو راح يعفن معنا مثله مثل فيريرا الي ماله حس !
بالنسبه للصحيفه ماعندي خلفيه عن مدى مصداقيتها ، بس أكيد مانجي جنب السكاي والغارديان والطقه ذي ..

-





يقولون تهاوشو بس شكله مزح خخ ، الجد راح يبان يوم السبت بالملعب



كويس ضامينه ! لعب ف المباراه الأخيره 6-0 الي مع العراق ولا لا ؟

اقتراح : ليش مانسوي بطولة لفيفا 13 بالرابطه زي اللي سويتوها بعد تحقيقنا للتشامبيونز

مساء الخير للجميع ..

إقتباس الرسالة الأصلية كتبت بواسطة kun khalid بعد م خلصنا تصويت ، أخذ أعلى أصوات العضو - L E G E N D - ق1

ماشاء الله ، طلعوا المعجبين واجد ، يعطيكم العافية على الإختيار وبإذن الله راح يكون في محلّه
ماراح أبخل عليكم بالإجابات ، لكن إرفقوا عليّ .. راجع لكم بإذن الله ..

//

أشلي كول والاخبار اللي يتم تداولها حاليّاً تخوّف ، الخبر اللي كُتب في صحيفة الديلي ميل يؤكد إن الأمور ملخبطة بين اللاعب والنادي ، التجديد لسنة يُعتبر إهانة بالنسببة للاعب نفسه ، هو صرّح بهالشيء وقال إن سنة وحدة يعتبرها إهانة وعدم إحترام وفتح المجال للأندية اللي تبي تضمّه ، مستوى أشلي ثابت للآن واللاعب مقدّم شغل رائع وإذا غظينا النظر عن عمره ونظرنا لمستواه راح نقول اللاعب يستحق عقد ب 3 سنوات أما لو ننظر لعامل السنّ نتوقف هنا ونقول الأمر فيه صعوبة أنا شخصيّاً راح أبدي رأئي في هالأمر ، لو إفترضنا ان الادارة جددت له عقد ب سنتين يعني إن اللاعب راح يكون معنا هالموسم والموسمين القادمة لو نظرنا لسنّ اللاعب هل راح يكون في نفس مستواه الموسم بعد القادم هنا المشكلة لو جددنا له لموسمين قد نتفاجأ قبل نهاية الموسم الحالي أن مستوى اللاعب إنخفض وش راح يكون موقف الإدارة !! في ظلّ إنه باقي سنتين في عقده ، لذا أنا أؤيّد قرار الإدارة بالتجديد له لسنة ونأمل إنّه يوافق ولو إنه ماراح يوافق ، وأعيد وأكرر النظر في مستوى اللاعب بنشاهده رائع جدا أما النظر في عمر اللاعب هنا المشكلة ، في المقابل اللي قاعد يسويه المان يونايتد لغيغز وسكولز شيء رائع جدا واللاعبين ما أظهروا أي ممانعة ورفض لأنهم عارفين إن مستواهم ماهو مثل قبل لذا شافوا إن عقد سنة هو الأنسب ، فلو إفترضنا إن الادارة وقعت للاعب في ال 30 سنة عقد لأكثر من موسمين وينخفض مستوى اللاعب قبل نهاية العقد بفترة قد يجعل هالأمر نهاية اللاعب مع الفريق غير مناسبة خصوصا إذا كان اللاعب إسطورة في النادي أخيراً أتمنى اللي يصير في اليونايتد يصير في النادي خصوصاً مع لامبارد لأن اللاعب ماراح يمانع ابداً ..

إقتباس الرسالة الأصلية كتبت بواسطة Meshal995 اقتراح : ليش مانسوي بطولة لفيفا 13 بالرابطه زي اللي سويتوها بعد تحقيقنا للتشامبيونز

لا وع خياس بطوله وقروشه وطفش .. وما فيه تنظيم وكل شئ سامج >> عنده xbox ماعنده ps3

-

إقتباس اقتراح : ليش مانسوي بطولة لفيفا 13 بالرابطه زي اللي سويتوها بعد تحقيقنا للتشامبيونز

ماعندي مشكله ، بس عندي شرط ! إضمن لي محد يسحب ! يجيك واحد يقولك سجلني وبعدها يسجل خروجه ولا نشوفه .. ثاني شي نشوف العدد أول شي ، عشان مانتعب وأخر شي مافيه مشتركين ، إذا صار فيه عدد وصاملين أبشرو أنا أمسك لكم التنظيم .. ويكون على مستوى أعضاء الرابطه (فقط)

إقتباس الرسالة الأصلية كتبت بواسطة kun khalid - ماعندي مشكله ، بس عندي شرط ! إضمن لي محد يسحب ! يجيك واحد يقولك سجلني وبعدها يسجل خروجه ولا نشوفه .. ثاني شي نشوف العدد أول شي ، عشان مانتعب وأخر شي مافيه مشتركين ، إذا صار فيه عدد وصاملين أبشرو أنا أمسك لكم التنظيم .. ويكون على مستوى أعضاء الرابطه (فقط)

+1

طبعا انا صامل خخخخ سجل عندك اول مشترك اذا بوه بطولة ومعليش ع القطعة بسبب الجامعة